ບໍລິສັດ ວັງຕັດຂຸດຄົ້ນບໍ່ແຮ່ ຈໍາກັດ ມອບອຸປະກອນປ້ອງກັນພະຍາດໂຄວິດ-19.

497

ບໍລິສັດ ວັງຕັດຂຸດຄົ້ນບໍ່ແຮ່ ຈໍາກັດ ໄດ້ສະໜອງຜ້າອັດປາກໃຫ້ພະແນກສາທາລະນະສຸກແຂວງ ອັດຕະປື ເພື່ອສະໜັບສະໜູນຊ່ວຍຄະນະສະເພາະກິດປ້ອງກັນພະຍາດໂຄວິດ-19. ສໍາລັບເຄື່ອງທີ່ນຳມາ ຊ່ວຍເຫຼືອປະກອບມີຜ້າອັດປາກ ຈໍານວນ 10.000 ອັນ ລວມມູນຄ່າ 24 ລ້ານກີບ.

ສໍາລັບການປະກອບສ່ວນຊ່ວຍເຫຼືອໃນຄັ້ງນີ້ກໍ່ເພື່ອອຳນວຍຄວາມສະດວກໃຫ້ພະນັກງານການແພດ ແລະ ຄະນະສະເພາະກິດກຳລັງປະຕິບັດຫນ້າທີ່ປ້ອງກັນພະຍາດໂຄວິດ-19 ໃນໄລຍະນີ້ ໄດ້ຫຼຸດຜ່ອນຄວາມສ່ຽງເຂົ້າໃນການປ້ອງກັນຕົນເອງ, ກຽມຄວາມພ້ອມຮັບມືກັບການລະບາດ ແລະ ຢືນຢັນວ່າອຸປະກອນການແພດທີ່ໄດ້ຮັບ ຈະຖຶກນຳໃຊ້ເຂົ້າໃນການສະກັດກັ້ນ ແລະ ຕ້ານພະຍາດໂຄວິດ – 19 ຢູ່ ແຂວງອັດຕະປືຢ່າງມີປະສິດທິຜົນສູງ.

ພິທີມອບ-ຮັບເຄື່ອງຊ່ວຍເຫຼືອດັ່ງກ່າວ ຈັດຂຶ້ນໃນວັນທີ່ 15 ເມສາ 2020 ຜ່ານມາ ທີ່ພະແນກສາທາລະນະສຸກແຂວງອັດຕະປື ເຊິ່ງໃຫ້ກຽດມອບ ໂດຍແມ່ນ ທ່ານ ພອນສະຫວັນ ໄຊທະນາສີ ຜູ້ຕາງໜ້າບໍລິສັດ ວັງຕັດຂຸດຄົ້ນບໍ່ແຮ່ ຈໍາກັດ ແລະ ຕາງໜ້າກ່າວຮັບຂອງທ່ານ ອຸ່ນຫຼ້າ ໄຊຍະສິດ ຮອງເຈົ້າແຂວງອັດຕະປື ທັງເປັນຮອງປະທານຄະນະສະເພາະກິດ ຄະນະປ້ອງກັນພະຍາດໂຄວິດ – 19 ພ້ອມດ້ວຍຄະນະນຳທັງສອງຝ່າຍເຂົ້າຮ່ວມ.

(ເນື້ອໃນ-ພາບ: ມະນີວອນ)