ເລື່ອງ​ນ້ຳ​ມັນ​ແຈ້ງ​ການ​ອອກ​ມາ​ແລ້ວ! ລນ​ລ ຫ້າມ​ຂາຍ​ນ້ຳ​ມັນ​ຈຳ​ນວນ​ຫຼາຍ​ໃນ​ລູກ​ຄ້າ ປ້ອງ​ກັນ​ການ​ກັກ​ຕຸນ

550

ກໍ​ລະ​ນີ ທີ່​ມີ​ພໍ່​ແມ່​ປະ​ຊາ​ຊ​ົນ​ຈຳ​ນວນ​ຫຼາຍ ທີ່​ນະ​ຄອນ​ໄກ​ສອນ​ພົມ​ວິ​ຫານ ແຂວງ​ສະ​ຫວັນ​ນະ​ເຂດ ພາ​ກັນ​ແຫ່​ຊື​ນ້ຳ​ມັນ​ເປັນ​ຈຳ​ນວນ​ຫຼ​າຍ​ໃນ​ວັນ​ນີ້ ຈົນ​ເຮັດ​ໃຫ້​ລັດ​ວິ​ສາ​ຫ​ະ​ກິດ ນ້ຳ​ມັນ​ເຊື້​ອ​ໄຟ​ລາວ ຕ້ອງ​ໄດ້​ອອກແຈ້ງ​ການ​ຫ້າມ​ຂາຍ​ນ້ຳ​ມັນ​ຈຳ​ນວນ​ຫຼາຍ​ໃຫ້​ລູກ​ຄ້າ ເພື່ອຫຼີກເວັນການກັນຕຸນ ແລະ ຮັບປະກັນຄວາມສະຫງົບປອດໄພ ພາຍໃຕ້ປ້ຳບໍລິການນ້ຳມັນ.

ລັດ​ວິ​ສາ​ຫະ​ກິດ ​ນ້ຳ​ມັນ​ເຊື້ອ​ໄຟ​ລາວ (ລນ​ລ)ແຈ້ງໃນວັນ​ທີ 19 ມີ​ນາ 2020 ເຖິງ​ຝ່າຍ​ຂາຍ ແລະ ການ​ຕະ​ຫຼາດ, ສາ​ຂາ ແລະ ປ້ຳ​ນໍ້​າ​ມັນ​ຕົບ​ແບບ ແລະ ປ້ຳ​ບໍ​ລິ​ການ​ນ້ຳ​ມັນ​ເຊື້​ອ​ໄຟ ທີ່​ຂຶ້ນ​ກັບ​ ລນວ ທົ່ວ​ປະ​ເທດ ເລື່ອງໃຫ້ຄວບຄຸມການຂາຍນ້ຳມັນເຊື້ອໄຟ ເພື່ອຫຼີກເວັນການກັນຕຸນ ແລະ ຮັບປະກັນຄວາມສະຫງົບປອດໄພ ພາຍໃຕ້ປ້ຳບໍລິການນ້ຳມັນ.

ຜູ້ອໍານວຍການ ລນລ ຂໍແຈ້ງມາຍັງຝ່າຍຂາຍ ແລະ ການຕະຫຼາດ, ບັນດາສາຂາ, ປ້ຳນ້ຳມັນຕົວແບບ ແລະ ບໍລິການນ້ຳມັນເຊື້ອໄຟທີ່ຂຶ້ນກັບ ລນລ ທົ່ວປະເທດຊາບວ່າ: ໃນປັດຈຸບັນສະພາບການລະບາດຂອງພະຍາດອັກເສບປອດອັນເນື່ອງມາຈາກເຊື້ອຈຸລະໂລກໂຄໂລນາສາຍພັນໃໝ່ (COVID-19) ໄດ້ແຜ່ຂະຫຍາຍເປັນວົງກວ້າງ ໂດຍສະເພາະຢູ່ບັນດາປະເທດອ້ອມຂ້າງ ເຊິ່ງອາດຈະເກີດສະພາບແຕກຕື່ນພາກັນຊື້ນໍ້າມັນເຊື້ອໄຟຈໍານວນຫຼາຍເພື່ອກັກຕຸນ ແລະ ອາດຈະເກີດຄວາມວຸ້ນວາຍທີ່ມີຄວາມສ່ຽງຕໍ່ຄວາມປອດໄພພາຍໃນປ້ຳບໍລິການນ້ຳມັນ ແລະ ບ່ອນເກັບມ້ຽນນ້ຳມັນເຊື້ອໄຟ ທີ່ຊື້ໄປແຮສຳຮອງນັ້ນ.
ເພື່ອຮັບປະກັນໃຫ້ນ້ໍາບໍລິການຈໍາໜ່າຍນໍ້າມັນເຊື້ອໄຟ ມີຄວາມເປັນລະບຽບຮຽບຮ້ອຍ, ປ້ອງກັນການກັກຕູນ ແລະ ຮັກສາຄວາມປອດໄພຮອບດ້ານ, ຜູ້ອໍານວຍການ ລນລ ອອກແຈ້ງການດັ່ງນີ້: