ນັກຂ່າວຊ້ອງ One 31 ຂໍໂທດຄົນລາວ ຜ່ານສະຖານທູດລາວ ປະຈໍາບາງກອກ

645

ໃນຕອນບ່າຍຂອງວັນທີ 20 ມີນາ 2020 ທີ່ກຸງເທບມະຫານະຄອນ ປະເທດໄທ, ບັນດາຜູ້ບໍລິຫານຊ້ອງ One 31 ພ້ອມດ້ວຍຜູ້ປະກາດຂ່າວ ໄດ້ເຂົ້າຢ້ຽມຂໍນັບທ່ານເອກອັກຄະລັດຖະທູດລາວ ປະຈໍາບາງກອກ ປະເທດໄທ ເພື່ອກ່າວຄຳຂໍໂທດ ແລະ ຍອມຮັບຜິດໃນກໍລະນີອ່ານຂ່າວມີລັກສະນະສຽດສີ ລວມທັງໃສ່ຮ້າຍປ້າຍສີໂຮງໝໍລາວ ວ່າບໍ່ມີເຄື່ອງມືທັນສະໄໝໃນການຮັບມືພະຍາດໂຄວິດ-19.

ນອກນັ້ນ, ຍັງສະແດງອາການທີ່ມີລັກສະນະດູຖູກປະເທດລາວ ລວມໄປເຖິງປະເທດເພື່ອນບ້ານຕື່ມອີກ.

ຕໍ່ກັບຂ່າວດັ່ງກ່າວ, ໄດ້ສ້າງຄວາມບໍພໍໃຈຂອງພີ່ນ້ອງຊາວລາວທັງປະເທດ ແລະ ມີກະແສວິພາກວິຈານຕ່າງໆໃນສື່ອອນລາຍ ຈົນຜູ້ບໍລິຫານ ແລະ ນັກຂ່າວຜູ້ນັ້ນ ຕ້ອງອອກມາຍອມຮັບ ແລະ ກ່າວຄຳຂໍໂທດຢູ່ສະຖານທູດລາວປະຈໍາບາງກອກ.

ກ່ອນໜ້ານັ້ນ, ຜູ້ບໍລິຫານຊ້ອງດັ່ງກ່າວ ກໍ່ໄດ້ອອກມາຂໍໂທດຜ່ານຊ້ອງລາຍການໃນຕອນບ່າຍຂອງວັນທີ 20 ມີນາ 2020 ສ່ວນລາຍລະອຽດຕ່າງໆສາມາດອ່ານໄດ້ຕາມເອກະສານລຸ່ມນີ້: