ລມຕ ຮສສ ລົງຕິດຕາມແຮງງານລາວກັບຈາກປະເທດໄທ ຢູ່ສະຖານີລົດໄຟດົງໂພສີ

617

ຂປລ. ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ທ່ານ ຄຳແພງ ໄຊສົມແພງ ໄດ້ລົງຕິດຕາມກວດກາ ແລະ ຢ້ຽມຢາມກຸ່ມແຮງງານລາວ ທີ່ເດີນທາງກັບມາປະເທດໄທຫລາຍກວ່າ500 ຄົນ ຢູ່ຈຸດຮອງຮັບຊົ່ວຄາວສະຖານີລົດໄຟດົງໂພສີ, ເມືອງຫາດຊາຍຝອງ ນະຄອນຫລວງວຽງຈັນ ໃນວັນທີ 23 ມີນາ 2020.

ປະຈຸບັນພາກສ່ວນກ່ຽວຂ້ອງກຳລັງສືບສວນປະຫວັດຂອງແຮງລາວດັ່ງກ່າວເພື່ອດຳເນີນການຈັດສົ່ງກັບຄືນທ້ອງຖິ່ນ ນອກຈາກນັ້ນ ທາງພາກລັດຍັງໄດ້ລະດົມການຊ່ວຍເຫລືອປະເພດນຳ້ດື່ມ ແລະ ອາຫານຈຳນວນໜຶ່ງໃນເບື້ອງຕົ້ນ

ໃນໂອກາດດັ່ງກ່າວທ່ານລັດຖະມົນຕີ ໄດ້ຢໍ້າໃຫ້ພາກສ່ວນກ່ຽວຂ້ອງຮີບຮ້ອນດຳເນີນການກວດການ ແລະ ສືບສວນປະຫວັດແຮງງານເຫລົ່ານີ້ສຳເລັດ ແລະ ສົ່ງກັບຄືນທ້ອງຖິ່ນໂດຍໄວ ເພື່ອໃຫ້ເຈົ້າໜ້າທີ່ທ້ອງຖິ່ນດຳເນີນການຈຳກັດບໍລິເວນ ແລະ ຕິດຕາມເຊື້ອພະຍາດໂຄວິດ-2019 ຕໍ່ໄປ