ປກສ ແຂວງສາລະວັນເພີ້ມທະວີຈັດຕັ້ງປະຕິບັດຄຳສັ່ງນາຍົກ ເລກທີ 06

716

ເພື່ອເປັນການເພີ້ມທະວີມາດຕະການສະກັດກັນ, ກັນການລະບາດ, ຄວບຄຸມ ແລະກຽມຄວາມພ້ອມຮອບດ້ານເພື່ອຕ້ານພະຍາດໂຄວິດ 19 ທີ່ກຳລັງລະບາດຢ່າງຮ້າຍແຮງໃນທົ່ວໂລກກໍ່ຄືຢູ່ ສປປລາວ ທີ່ໄດ້ກວດພົບຜູ້ທີ່ຕິດເຊື້ອບໍ່ໃຫ້ມີການແຜ່ລະບາດອອກສູ່ວົງກວ້າງ.

ທ່ານ ພັອ ສີເສີດ ສອນດາລາ ຫົວໜ້າກອງບັນຊາການ ປກສ ແຂວງສາລະວັນ ທັງແມ່ນຄະນະສະເພາະກິດເພື່ອປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ ຫຼືໂຄວິດ 19 ໄດ້ໃຫ້ສຳພາດຕໍ່ສືມວນຊົນໃນວັນທີ 3 ເມສາ 2020 ນີ້ວ່າ: ພາຍຫຼັງທີ່ໄດ້ຮັບຄຳສັ່ງນາຍົກ ເລກທີ່ 06 ກຳລັງ ປກສ ແຂວງກໍ່ໄດ້ມີການປະສານສົມທົບກັບພາກສ່ວນຍຕ່າງໆທີ່ກ່ຽວຂ້ອງຂັ້ນເມືອງຈັດຕັ້ງປະຕິບັດຢ່າງຮີບດ່ວນ ແລະ ເຂັ້ມງວດ ແລະເຈົ້າໜ້າທີກໍ່ໄດ້ຕັ້ງຈຸດກວດກາການໄປມາຂອງປະຊາຊົນພົນເມືອງ, ໄນນັ້ນເມືຶອງຄົງເຊໂດນ ມີ 4 ຈູດ, ເມືອງລະຄອນເພັງ 2 ຈຸດ, ເມືອງວາປີ 3 ຈຸດ, ເລົ່າງາມ 2 ຈຸດ, ຕຸ້ມລານ 1 ຈຸດ, ຕະໂອ້ຍ 1 ຈຸດ ແລະເມືອງສະໝ້ວຍ 1 ຈຸດ, ເຊິ່ງແຕ່ລະຈຸດຈະມີໜ່ວຍສະເພາະກິດຂັ້ນເມືອງ ແລະທີມງານແພດໜໍປະຈໍາເພີ່ຶອກວດ ແລະສະແກນອຸນນະພູມ, ຖ້າກໍລະນີພົບເຫັນຜູ້ທີ່ມີອຸນນະພຸມຂື້ນສູງຜີດປົກກະຕິແມ່ນຈະໄດ້ກັກໂຕແຍກປ່ຽວ.

ທ່ານຫົວໜ້າກອງບັນຊາການ ປກສ ຍັງໄດ້ໄຫ້ຮູ້ຕື່ມອີກວ່າ: ປັດຈຸບັນແມ່ນໄດ້ປີດການເຂົ້າອອກເມືອງ ເພື່ອແນໃສ່ສະກັດກັ້ນການແຜ່ລະບາດຂອງພະຍາດໂຄວີດ 19 ບໍ່ໃຫ້ແຜ່ຂະຫຍາຍອອກສູ່ວົງກ້ວາງ ພ້ອມກັນນັ້ນທ່ານຍັງໄດ້ຮຽກຮ້ອງໄຫ້ພໍ່ແມ່ປະຊາຊົນທຸກຊັ້ນຄົນຢູ່ໃນສັງຄົມຈົ່ງມີສະຕິລະວັງຕົວເປັນເຈົ້າການໃນການຈັດຕັ້ງປະຕິບັດຄໍາສັ່ງ 06 ຂອງນາຍົກລັດຖະມົນຕີຢ່າງເຂັ້ມງວດ, ເຄົາລົບລະບຽບກົດໝາຍ, ຮັບປະກັນເຮັດໃຫ້ບ້ານເມືອງມີຄວາມສະຫງົບ, ຫັນກແໜ້ນ ແລະເຂັ້ມແຂງຮອບດ້ານ.

ພາບ-ຂ່າວ: ສິດຕາ ເພັດວົງສາ