ເມືອງພຽງ ຈັດພິທີປິດການຮຽນ-ການສອນກົດໝາຍຫລັກສູດ 45 ວັນຊຸດທີ 3 ຂັ້ນເມືອງ

531

ໃນວັນທີ 26 ມີນາ 2020 ນີ້ ຢູ່ຫ້ອງປະຊຸມໃຫຍ່ຂອງເມືອງ ໄ່ດ້ຈັດພິທີປິດການຮຽນ-ການສອນ ກົດໝາຍຫລັກສູດ 45 ວັນ ຊຸດທີ 3 ຂັ້ນເມືອງ ປະຈຳປີ 2020 ໂດຍການເຂົ້າຮ່ວມຂອງທ່ານ ເສີດ ແສງສຸລິນ ເລຂາພັກເມືອງ ເຈົ້າເມືອງ ເມືອງພຽງ, ມີທ່ານ ກາວີ ເກດດົມລິ ຫົວໜ້າພະແນກຍຸຕິທໍາ ແຂວງໄຊຍະບູລີ ມີບັນດາພາກສວ່ນທີ່ກຽ່ວຂ້ອງຂອງພະແນກຍຸຕິທໍາເມືອງ, ກໍາມະການພັກເມືອງ, ຫົວໜ້າຮອງຫົວໜ້າຫ້ອງການ, ພະນັກງານທີ່ກ່ຽວຂ້ອງ, ອໍານາດການປົກຄອງບ້ານ, ຄູອາຈານ ພ້ອມດ້ວຍນັກຮຽນກົດໝາຍເຂົ້າຮ່ວມ

ໃນພິທີໄດ້ຜ່ານບົດສະຫລຸບການຮຽນ-ການສອນກົດໝາຍ ຊຸດທີ 3 ໃນຄັ້ງນີ້ ແມ່ນໄດ້ຍົກໃຫ້ເຫັນສະພາບການຮຽນ-ການສອນໃນໄລຍະທີ່ຜ່ານມາເຊິ່ງໄດ້ເປີດການຮຽນການສອນຢ່າງເປັນທາງການໃນວັນທີ 24 ມັງກອນ 2020 ໂດຍມີນັກຮຽນທີ່ມາຈາກພະນັກງານຫລັກແຫລ່ງຂັ້ນບ້ານ ທັງໝົດ 30 ຄົນ ຍິງ 9 ຄົນ, ມີຄູອາຈານຂື້ນຫ້ອງສອນ ທັງໝົດ 20 ທ່ານ, ຍິງ 4 ທ່ານ ໃນນີ້ມາຈາກການນໍາ ແລະວິຊາການຢູ່ບັນດາຫ້ອງການຕ່າງໆທີ່ກ່ຽວຂ້ອງ 20 ທ່ານ, ຍິງ 4 ທ່ານ, ມີໂຄງການຫລັກສູດການຮຽນ ການສອນ ທັງໝົດ 30 ກວ່າວິຊາ ມີ 20 ກວ່າໜ່ວຍກິດ

ຈາກນັ້ນໄດ້ຜ່ານຂໍ້ຕົກລົງຂອງຫົວໜ້າສະຖາບັນຍຸຕິທໍາພາກເໜຶອ ວ່າດ້ວຍການມອບໃບຢ້ງຢືນການຮຽນ-ການສອນ ໃຫ້ກຽດມອບໃບຢັ້ງຢືນໂດຍ ທ່ານ ເສີດ ແສງສຸລິນ ພ້ອມທັງມີຄຳເຫັນໂອ້ລົມ ຍ້ອງຍໍຊົມເຊີຍຕໍ່ກັບຜົນງານໃນການຮຽນ-ການສອນຄັ້ງນີ້ ແລະທ່ານຍັງໄດ້ເນັ້ນໃຫ້ບັນດານັກຮຽນຈົ່ງນໍາເອົາບົດຮຽນທີ່ໄດ້ຮໍ່າຮຽນໃນຄັ້ງນີ້ ໄປໝູນໃຊ້ເຂົ້າໃນໜ້າທີ່ວຽກງານຕົວຈິງເພຶ່ອປະກອບສວ່ນເຂົ້າໃນພາລະກິດປົກປັກຮັກສາ ແລະສ້າງສາພັດທະນາປະເທດຊາດໃຫ້ມີຄວາມຈະເລີນກ້າວໜ້າພັດທະນາໃຫ້ດີຂື້ນເທຶ່ອລະກ້າວ.