ແຂວງຈໍາປາສັກ ປະກາດພະນັກງາການນໍາແຂວງອອກພັກການ-ຮັບອຸດໜູນບໍານານ

636

ວັນທີ 31 ມີນາ 2020, ແຂວງຈໍາປາສັກ ໄດ້ຈັດພິທີປະກາດພະນັກງານການນໍາແຂວງ ອອກພັກການ-ຮັບອຸດໜູນບໍານານ ພ້ອມທັງປະກາດແຕ່ງຕັ້ງພະນັກງານນໍາພາ-ຄຸ້ມຄອງ ຂັ້ນແຂວງ ຂຶ້ນ ຢູ່ຫ້ອງວ່າການແຂວງ ໂດຍການເປັນປະທານຂອງ ສະຫາຍ ປອ.ບຸນຖອງ ດີວິໄຊ ກໍາມະການສູນກາງພັກ ເລຂາພັກແຂວງ ເຈົ້າແຂວງໆຈໍາປາສັກ. ມີບັນດາສະຫາຍຮອງເລຂາພັກແຂວງ, ຄະນະປະຈໍາພັກແຂວງ, ການນໍາພະແນກການກົມກອງອ້ອມຂ້າງແຂວງ, ການນໍາ 9 ເມືອງ, 1 ນະຄອນ ແລະ ພະນັກງານວິຊາການທີ່ກ່ຽວຂ້ອງ ເຂົ້າຮ່ວມ.


ໃນພິທີ ໄດ້ຜ່ານມະຕິຕົກລົງຂອງຄະນະເລຂາທິການສູນກາງພັກ ວ່າດ້ວຍການອະນຸມັດໃຫ້ພະນັກງານການນໍາແຂວງຈໍາປາສັກ 7 ສະຫາຍ ອອກພັກການ-ຮັບອຸດໜູນບໍານານ ຄື: ສະຫາຍ ນາງ ນິກຄໍາ ບົວສີສຸກ ກໍາມະການພັກແຂວງ ຫົວໜ້າອໍານວຍການໂຮງຮຽນການເມືອງ-ການປົກຄອງແຂວງ, ສະຫາຍ ສົມກຽດ ວໍລະລາດ ກໍາມະການພັກແຂວງ ຫົວໜ້າພະແນກສາທາລະນະສຸກແຂວງ, ສະຫາຍ ບົວໄລ ຊາພັກດີ ກໍາມະການພັກແຂວງ ຫົວໜ້າຄະນະໂຄສະນາອົບຮົມແຂວງ,ສະຫາຍ ນະລົງສັກ ຊາດຕະກຸນ ກໍາມະການພັກແຂວງ ປະທານອົງການກວດສອບປະຈໍາພາກໃຕ້,ສະຫາຍ ສົມບັດ ແສນພັນຊ່ອງ ກໍາມະການພັກແຂວງ ຫົວໜ້າພະແນກອຸດສາຫະກໍາ ແລະ ການຄ້າແຂວງ,ສະຫາຍ ບຸດເລີດ ວໍລະຈິດ ກໍາມະການພັກແຂວງ ຫົວໜ້າພະແນກຍຸຕິທໍາແຂວງ ແລະ ສະຫາຍ ຄໍາໃສ ໝື່ນຫຼວງ ກໍາມະການພັກແຂວງ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ.


ພ້ອມນີ້ ກອງປະຊຸມຍັງໄດ້ຜ່ານມະຕິຕົກລົງຂອງຄະນະປະຈໍາພັກແຂວງ ວ່າດ້ວຍການແຕ່ງຕັ້ງພະນັກງານນໍາພາ-ຄຸ້ມຄອງຂັ້ນແຂວງ 4 ສະຫາຍ ຄື: ແຕ່ງຕັ້ງ ສະຫາຍ ຄໍາຕັນ ຊົມພັນດອນ ກໍາມະການພັກແຂວງ ເປັນຫົວໜ້າຄະນະໂຄສະນາອົບຮົມແຂວງ; ແຕ່ງຕັ້ງ ສະຫາຍ ສົມສີ ມະນີນິນ ກໍາມະການພັກແຂວງ ເປັນຫົວໜ້າຄະນະຈັດຕັ້ງແຂວງ; ແຕ່ງຕັ້ງ ສະຫາຍ ປອ.ບົວເພັດ ສີບຸນເຮືອງ ຫົວໜ້າຂະແໜງຈັກຕັ້ງ-ນະໂຍບາຍ ແລະ ສະຫາຍ ວິໄລສັກ ສູນທອນ ຫົວໜ້າຂະແໜງຄຸ້ມຄອງ-ກໍ່ສ້າງພະນັກງານ ເປັນຮອງຫົວໜ້າຄະນະຈັດຕັ້ງແຂວງ.