ດ່ວນ! ປິດຊົ່ວຄາວຕະຫຼາດແຄມຂອງ ເລີ່ມມື້ນີ້ເປັນຕົ້ນໄປ

1220

ເນື່ອງຈາກສະພາບການລະບາດຂອງພະຍາດໂຄວິດ-19 ໃນລາວເຮົາ ມີຈໍານວນຜູ້ຕິດເຊື້ອເພີ່ມຂຶ້ນ ເຮັດໃຫ້ລັດຖະບານສຸມໃສ່ມາດຕະການເຂັ້ມງວດ ສັ່ງປິດສະຖານທີ່ຊຸມນຸມຕ່າງໆ ເພື່ອຄວບຄຸມ ແລະ ຕອບໂຕ້ການລະບາດຂອງພະຍາດດັ່ງກ່າວ, ເຊິ່ງຫຼ້າສຸດມື້ນີ້ມີແຈ້ງການອອກມາແລ້ວ ປິດຊົ່ວຄາວຕະຫຼາດກາງຄືນ ສວນເຈົ້າອານຸວົງ(ແຄມຂອງ) ແບບບໍ່ມີກໍານົດ

ອີງຕາມແຈ້ງການຂອງເມືອງຈັນທະບູລີ ນະຄອນຫຼວງວຽງຈັນ, ເລື່ອງໃຫ້ປິດການຂາຍເຄື່ອງຢູ່ຕະຫຼາດກາງຄືນສວນເຈົ້າອານຸວົງ (ແຄມຂອງ) ເປັນການຊົ່ວຄາວ ໃຫ້ຮູ້ວ່າ: ອົງການປົກຄອງເມືອງຈັນທະບູລີ ນະຄອນຫຼວງວຽງຈັນແຈ້ງເຖິງກຸ່ມບໍລິສັດດາວເຮືອງ, ລັດວິສາຫະກິດຮ້ານອາຫານຟູຈິວະລະ ແລະ ຊາວຄ້າຂາຍຢູ່ຕະຫຼາດແຄມຂອງ ໃຫ້ປິດການຂາຍເປັນການຊົ່ວຄາວ ເຊິ່ງເລີ່ມແຕ່ວັນທີ 27 ມີນາ 2020 ເປັນຕົ້ນໄປ ເພື່ອຕ້ານ ແລະ ສະກັດກັ້ນການລະບາດຂອງໂຄວິດ-19 ຈົນກວ່າສະພາບຈະກັບມາປົກກະຕິ. ສ່ວນວັນ ເວລາເປີດຄືນໃໝ່ຈະແຈ້ງໃຫ້ຊາບພາຍຫຼັງ.

ນອກຈາກນີ້ ລາຍລະອຽດອື່ນໆສາມາດອ່ານຕາມແຈ້ງການລຸ່ມນີ້ໄດ້ເລີຍ