ນັກສຶກສາລາວມາຈາກຕ່າງປະເທດຢູ່ແຂວງອັດຕະປື ໄດ້ກັກໂຕ ແລະ ຖຶກເບິ່ງແຍງເປັນຢ່າງດີ

513

ນັກສຶກສາລາວ ທີ່ມາຈາກຕ່າງປະເທດ ທີ່ຍັງຢູ່ໃນສູນກັກກັນ ເພື່ອສືບຕໍ່ຕິດຕາມອາການຂອງພະຍາດ COVID-19 ໃຫ້ຄົບ 14 ວັນ ໃນໂຮງຮຽນປະຖົມເຊກອງ ເມືອງ ສາມັກຄີໄຊ ແຂວງ ອັດຕະປື ນັ້ນ ມີຕົວເລກສາສົມທັງໝົດ 86 ຄົນ, ລວມຈຳນວນທີ່ຍັງຕິດຕາມ 83 ຄົນ, ຄົນເກົ່າ 84 ຄົນ ແລະ ປ່ອຍຕົວອອກ 1 ຄົນ ທີ່ບໍ່ມີອາການສະແດງອອກ ຫລັງທີ່ພໍ່ແມ່ຜູ້ປົກຄອງເກີດມີຄວາມກາງວົນຢ້ານບໍ່ປອດໄພໃນເລື່ອງອາຫານ, ການຢູ່ອາໄສ ໃນສູນກັກກັນ ເພາະມີຄົນເປັນຈຳນວນຫລາຍອາໄສຢູ່ຮ່ວມກັນ.

ຕໍກັບັນນີ້ ທ່ານ ອິນປັນ ອິນທິລາດ ຫົວໜ້າກອງເລຂາ ຄະນະກຳມະການສະເພາະກິດ ການປ້ອງກັນ ແລະ ຄວບຄຸມພະຍາດ (COVID-19), ໄດ້ຢືນຢັນ ແລະ ໂອ້ລົມຕໍ່ພໍ່ແມ່ຜູ້ປົກຄອງຂອງນ້ອງໆນັກສຶກສາແລ້ວກ່ຽວກັບມາດຕະການໃນການກັກກັນ 14 ວັນ ແມນໄດ້ຮັບນະໂຍບາຍດ້ານຕ່າງໆຂອງພະເເນກສາລະນະສຸກແຂວງ ກ່ຽວກັບເລື່ອງອາຫານການກິນ, ການໃຊ້ຊີວິດຂອງນ້ອງໆນັກສຶກສາໃນຊ້ວງ 14 ວັນ ແມ່ນໄດ້ຮັບນະໂຍບາຍ ຢ່າງສະໝ່ຳສະເໝີ ແລະ ທີມງານປະຕິບັດການສຸກເສີນດ້ານສາທາລະນະສຸກ ເພື່ອປ້ອງກັນ ແລະ ຄວບຄຸມພະຍາດ COVID-19 ໄດ້ຕິດຕາມເຝົ້າລະວັງໃນແຕ່ລະວັນ ດ້ວຍການກວດກັ່ນກອງ ດ້ານສຸຂະພາບ ແລະ ເເຈກຢາຍອາຫານໃຫ້ນ້ອງໆນັກສຶກສາ ທີ່ຖືກກັກກັນ 14 ວັນ ຢູ່ຈຸດໂຮງຮຽນປະຖົມເຊກອງ ແລະ ສູູນກັກກັນແຫ່ງອື່ນຢ່າງເປັນເຈົ້າການ.

ພ້ອມນີ້ ທ່ານ ຍັງໄດ້ແນະນຳໃຫ້ຫົວໜ້າຄອບຄົວ ຫຼື ພໍ່ແມ່ຜູ້ປົກຄອງ ຮູ້ຈັກວິທີປ້ອງພະຍາດ ອັກເສບປອດຈາກເຊື້ອຈຸລະໂລກສາຍພັນໃໝ່ (COVID-19) ແລະ ເຂົ້າໃຈໃນມາດຕະການກັກກັນ 14 ວັນ ອີກດ້ວຍ. ພໍ່ແມ່ຜູ້ປົກຄອງຈົ່ງໃຫ້ສະບາຍອົກສະບາຍໃຈ, ສັງຄົມໃນທົ່ວ ເເຂວງ ອັດຕະປື ຖ້າທ່ານໃດມີຄວາມເມດຕາເຂົ້າໃນການຊ່ວຍເຫລືອ ອຸປະຖໍາປະກອບສ່ວນດ້ານ ອາຫານ, ນ້ຳດື່ມ ແລະ ສິ່ງຂອງອື່ນໆ ທີ່ຈຳເປັນ ກໍ່ສາມາດປກອບສ່ວນໄດ້ຕາມຄວາມສາມາດຂອງທ່ານ.

ມາຮອດ ປັດຈຸບັນ ສ ປປ ລາວ ມີຕົວເລກລາຍງານກໍລະນີຜູ້ຕ້ອງສົງໄສ ທັງໝົດ 621 ກໍລະນີ, ຖືກຕິເຊື້ອ (COVID-19) 12 ກໍລະນີ ໃນນັ້ນ ແຂວງ ອັດຕະປື ມີຕົວເລກລາຍງານກໍລະນີສົງໄສ 5 ກໍລະນີ ເຊິ່ງຜ່ານການກວດຕົວຢ່າງແມ່ນບໍມີກໍລະນີພົບເຊື້ອ ສະແດງວ່າ ພະຍາດໂຄວິດ-19 ຍັງສືບຕໍ່ເປັນໄພ ຄຸກຄາມ ຕໍ່ ມວນມະນຸດ ແລະ ຍັງມີຄວາມສ່ຽງ ຕໍ່ພໍ່ແມ່ປະຊາຊົນຊາວປແຂວງ ອັດຕະປື ສູງຂຶ້ນ ດັ່ງນັ້ນ ຄວາມຕ້ອງການເພີ່ມທະວີຕໍ່ສູ້ກັບພະຍາດນີ້ ພວກເຮົາທຸກຄົນ ຕ້ອງລ້າງມື ດ້ວຍສະບູ ແລະ ນໍ້າ ຢ່າງຖືກວິທີ, ແລະ ປິດປາກເວລາໄອ ຫລື ຈາມ, ພວກເຮົາແມ່ນໄດ້ຊ່ວຍໃນການປ້ອງກັນ ຖ້າບຸກຄົນມີອາການສົງໄສ ໃຫ້ຕິດຕໍ່ຫາສາຍດ່ວນ 166 ທັນທີ ຫລື 020 55040018 ຊື່ (ທ່ານໝໍ ພູໂຂງ) ເພື່ອປຶກສາວິທີປ້ອງກັນ ຫລື ຂໍຄໍາແນະນໍາ.

ໂດຍ: ສາຍນ້ຳ