ບໍລິຄຳໄຊແຈ້ງ ຫ້າມສວຍໂອກາດຂຶ້ນລາຄາ ຫຼື ກັກຕຸນສິນຄ້າ ລະເມີດແຈ້ງ 054 790347 ທັນທີ

685

ຜູ້ປະກອບການຮ້ານຂາຍຢາຄວນມີຈັນຍາບັນ ແລະ ບໍ່ຄວນສວຍໂອກາດຂຶ້ນລາຄາສິນຄ້າປ້ອງກັນ ການແຜ່ລະບາດຂອງພະຍາດອັກເສບປອດສາຍພັນໃໝ່ ຫຼື ໂຄວິດ 19 ທີ່ກຳລັງສ້າງຜົນກະທົບໃຫ້ຫຼາຍປະເທດ ທ່ານ ດຣ ຈັນທະພອນ ເທບສົມບັນດິດ ຫົວໜ້າຂະແໜງອາຫານ ແລະ ຢາ ພະແນກສາທາລະນາສຸກແຂວງບໍລິຄຳໄຊ ໄດ້ໃຫ້ສຳພາດຕໍ່ສື່ມວນຊົນຂອງແຂວງ ໃນວັນທີ 25 ມີນາ 2020 ວ່າ:

</p

ແຕ່ຕົ້ນເດືອນກຸມພາ ພະແນກສາທາລະນາສຸກ ໄດ້ສົມທົບກັບພະແນກອຸດສາຫະກຳ ແລະ ການຄ້າ ລົງກວດກາຢ່າງເປັນປະຈຳ ເປັນຕົ້ນແມ່ນສິນຄ້າທາງການແພດ ທີ່ກ່ຽວຂ້ອງກັບການປອງກັນຕົນເອງຈາກພະຍາດ Covid-19 ຂອງພໍ່ແມ່ປະຊາຊົນ ເປັນຕົ້ນແມ່ນຜ້າປິດປາກ, ເຫຼົ້າ 70 ແລະ 90 ອົງສາ, ເຈວລ້າງມື ແລະ ອື່ນໆ ເພື່ອກັບກຳຂໍ້ມູນລາຄາ, ຈຳນວນສິນຄ້າຕົວຈິງ ແລະ ແຫຼ່ງການຜະລິດ ພ້ອມດຽວກັນຍັງໄດ້ຫ້າມບໍ່ໃຫ້ຮ້ານຂາຍຢາແຕ່ລະບ່ອນ ນຳເອົາເຄື່ອງກວດຫາເຊື້ອພະຍາດ Covid-19 ແບບໄວມາຈຳໜ່າຍ ເພື່ອເປັນການປ້ອງກັນຜູ້ບໍ່ຫວັງດີ ສວຍໃຊ້ໂອກາດຫຼອກລວງຜູ້ບໍລິໂພກ.

ທ່ານຫົວໜ້າຂະແໜງອາຫານ ແລະ ຢາ ໄດ້ໃຫ້ສຳພາດຕື່ມອີກວ່າ: ໃນໄລຍະທີ່ຜ່ານມາໄດ້ຫາງສຽງຈາກພໍ່ແມ່ປະຊາຊົນ ກ່ຽວກັບການຫາຊື້ສິນຄ້າປະເພດຜ້າປິດປາກ, ເຫຼົ້າ 70 ແລະ 90 ອົງສາ ແລະ ເຈວລ້າງມື ໄດ້ຍາກ ແລະ ມີການຂາຍໃນລາຄາສູງກວ່າປົກກະຕິ ຕໍ່ກັບບັນຫາດັ່ງກ່າວທາງຂະແໜງ ກໍ່ຄືພະແນກສາທາລະນະສຸກ ຈະໄດ້ສົມທົບກັບພາກສ່ວນກ່ຽວຂ້ອງລົງກວດກາຕົວຈິງ ຖ້າພົບເຫັນກໍ່ຈະໄດ້ມີການສຶກສາອົບຮົມກ່າວເຕືອນ ແຕ່ຍັງສືບຕໍ່ປະຕິບັດຕໍ່ໄປ ຈະໄດ້ນຳຜູ້ກະທຳຜິດໄປດຳເນີນຄະດີຕາມລະບຽບກົດໝາຍ, ສະເພາະຜ້າປິດປາກ ຜູ້ປະກອບການຮ້ານຂາຍຢາ ບໍ່ໃຫ້ຂາຍເກີນລາຄາ 50.000 ກີບຕໍ່1 ກັບ, ເຫຼົາ 70 ອົງສາ ບໍ່ໃຫ້ກາຍ 5.000 ກີບຕໍ່ 30 ml, ເຈວລ້າງມືກ່ອງນ້ອຍ ບໍ່ໃຫ້ກາຍ 30.000 ກີບ ແລະ ກ່ອງໃຫ່ຍ ປະມານ 500ml ບໍ່ໃຫ້ຂາຍກາຍ 70.000 ກີບ, ຖ້າພໍ່ແມ່ປະຊາຊົນພົບເຫັນການກະທຳຜິດ ສາມາດໂທແຈ້ງພະແນກສາທາລະນາສຸກ ເບິຕິດຕໍ່ 054 790347.

