ໂຄວິດ-19 ໄດ້ເຮັດໃຫ້ສິນຄ້າເໜັງຕີງ ແລະ ສິນຄ້າຈຳນວນໜຶ່ງຂາດຕະຫຼາດ

525

ທ່ານ ແສງປັນ ສຸລິແປງ ຮອງຫົວໜ້າພະແນກອຸດສາຫະກຳ ແລະ ການຄ້າແຂວງ ໄດ້ໃຫ້ຮູ້ວ່າ: ຕໍ່ກັບບັນຫາດັ່ງກ່າວທາງພະແນກອຸດສາຫະກຳ ແລະ ການຄ້າ ແລະ ພາກສ່ວນທີ່ກ່ຽວຂ້ອງໄດ້ແຕ່ງຕັ້ງໜ່ວຍສະເພາະກິດຂຶ້ນ 2 ຈຸດ ລົງຕິດຕາມກວດກາຄຸ້ມຄອງການເໜັງຕີງຂອງລາຄາສິນຄ້າຕາມທ້ອງຕະຫຼາດໃນເທສະບານເມືອງ ແລະ ຕະຫຼາດຕາມຊົນນະບົດ ທຸກວັນພະຫັດ ແລະ ວັນອາທິດ ເພື່ອບໍ່ໃຫ້ມີການກັກຕຸນສິນຄ້າ ແລະ ສວຍໂອກາດຂຶ້ນລາຄາ.

ວັນທີ 26 ມີນາ 2020 ນີ້ ໜ່ວຍສະເພາະກິດວ່າສະພາບປັດຈຸບັນມີຄວາມຫຍຸ້ງຍາກໃນການສະໜອງ, ຄວາມຕ້ອງການສິນຄ້າບາງປະເພດແມ່ນຫຼຸດລົງ ແລະ ລາຄາສິນຄ້າບາງປະເພດລາຄາກໍເພີ່ມຂຶ້ນ 5 – 10% ແລະ ບາງປະເພດກໍເພີ່ມຂຶ້ນຫຼາຍ ເຊັ່ນ: ໝາກນາວ ໃນເມືອກ່ອນຂາຍ ລາຄາ 10.000 ກີບ/ກິໂລ ປັດຈຸບັນ ແມ່ນຂາຍ 40.000 ກີບ/ກິໂລ.

ໃນນີ້ ສິນຄ້າທີ່ຂາດຕະຫຼາດຈຳນວນໜຶ່ງແມ່ນປະເພດປາດຸກ, ໄຂ່ໄກ່, ສິນຄ້າສຳເລັດຮູບ ແລະ ເຄິ່ງສຳເລັດຮູບ ສິນຄ້າປະເພດນີ້ແມ່ນນໍາເຂົ້າມາຈາກຕ່າງປະເທດ ແລະ ຕ່າງແຂວງເປັນຫຼັກ.

ເນື່ອງຈາກວ່າໄດ້ມີແຈ້ງການປິດແຈ້ງການຂອງກະຊວງການຕ່າງປະເທດ ໂດຍສະເພາະແມ່ນແຂວງບໍ່ແກ້ວ ເຮັດໃຫ້ການຂົນສົ່ງສິນຄ້າແມ່ນມີຄວາມຫຍຸ້ງຍາກ, ຕໍ່ກັບບັນຫາດັ່ງກ່າວທາງພາກສ່ວນທີ່ກ່ຽວຂ້ອງກໍໄດ້ນຳສະເໜີຕໍ່ຂັ້ນເທິງເພື່ອຊອກຫາວິທີແກ້ໄຂ. ສຳລັບສິນຄ້າທີ່ເປັນປະເພດພືດຜັກຍັງສາມາຕອບສະໜອງໄດ້ຕາມຄວາມຮຽກຮ້ອງຕ້ອງການ.

ໂອກາດນີ້ໃນນາມພະແນກວິຊາການຂອງພວກເຮົາ ຮຽກຮ້ອງໃຫ້ທຸກພາກສ່ວນເປັນເຈົ້າການ ໂດຍສະເພາະແມ່ນເວົ້າເລື່ອງຊີວິດການເປັນຢູ່ຂອງພໍ່ແມ່ປະຊາຊົນບັນດາເຜົ່າໃຫ້ຫັນມາປູກຝັງ-ລ້ຽງສັດ ຕາມຄວາມສາມາດຕາມເງື່ອນໄຂ ເພາະວ່າໄລຍະພະຍາດໂຄວິດ-19​ ລະບາດນີ້ມັນມີຄວາມຈຳເປັນ, ເກີດວິກິດການພະຍາດໂຄວິດ-19. ອີກເທື່ອໜຶ່ງກໍຮຽກຮ້ອງມາຍັງທຸກພາກໃຫ້ຢຸດການຊຸມນຸມ, ການຊຸມແຊວນີ້ ເພື່ອຈະເປັນການລະບາດຂອງພະຍາດດັ່ງກ່າວ.

ຂ່າວ: ຕິມໃຈ – ພາບ: ບຸນເພັດ