ຮ້ານປີ້ງໄກ່ນາປົ່ງ ປະຕິບັດມາດຕະການຕອບໂຕ້ໂຄວິດ-19 ຫຼັງໜຶ່ງໃນຜູ້ຕິດເຊື້ອ ເຄີຍໄປຮ້ານດັ່ງກ່າວ

547

ຮ້ານອາຫານປີ້ງໄກ່ນາປົ່ງອອກມາໂພສພາບພ້ອມຂໍ້ຄວາມຊີ້ແຈງກໍລະນີທີ່ມີໜຶ່ງໃນຜູ້ຕິດເຊື້ອໂຄວິດ-19 ໃນລາວ ເຄີຍມີປະຫວັດເດີນທາງໄປຮ້ານອາຫານດັ່ງກ່າວ ເຊິ່ງປັດຈຸບັນທາງຮ້ານໄດ້ປະຕິບັດມາດຕະການປິດຮ້ານ, ມີການສີດພົ່ນຢາຂ້າເຊື້ອ ແລະ ໃຫ້ພະນັກງານຈໍາກັດບໍລິເວນຕົນເອງເປັນເວລາ 14 ວັນແລ້ວ.

ເຊິ່ງທາງຮ້ານດັ່ງກ່າວກໍໄດ້ໂພສຂໍ້ຄວາມອະທິບາຍວ່າ: ກໍລະນີມີຜູ້ຕິດເຊື້ອ Covid-19 ໄດ້ມາໃຊ້ບໍລິການຢູ່ຮ້ານປີ້ງໄກ່ນາປົ່ງໃນວັນທີ 21 ມີນາ 2020 ນັ້ນ ຂໍຊີ້ແຈງວ່າຜູ້ກ່ຽວໄດ້ມາກິນເຂົ້າຢູ່ສາຂາ (ສີບຸນເຮືອງ) ມາກິນເຂົ້າບໍ່ຮອດ 1 ຊົ່ວໂມງ. ມາດຕະການປ້ອງກັນ ແລະ ຕອບໂຕ້ພະຍາດຂອງຮ້ານພວກເຮົາມີດັ່ງນີ້:

1 ກ່ອນໜ້ານີ້ຕອນທີ່ພະຍາດລະບາດຢູ່ປະເທດຈີນ ພວກເຮົາໄດ້ຝຶກອົບຮົມໃຫ້ຄວາມຮູ້ແກ່ພະນັກງານເພື່ອໃຫ້ຮູ້ຈຸດສ່ຽງ, ຄວາມສ່ຽງ ແລະ ວິທີປ້ອງກັນໃຫ້ແກ່ພະນັກງານ ເຊິ່ງຊ່ວຍໃຫ້ພະນັກງານມີສະຕິ ແລະ ຮັບມືໄດ້ໃນລະດັບໜຶ່ງ.

2 ເພື່ອບໍ່ເປັນການປະໝາດ ພວກເຮົາໄດ້ມີການຈັດການດັ່ງນີ້: ປິດຮ້ານ; ສີດພົ່ນຂ້າເຊື້ອ ແລະ ໃຫ້ພະນັກງານກັກກັນຕົວເອງຢູ່ບ້ານ 14 ວັນ ພ້ອມຕິດຕາມອາການເປັນໄລຍະ.

ທີ່ມາ: ປີ້ງໄກ່ນາປົ່ງ