3ອົງການຈັດຕັ້ງມະຫາຊົນ ພະແນກການເງິນ ນວ​ ລະດົມທຶນ 35​ ລ້ານກີບ​ ຕ້ານໂຄວິດ

650

ສາມອົງການຈັດຕັ້ງມະຫາຊົນ ພະແນກການເງິນ​ ນະຄອນຫລວງວຽງຈັນ​ (ນວ)​ ກໍຄື​ ພະນັກງານ​ ການເງິນ​ທົ່ວ​ ນວ​ ສາມາດລະດົມທຶນນໍ້າໃຈອັນດີງາມ ໄດ້ເງິນ​ 35​ ລ້ານກີບ​ ປະກອບສ່ວນ ໃຫ້​ນະຄອນຫລວງວຽງຈັນ​ ເຂົ້າໃນຂະບານການຕ້ານເຊື້ອພະຍາດສາຍພັນໃໝ່​ ໂຄວິດ​-19​ ທີ່ກຳລັງແຜ່ລະບາດຢ່າງໜັກໃນທົ່ວໂລກ ກໍຄື​ ສປປ​ ລາວ.
ພິທີມອບ-ຮັບເງິນໃນຄັ້ງນີ້ ໄດ້ມີຂຶ້ນ ໃນຕອນເຊົ້າວັນທີ 11​ ເມສາ​ 2020​ ທີ່ຫ້ອງວາການປົກຄອງນະຄອນຫຼວງວຽງຈັນ ຕາງໜ້າກ່າວມອບໂດຍສະຫາຍ ສີລິລາດທົງສິນ ທອງເພັງ ເລຂາຄະນະພັກຮາກຖານທັງເປັນຫົວໜ້າພະແນກການເງິນ ນວ​ ແລະ​ ຕາງໜ້າກ່າວຮັບແມ່ນສະຫາຍ ສີຫຸນ ສິດທິລືໄຊ ຮອງເລຂາຄະນະພັກ​ ນວ​ ທັງເປັນຮອງເຈົ້າຄອງ ນະຄອນຫຼວງວຽງຈັນ ມີບັນດາສະຫາຍຄະນະພັກຮາກຖານພະແນກການເງິນ ນວ,​ 3​ ອົງການ​ຈັດຕັ້ງ ມະຫາຊົນ​ ຊາວໜຸ່ມ,​ ແມ່ຍິງ,​ ກຳມະບານ​ ແລະ​ ພະນັກງານທີ່ກ່ຽວຂ້ອງ​ ຕະຫຼອດຮອດສື່ມວນຊົນເຂົ້າຮ່ວມເປັນສັກຂີພິຍານ.

ໂອກາດນີ້,​ ທ່ານ​ ສີລິລາດທົງສິນ ທອງເພັງ ໃຫ້ສຳພາດວ່າ: ປັດຈຸບັນ​ ພະຍາດສາຍພັນໃໝ່ ຈຸລິນຊີ​ ໂຄວິດ-19​ ກໍາລັງເປັນບັນຫາທີ່ອັນຕະລາຍຂຸຄາມແຜ່ລະບາດສ້າງຄວາມຫຍຸ້ງຍາກ​ ແລະ​ ເສຍຫາຍມະຫານສານໃຫ້ແກ່ສັງຄົມໂລກ ກໍຄື​ ສປປ​ ລາວ​ ຢ່າງ​ໜັກໜ່ວງ​ ສະນັ້ນ​ ເພື່ອ​ເປັນການ ປະກອບສ່ວນ​ຜ່ອນຄວາມລຳບາກໃຫ້ແກ່ຊາວນະຄອນຫຼວງວຽງຈັນ​ ຕ້ານເຊື້ອພະຍາດມໍລະນະດັ່ງກ່າວ ມື້ນີ້​ ພວກເຮົາ​ 3​ ອົງການ​ຈັດຕັ້ງ ມະຫາຊົນ​ ພະແນກການເງິນ​ ກໍຄື​ ພະນັກງານ​ການເງິນທົ່ວ​ ນວ​ ຈຶ່ງໄດ້ພ້ອມກັນເສຍສະຫຼະປະກອບສ່ວນລະດົມເງິນໄດ້ ຈຳນວນເຫຼັກໜ້ອຍ 35​ ລ້ານກີບ​ ນຳມາມອບໃຫ້ ນະຄອນຫຼວງວຽງຈັນ​ ເພື່ອຕ້ານພະຍາດດັ່ງກ່າວໃຫ້ໝົດໄປ.​