ພົບອີກ 1 ຄົນ ຜູ້ຕິດເຊື້ອໂຄວິດ-19​ ເຮັດໃຫ້ຍອດຜູ້ຕິດເຊື້ອເພີ່ມເປັນ 9 ຄົນ

1018

ວັນທີ 30 ມີນາ 2020​ ເວລາ 14:40 ໂມງ ທີ່ກະຊວງສາທາລະນະສຸກ, ຄະນະສະເພາະກິດ ປ້ອງກັນ, ຄວບຄຸມ ແລະ ແກ້ໄຂ ການແຜ່ລະບາດຂອງພະຍາດ ໂຄວິດ-19 ໂດຍ ທ່ານ ຮສ ດຣ. ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ, ຜູ້ປະຈຳການຄະນະສະເພາະກິດຄວບຄຸມພະຍາດໂຄວິດ-19 ຖະແຫຼງໃຫ້ຮູ້ວ່າ: ສະພາບການຄວບຄຸມ ແລະ ປ້ອງກັນການລະບາດຂອງເຊື້ອພະຍາດໂຄວິດ-19​ ພວກເຮົາໄດ້ກວດພົບຜູ້ຕິດເຊື້ອໃໝ່ເພີ່ມອີກ 1 ຄົນຄື: ເພດຍິງ 22 ປີ,​ ຢູ່ບ້ານໂພນພະເນົ່າ,​ ເມືອງໄຊເສດຖາ, ນະຄອນຫຼວງວຽງຈັນ ມີປະຫວັດເດີນທາງປະເທດສ່ຽງຄື ປະເທດໄທ ໃນວັນທີ 14 ມີນາ ເຖິງວັນ 28 ມີນາ 2020​ ຜູ້ກ່ຽວຈຶ່ງມີອາການ ແລະ ກວດພົບຕິດເຊື້ອໂຄວິດ-19

ສະນັ້ນ,​ ມາຮອດວັນທີ 30 ມີນາ ເວລາ 15:00 ໂມງ ເຮັດໃຫ້ຍອດຜູ້ຕິດເຊື້ອພະຍາດໂຄວິດ-19​ ໃນ ສປປ ລາວ ລວມທັງໝົດ 9 ຄົນຄື:
1. ເພດຍິງ ອາຍຸ 36 ອາຊີບໄກ້ນຳທ່ຽວ ຢູ່ນະຄອນຫຼວງວຽງຈັນ
2. ເພດຊາຍ ອາຍຸ 28 ອາຊີບພະນັກງານໂຮງແຮມ ຢູ່ນະຄອນຫຼວງວຽງຈັນ
3. ເພດຊາຍ ອາຍຸ 26 ອາຊີບນັກທຸລະກິດ ຢູ່ນະຄອນຫຼວງວຽງຈັນ

4. ເພດຊາຍ ອາຍຸ 42 ອາຊີບຂັບລົດນຳທ່ຽວ ຢູ່ແຂວງຫຼວງພະບາງ
5. ເພດຊາຍ ອາຍຸ 52 ອາຊີບຂັບລົດນຳທ່ຽວ ຢູ່ແຂວງຫຼວງພະບາງ
6. ເພດຊາຍ ອາຍຸ 41 ຢູ່ນະຄອນຫຼວງວຽງຈັນ



7. ເພດຍິງ ອາຍຸ 50 ປີ ຢູ່ນະຄອນຫຼວງພະບາງ, ແຂວງຫຼວງພະບາງ.
8. ເພດຊາຍ ອາຍຸ 18 ປີ ຢູ່ບ້ານດອນນົກຂຸມ ເມືອງສີສັດຕະນາກ, ນະຄອນຫຼວງວຽງຈັນ
9. ເພດຍິງ,​ ອາຍຸ 22 ຢູ່ບ້ານເພົາພະເນົາ, ເມືອງໄຊເສດຖາ,​ ນະຄອນຫຼວງວຽງຈັນ