ຊົມເຊີຍວັນສ້າງຕັ້ງ ຄະນະຊາວໜຸ່ມປະຊາຊົນປະຕິວັດລາວຄົບຮອບ 65 ປີ

641

ໃນໂອກາດວັນສ້າງຕັ້ງຄະນະຊາວໜຸ່ມປະຊາຊົນປະຕິວັດລາວ ຄົບຮອບ 65 ປີ (14 ເມສາ 1955-14 ເມສາ 2020) ໃນວັນທີ 9 ເມສາ 2020 ເປັນປີທີ່ມີຄວາມໝາຍສໍາຄັນຢ່າງຍິ່ງ ເພື່ອລະນຶກເຖິງມູນເຊື້ອ ແລະ ຄຸນງາມຄວາມດີຂອງຄົນຮຸ້ນກ່ອນທີ່ໄດ້ອຸທິດຊີວິດເລືອດເນື້ອຂອງຕົນໃຫ້ແກ່ປະເທດຊາດ, ຖືເອົາວັນທີ 14 ເມສາ ເປັນວັນເຕົ້າໂຮມຄວາມສາມັກຄີຂອງຊາວໜຸ່ມ-ເຍົາວະຊົນ ແລະ ອະນຸຊົນລາວບັນດາເຜົ່າ


ເປັນວັນການສຶກສາຮໍ່າຮຽນ, ກໍ່ສ້າງ ແລະ ພັດທະນາຕົນເອງໃຫ້ມີຄຸນສົມບັດສິນທໍາປະຕິວັດ, ມີຄວາມຮູ້ຄວາມສາມາດ ແລະ ມີຄວາມກ້າວໜ້າ, ຖືເອົາວັນທີ 14 ເມ ສາ ເປັນວັນແຫ່ງການປັບປຸງການຈັດຕັ້ງຂອງຊາວໜຸ່ມໃຫ້ມີຄວາມໜັກແໜ້ນເຂັ້ມແຂງ, ຊາວໜຸ່ມເປັນຜູ້ທີ່ໄວ້ວາງໃຈຂອງພັກ ໃຫ້ສົມກັບຄໍາວ່າ ຊາວໜຸ່ມເປັນແຂນຂວາຂອງພັກ, ເປັນກະດູກສັນຫລັງຂອງປະເທດຊາດ

ຊາວໜຸ່ມຈົ່ງນໍາໜ້າທີ່ວຽກງານ ໃຫ້ສົມກັບປະທານ ໄກສອນ ພົມວິຫານ ເຄີຍໄດ້ໃຫ້ສັນຍານາມໄວ້ວ່າ: ຊາວໜຸ່ມຈົ່ງເປັນດັ່ງນົກອິນຊີທີ່ບໍ່ຫວັ່ນກົ່ວຕໍ່ພະຍຸລົມແດງ ຈົ່ງກາຍເປັນສິນໄຊແຫ່ງຍຸກສະໄໝຂອງພວກເຮົາ, ອິນຊີທັງຫລາຍຈົ່ງປິນໃຫ້ສູງ ບິນໄປໃຫ້ໄກແສນໄກ ໃຕ້ທ້ອງຟ້າສີຄາມຂອງປະເທດຊາດ ແລະ ນໍາເອົາອານາຄົດອັນສົດໃສ ມາໃຫ້ແກ່ຄົນຮຸ່ນໜຸ່ມພວກເຮົາ ເພື່ອພາລະກິດປົກປັກຮັກສາ ແລະ ພັດທະນາປະເທດຊາດ.