ເມືອງປາກທາ ທາບທາມບຸກຄະລາກອນເປົ້າໝາຍລົງສະໜັກເລືອກຕັ້ງເປັນ ຄຊປປລ ແຂວງ 

768

ກອງປະຊຸມທາບທາມບຸຄະລາກອນເປົ້າໝາຍລົງສະ ໝັກຮັບເລືອກຕັ້ງເປັນຄະນະບໍລິຫານງານຊາວໜຸ່ມປະຊາ ຊົນປະຕິວັດລາວ ແຂວງບໍ່ແກ້ວ ສະໄໝທີ VII ໄດ້ມີຂື້ນໃນຕອນເຊົ້າຂອງວັນທີ 18 ມີນາ 2020 ນີ້ຢູ່ທີ່ສະໂມສອນຂອງເມືອງ ເຂົ້າຮ່ວມມີ ທ່ານ ອຸ່ນແສງ ທຸ່ນອິນໃຈ ເລຂາຄະນະບໍລິຫານຊາວໜຸ່ມແຂວງບໍ່ແກ້ວ ທ່ານ ແກ້ວລາ ນໍລະສິງ ຮອງຫົວໜ້າຄະນະຈັດຕັ້ງແຂວງບໍ່ແກ້ວ ມີບັນດາຄະນະບໍລິຫານງານຊາວໜຸ່ມເມືອງ, ເລຂາ, ຮອງເລຂາໜ່ວຍຊາວໜຸ່ມອ້ອມຂ້າງເມືອງເຂົ້າຮ່ວມ.

  
ກອງປະຊຸມ ທ່ານ ແກ້ວລາ ນໍລະສິງ ຮອງຫົວໜ້າຄະນະຈັດຕັ້ງແຂວງໄດ້ຜ່ານມາດຖານເງື່ອນໄຂຂອງຜູ້ທີ່ລົງສະໝັກເລືອກຕັ້ງເປັນຄະນະບໍລິຫານງານຊາວໜຸ່ມແຂວງຊຸດໃໝ່ ພ້ອມທັງ ແນະນຳວິທີການຂີດຂຽນຄັດເອົາເປົ້າໝາຍຜູ້ທີ່ຈະລົງສະໝັກເຂົ້າ ເປັນຄະນະບໍລິຫານງານຊາວໜຸ່ມປະຊາຊົນປະຕິວັດລາວ ຊຸດທີ VII ຂອງ ແຂວງບໍ່ແກ້ວ ໃຫ້ຖືກຕ້ອງ.


ໂອກາດດຽວກັນນີ້ ທ່ານ ອຸ່ນແສງ ທຸນອິນໃຈ ເລຂາຄະ ນະບໍລິຫານງານຊາວໜຸ່ມແຂວງບໍ່ແກ້ວ ໄດ້ມີຄຳເຫັນຈົ່ງພ້ອມກັນຄັດເລືອກບຸກຄະລາກອນໃຫ້ຖືກຕ້ອງສອດຄອງຕາມມາດຖານເງື່ອນໄຂທີ່ໄດ້ວາງໄວ້. ຊອກໃຫ້ເຫັນຄົນທີ່ມີຄວາມຮູ້ ຄວາມສາມາດ ທີ່ຈະເຂົ້າມາເຮັດວຽກງານຊາວໜຸ່ມໄປແມ່ນແລ່ນສະດວກ ຈາກນັ້ນ ຄະນະຮັບຜິດຊອບກໍ່ໄດ້ແຈກຢາຍແບບຟອມຂອງການທາບທາມໃຫ້ບັນດາຜູ້ແທນກອງປະ ຊຸມ ເພື່ອຄັດເລືອກເອົາບຸກຄະລາກອນປະກອບເຂົ້າຄະນະບໍລິຫານງານຊາວໜຸ່ມແຂວງຊຸດທີ VII.


ໂດຍ: ພັດສະວົງ ບຸນຍະຜົນ