ເປີດການກໍ່ສ້າງຂອງໂຄງການສື່ສານທາງລົດໄຟລາວ-ຈີນ ​ຢູ່ນະຄອນຫຼວງວຽງຈັນ

535

ຕາມຂ່າວCRI: ໃນວັນທີ 31 ມີນາ 2020 ທີ່ສະຖານີລົດໄຟນະຄອນຫຼວງວຽງຈັນ ໄດ້ມີພິທີເປີດໂຄງການກໍ່ສ້າງການສື່ສານຂອງໂຄງການທາງລົດໄພລາວ-ຈີນ (ບໍ່ເຕັນ-ນະຄອນຫຼວງວຽງຈັນ) ຢ່າງເປັນທາງການ.

ໂຄງການດັ່ງກ່າວເປັນສ່ວນປະກອບອັນສໍາຄັນທີ່ສຸດໃນລະບົບບັນຊາ, ຄວບຄຸມ ແລະແລ່ນລົດໄຟ ເຊິ່ງຮັບເໝົາກໍ່ສ້າງໂດຍບໍລິສັດລະບົບໄຟຟ້າກໍ່ສ້າງທາງລົດໄຟຈີນ.​ ທາງລົດໄຟລາວ-ຈີນແມ່ນໂຄງການເຊື່ອມຕໍ່ລະຫວ່າງຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ກັບຍຸດທະສາດຫັນຈາກປະເທດທີ່ບໍ່ມີທາງອອກສູ່ທະເລເປັນປະເທດເຊື່ອມໂຍງເຊື່ອມຈອດຂອງລາວ ເຊິ່ງເລີ່ມຈາກຕອນເໜືອທີ່ດ່ານຊາຍແດນບໍ່ເຕັນລະຫວ່າງລາວ-ຈີນ ໄປສິ້ນສຸດທາງຕອນໃຕ້ຢູ່ນະຄອນຫຼວງວຽງຈັນ.

ທາງລົດໄຟສາຍນີ້ສ້າງຕາມມາດຕະຖານການບໍລິຫານ ແລະມາດຕະຖານເຕັກນິກຂອງຈີນ, ຖືກອອກແບບໃຫ້ມີຄວາມໄວ 160 ກິໂລແມັດຕໍ່ຊົ່ວໂມງ, ເປັນທາງລົດໄຟໃຊ້ທີ່ໄຟຟ້າຂົນສົ່ງສິນຄ້າ​ ແລະຜູ້ໂດຍສານ ເຊິ່ງຈະເປີດບໍລິການໃນເດືອນທັນວາ ປີ 2021 ຕາມແຜນການ.