ມອບໃບຢັ້ງຢືນການນຳໃຊ້ທີ່ດິນກະສີກຳ ແລະ ເຄື່ອງຮັບໃຊ້ຫ້ອງການ

582

ໃນວັນທີ 19 ມີນາ 2020 ນີ້ກົມຄຸ້ມຄອງ ແລະພັດທະນາທີ່ດິນກະສີກຳໄດ້ຈັດພິທີມອບ-ຮັບໃບຢັ້ງຢືນການນຳໃຊ້ທີ່ດິນກະສີກຳ ແລະເຄື່ອງຮັບໃຊ້ຫ້ອງການຂື້ນຢູ່ທີ່ຫ້ອງປະຊຸມຂອງພະແນກກະສີກຳ ແລະປ່າໄມ້ແຂວງ, ເປັນກຽດເຂົ້າຮ່ວມໂດຍທ່ານ ບັນດິດ ລາມາກຸນ ຮອງຫົວໜ້າກົມຄຸ້ມຄອງ ແລະ ພັດທະນາທີ່ດິນກະສີກຳ ແລະ ທ່ານ ສີວັນພະກອນ ວົງບຸນທັນ ຮອງຫົວໜ້າພະແນກກະສີກຳ ແລະ ປ່າໄມ້ແຂວງສາລະວັນ, ມີບັນດາທ່ານ ຕ່າງໜ້າຈາກຫ້ອງການກະສີກຳ ແລະປ່າໄມ້ເມືອງສາລະວັນ, ເມືອງວາປີ ແລະພາກສ່ວນຕ່າງໆທີ່ກ່ຽວຂ້ອງເຂົ້າຮ່ວມ

ເຄື່ອງທີ່ນຳມາມອບໃນຄັ້ງນີ້ປະກອບມີ ຄອມພີວເຕີຕັ້ງໂຕະ 3 ຊຸດ, ເຄື່ອປິນເຕີສີ 3 ເຄື່ອງ, ໝໍ້ເກັບໄຟສຳຮອງ 3 ເຄື່ອງ, ກອງຖ່າຍຮູບ 3 ເຄື່ອງ, GPS 3 ເຄື່ອງ ແລະໃບຢັ້ງຢືນການນຳໃຊ້ທີ່ດິນກະສີກໍາຈຳນວນ 411 ໃບໃນເນື້ອທີ່ 420 ເຮັກຕາ ເຊີ່ງລວມມູນຄ່າທັງໝົດ 51 ລ້ານກີບ.

ຈາກນັ້ນທ່ານ ບັນດິດ ລາມາກຸນ ຮອງຫົວໜ້າກົມຄຸ້ມຄອງ ແລະພັດທະນາທີ່ດິນກະສີກຳກໍ່ໄດ້ໃຫ້ກຽດຂື້ນມອບເຄື່ອງອຸປະກອນດັ່ງກ່າວ.

ຂ່າວ: ໜັງສືພິມສາລະວັນ