ເກີດ​ຫຍັງ​ຂຶ້ນ! ​ພີ່​ນ້ອງ​ທາງ​ສະ​ຫວັນ​ນະ​ເຂດ ພາ​ກັນແຫ່​​ໄປ​ເຕີມ​ນ້ຳ​ມັນຈົນ​ລົ້ນ​ປ້ຳ

926

ຜູ້ໃຊ້ສື່ສັງຄົມອອນລາຍ ໄດ້ໂພສພາບການແຫ່ເຕີມນ້ຳຂອງພໍ່ແມ່ປະຊາຊົນທາງສະຫວັນນະເຂດ ຈົນລົ້ນປ້ຳບໍ່ຮູ້ວ່າເກີດຫຍັງຂຶ້ນ ພຽງແຕ່ບັນຍາຍວ່າ ໂຄວິດເຮັດເສັ້ນ

ໃນວັນທີ 19 ມີນາ 2020 ຜູ້ໃຊ້ເຟສບຸ໊ກຊື້ ເມລີ ໄດ້ໂພສວ່າ: ລວມພາບຕື່ມນ້ຳມັນຢູ່ສະຫວັນນະເຂດ ອັບເດດລ້າສຸດ 19/03/2020, ໂຄວິດເຮັດເສັ້ນ, ເຈັບປະສາດ ມາຮອດຈຸນີ້ແລ້ວເດີ ຂ້ຽວໄປໃສ່ເຮົາກະ

ໃນຂະນະທີ່ຜູ້ໃຊ້ເຟສບຸ໊ກທ່ານໜຶ່ງໂພສໃຫ້ຮູ້ວ່າ ມີຄົນວ່າແຕ່ນ້ຳມັນໝົດ ບາດເຮົາຄືບໍ່ໄດ້ຂາຍ ພາກັນໄປຊື້ໃສຄືໝົດນໍ ມາຊື້ຊ່ວຍແດ່ດຸ

ໃນນາມແອັດມິນ ຂໍຝາກຂໍ້ຄວາມມາຍັງພີ່ນ້ອງສະຫວັນນະເຂດ ຢ່າໄດ້ພາກັນແຕ່ຕື່ນຈົນເກີນເຫດ ກໍ່ລະນີການລະບາດຂອງໄວຣັສໂຄວິດ-19, ຄາດວ່າບັນດາສິນຄ້າ, ເຄື່ອງອຸປະໂພກ, ບໍລິໂພກຕ່າງໆ ຈະບໍ່ຂາດແຄ້ນຢ່າງແນ່ນອນເນື່ອງຈາກບັນດາດ່ານ ຍັງບໍ່ປີດ ແລະ ລັດຖະບານໄດ້ມີຄວາມພະຍາຍາມສະກັດກັ້ນ ແລະ ແກ້ໄຂ ບັນຫາດັ່ງກ່າວ ຢ່າໄດ້ພາກັນແຫ່ຊື້ສິນຄ້າໄວກັນຕຸນຫຼາຍ

ຢ່າງໃດກໍຕາມໃນສະພາບຄືແນວນີ້ພວກເຮົາທຸກຄົນ ຕ້ອງຟັງການຈັດຕັ້ງກໍຄືລັດຖະບານຊີ້ນຳເພື່ອຈະພ້ອມພາກັນຜ່ານຜ່າຂໍ້ຫຍຸ້ງຍາກຕ່າງໆໄປນຳກັນ ຫາກບໍ່ແມ່ນການແຫ້ໄປກັກຕຸນສິນຄ້າ.

ໃນກອງປະຊຸມລັດຖະບານສະໄໝສາມັນເດືອນມີນາ 2020 ເມື່ອວັນທີ18 ມີນາ ທ່ານນາຍົກລັດຖະມົນ ທອງລຸນ ສີສຸລິິິດ   ກໍຮຽກຮ້ອງສັງຄົມ ຈົ່ງມີສະຕິເຝົ້າລະວັງ, ບໍ່ຄວນຕື່ນຕົກໃຈຢ້ານຈົນເກີນເຫດ ອັນອາດຈະນໍາໄປສູ່ຄວາມຫຍຸ້ງຍາກ ເປັນຕົ້ນການກັກຕຸນສິນຄ້າ ແລະ ສວາຍໂອກາດຂຶ້ນລາຄາ; ໃຫ້ພ້ອມກັນເອົາໃຈໃສ່ຊຸກຍູ້ການຜະລິດພາຍໃນ.