"</p

ສຳລັບສິນຄ້າອຸປະໂພກ-ບໍລິໂພກ ທ່ານ ບຸນເພັງ ໄຊສົງຄາມ ຮັກສາການຫົວໜ້າພະແນກອຸດສາຫະກຳ ແລະ ການຄ້າແຂວງ ໄດ້ໃຫ້ສຳພາດວ່າ: ການຄຸ້ມຄອງລາຄາສິນຄ້າ ໃນໄລຍະປັດຈຸບັນ ຂະແໜງການຄ້າພາຍໃນ ໄດ້ໃຫ້ເຈົ້າໜ້າທີ່ກວດກາການຄ້າລົງກວດກາຕິດຕາມ ການຈໍລະຈອນຊື້-ຂາຍສິນຄ້າ ໃນເທດສະບານເມືອງປາກຊັນ ໃນຄັ້ງວັນທີ 23 ມີນາ ທີ່ຜ່ານມາ ເຊິ່ງສິນຄ້າໃນປັດຈຸບັນ ເຫັນວ່າຍັງພຽງພໍຕໍ່ຜູ້ບໍລິໂພກ ແລະ ອຸປະໂພກ ໃນໄລຍະທີ່ພວມເກີດການລະບາດຂອງພະຍາດ ໂຄວິດ 19 ການຈັບຈ່າຍໃຊ້ສອຍສິນຄ້າ ຖືວ່າຍັງຢູ່ໃນສະພາບປົກກະຕິ ບໍ່ມີການກັກຕຸນ ຫຼື ສວຍໂອກາດຂຶ້ນລາສິນຄ້າ ທົ່ວເມືອງປາກຊັນມີຮ້ານຂາຍເຂົ້າທັງໝົດ 20 ຮ້ານ ສາມາດຂາຍເຂົ້າໄດ້ 2,7 ໂຕນ/ວັນ ປັດຈະບັນມີເຂົ້າແຮໄວ້ຂາຍທັງໝົດ 121 ໂຕນ, ເຂົ້າໜຽວ 63 ໂຕນ, ເຂົ້າຈ້າວ 51 ໂຕນ ພຽງພໍຕໍ່ຄວາມຕ້ອງການຂອງພໍ່ແມ່ປະຊາຊົນ.

ສິນຄ້າປະເພດຊີ້ນໝູລວມ 40 ພັນກີບ/ໂລ, ຊີ້ນຄວາຍ 70 ພັນກີບ/ກິໂລ ແລະ ຊີ້ງົວ 75 ພັນກີບ/ກິໂລ ເປັດປອກ 40 ພັນກີບ/ກິໂລ, ໄກ່ລາດປອກ 50 ພັນກີບ/ກິໂລ ແລະ ປານິນ 22 ພັນກີບ/ກິໂລ, ສຳລັບສິນຄ້າປະເພດພືດຜັກມີການເໜັງຕິງຂຶ້ນ-ລົງ ບາງປະເພດ ແລະ ສິນຄ້າປະເພດເຄື່ອງແຫ້ງ, ເຄື່ອງຍ່ອຍ ເຊັ່ນ: ນ້ຳປາ, ແປ້ງນົວ, ສະອີວ, ແຟບ, ຢາສະຜົມ, ສະບູອາບນ້ຳ ແລະ ອຶ່ນໆ ແຕ່ລະຮ້ານຍັງຂາຍເປັນປົກກະຕິ ແລະ ພຽງພໍຕໍ່ຄວາມຕ້ອງການ.

ທີ່ມາ: Bolikhamxay Province