ນະຄອນຫຼວງ ແຈ້ງປິດຮ້ານບັນເທິງ, ຄາຣາໂອເກະ ແລະ ຮ້ານນວດເປັນການຊົ່ວຄາວ

555

ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ອອກແຈ້ງການເຖິງເຈົ້າຂອງຮ້ານບັນເທິງ, ຄາຣາໂອເກະ ແລະ ຮ້ານນວດເລື່ອງ: ໃຫ້ປິດການດໍາເນີນກິດຈະການຊົ່ວຄາວ

-ອີງຕາມກອງປະຊຸມລັດຖະບານ ຄັ້ງວັນທີ 18 ມີນາ 2020 ໄດ້ກໍານົດ 09 ມາດຕະການ ເພື່ອເຝົ້າລະວັງ ແລະ ສະກັດກັ້ນການລະບາດຂອງພະຍາດ COVID-19, ຢູ່ໃນລາວ, ເຊິ່ງໄດ້ລະບຸໃນມາດຕະການທີ 6 ໃຫ້ປິດຮ້ານບັນເທີງ, ຄາຣາໂອເກະ ແລະ ຮ້ານນວດ;

– ອີງຕາມ ຫນັງສືແຈ້ງການຂອງຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດ ຂອງພະຍາດ CoVID-19 ເລກທີ 005/ສພກ, ລົງວັນທີ 02 ມີນາ 2020; – ອີງຕາມ ຫນັງສືທາງລັດຖະການ ຂອງຫ້ອງວ່າການປົກຄອງນະຄອນຫຼວງວຽງຈັນ ເລກທີ່ 391/ຫວນວ, ລົງວັນທີ 019 ມີນາ 2020.

ພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວນະຄອນຫຼວງວຽງຈັນ ຂໍຖືເປັນກຽດແຈ້ງມາຍັງທ່ານຜູ້ອໍານວຍການຮ້ານບັນເທີງ, ຄາຣາໂອເກະ ແລະ ຮ້ານນວດ ຢູ່ໃນນະຄອນຫຼວງວຽງຈັນ ໃຫ້ປິດການດໍາເນີນກິດຈະການຊົ່ວຄາວນັບແຕ່ວັນທີ 20 ມີນາ 2020 ເປັນຕົ້ນໄປ ເພື່ອຕ້ານ ແລະ ສະກັດກັ້ນການ ລະບາດຂອງພະຍາດ COVID-19 ຈົນກວ່າຈະມີສະພາບປົກກະຕິ ແລະ ຈະມີແຈ້ງການໃຫ້ສາມາດເປີດບໍລິການຄືນໃຫມ່, ພ້ອມນີ້ກໍ່ໃຫ້ຕິດຕາມຂໍ້ມູນຂ່າວສານນໍາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ແລະ ແຈ້ງການຕ່າງໆຂອງທາງການ ຢ່າງໃກ້ຊິດ.