2 ເມສາ ຕົວເລກຜູ້ຕິດເຊື້ອໂຄວິດ-19 ໃນ ລາວ ຍັງຄົງທີ່ຢູ່ 10 ກໍລະນີ

503

ທ່ານ ດຣ ລັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ກ່າວຖະແຫຼງ ໃນວັນທີ 2 ເມສາ 2020 ນີ້ວ່າ: ມາຮອດວັນທີ 2 ເມສາ ນີ້, ສປປ ລາວ ຍັງບໍ່ພົບກໍລະນີຜູ້ຕິດເຊື້ອໄວຣັສໂຄວິດ-19 ເພີ່ມ ແລະ ຕົວເລກຜູ້ຕິດເຊື້ອຍັງຄົງຢູ່ທີ່ 10 ຄົນ.

ຢ່າງໃດກໍ່ຕາມເຊື້ອໄວຣັສດັ່ງກ່າວ ອາດຈະມີການແຜ່ລະບາດເພີ່ມຂຶ້ນ. ສະນັ້ນ, ຮຽກຮ້ອງໃຫ້ປະຊາຊົນລາວບັນດາເຜົ່າ ໃນຂອບເຂດທົ່ວປະເທດ ເພີ່ມທະວີເອົາໃຈໃສ່ຮັກສາຕົນເອງ ໂດຍປະຕິບັດມາດຕະການປ້ອງກັນຂອງລັດຖະບານວາງອອກຢ່າງເຄັ່ງຂັດ ໂດຍການກັກຕົວເອງຢູ່ບ້ານ, ບໍ່ອອກໄປໃສ ຍົກເວັ້ນກໍລະນີທີ່ຈໍາເປັນ ເຊັ່ນ: ໄປຊື້ເຄື່ອງອຸປະໂພກ-ບໍລິໂພກ, ໄປໂຮງໝໍ ແລະ ໄປປະຕິບັດໜ້າທີ່ຕາມການມອບໝາຍຂອງການຈັດຕັ້ງ ແນໃສ່ຕ້ານ ແລະ ຄອບຄຸມ ເຊື້ອໄວຣັສນີ້ບໍ່ໃຫ້ເພີ່ມຂຶ້ນ.

ຂ່າວ: ຂປລ