ສ່ວຍສາອາກອນແຂວງສະຫວັນນະເຂດມອບເງິນ 40 ລ້ານກີບຕ້ານໂຄວິດ

540

ເພື່ອເປັນການປະກອບສ່ວນເຂົ້າໃນການຊຸກຍູ້, ຕ້ານ ແລະ ສະກັດກັ້ນ ພະຍາດອັກເສບປອດສາຍພັນໃໝ່ ໂຄວິດ -19 ຂອງຄະນະສະເພາະກິດ ຄວບຄຸມ ແລະ ຕ້ານພະຍາດໂຄວິດ19 ຂັ້ນແຂວງ, ກຳລັງ ປກສ, ປກຊ, ແພດໝໍ ດັ່ງນັ້ນມາໃນວັນທີ 7 ເມສາ 2020 ຢູ່ທີ່ ຫ້ອງວ່າການປົກຄອງແຂວງສະຫວັນນະເຂດ

ທ່ານ ເພັດດາລາ ແກ້ວສາລີ ຫົວໜ້າສ່ວຍສາອາກອນ ແຂວງສະຫວັນນະເຂດ ໄດ້ນຳເອົາເງິນຈຳນວນ 40 ລ້ານກີບມາມອບໃຫ້ກັບ ຄະນະສະເພາະກິດ ຄວບຄຸມ ແລະ ຕ້ານພະຍາດ ໂຄວິດ-19 ຂັ້ນແຂວງ,ໂຮງໝໍແຂວງ,ປກສ ແຂວງ,ປກຊ ແຂວງ ແລະ ຫ້ອງວ່າການປົກແຂວງ

ໃນນັ້ນມອບໃຫ້ຄະນະສະເພາະກິດ ຄວບຄຸມ ແລະ ຕ້ານພະຍາດ ໂຄວິດ-19 ຂັ້ນແຂວງເປັນຈຳນວນເງິນ 15 ລ້ານກີບ ໂດຍເປັນກຽດຮັບຂອງທ່ານ ປອ ໂພໄຊ ໄຊຍະສອນ ຮອງເຈົ້າແຂວງສະຫວັນນະເຂດ ຫົວໜ້າຄະນະສະເພາະກິດ ຄວບຄຸມ ແລະ ຕ້ານພະຍາດ ໂຄວິດ-19 ຂັ້ນແຂວງ, ມອບໃຫ້ໂຮງໝໍແຂວງ 10 ລ້ານກີບ, ມອບໃຫ້ ປກສ ແຂວງ 5 ລ້ານກີບ, ມອບໃຫ້ ປກຊແຂວງ 5 ລ້ານກີບ ແລະ ມອບໃຫ້ຫ້ອງວ່າການປົກຄອງແຂວງສະຫວັນນະເຂດ 5 ລ້ານກີບ

ເຊິ່ງເງິນຈຳນວນດັ່ງກ່າວແມ່ນໄດ້ຈາກການສະດົມຈາກພະນັກງານ ແລະ ຫົວໜ່ວຍທຸລະກິດຕ່າງໆ ທັງນີ້ກໍ່ເພື່ອເປັນການປະກອບສ່ວນເຂົ້າໃນການແກ້ໄຂ, ຄວບຄຸບ ແລະ ຕ້ານພະຍາດໂຄວິດ 19 ພາຍໃນແຂວງໃຫ້ສະດວກໄປດ້ວຍດີ.