ໂຮງໝໍຫຼວງນໍ້າທາຝຶກຊ້ອມໜັກ ຕ້ານກໍລະນີພົບຜູ້ສົງໄສຕິດເຊື້ອໂຄວິດ

499

ວັນທີ 17 ມີນາ 2020 ຢູ່ໂຮງໜໍແຂວງຫຼວງນໍ້າທາ ໄດ້ມີການຝຶກຊ້ອມ ແລະ ສາທິດຕົວຈີງການຮັບມືກັບຄົນເຈັບ ໂຄວິດ- 19 ກໍລະນີພົບຜູ້ສົງໄສ, ໂດຍການເປັນປະທານຮ່ວມຂອງ ທ່ານ ດຣ ບົວຂັນ ພະຄຸນທອງ ຮອງຫົວໜ້າກົມປີ່ນປົວກະຊວງສາທາລະນະສຸກ ແລະ ທ່ານ ດຣ ແສງວົງ ບຸດຕະວົງ ອຳນວຍການໂຮງໜໍແຂວງຫຼວງນໍ້າທາ, ມີທີມງານຊ່ຽວຊານການແພດຈາກກະຊວງສາທາລະນາສຸກ, ຜູ້ຕ່າງໜ້າອົງການອະນະໄມໂລກ, ຮອງອຳນວຍການໂຮງໝໍແຂວງ ແລະ ພະນັກງານແພດໝໍເຂົ້າຮ່ວມ.

"/

ທ່ານ ດຣ ພູວຽງ ຫຼວງດາລາ ຮອງອຳນວຍການໂຮງໝໍແຂວງຫຼວງນໍ້າທາ, ໄດ້ລາຍງານສະພາບການຈັດຕັ້ງປະຕິບັດ ມາດຕະການຕ້ານ ແລະ ຄວບຄຸມການແຜ່ລະບາດຂອງເຊື້ອພະຍາດ ໂຄວິດ 19 ແລະ ປະຕິບັດ ຕາມຂໍ້ຕົກລົງທ່ານຍາຍົກລັດຖະມົນຕິ ສະບັບເລກທີ 09/ນຍ, ລົງວັນທີ່ 3 ກຸມພາ 2020 ວ່າດ້ວຍການແຕ່ງຕັ້ງຄະນະສະເພາະກິດ ເພຶ່ອປ້ອງກັນຄວບຄຸມ ແລະ ແກ້ໄຂການລະບາດຂອງພະຍາດອັກເສບປອດ ຈາກເຊື້ອຈຸລະໂລກ ສາຍພັນໃໝ່ ໂຄວິດ- 19, ສໍາລັບຢູ່ແຂວງຫຼວງນໍ້າທາໄດ້ມີຄວາມພ້ອມໃນທຸກດ້ານເພຶ່ອຮອງຮັບການລະບາດຂອງພະຍາດ ໂຄວິດ- 19 ໂດຍກຳນົດເອົາໂຮງໝໍແຂວງ, ໂຮງໝໍບັນດາເມືອງເປັນສະຖານທີ່ຮອງຮັບເປັນສູນການປິ່ນປົວ ແລະ ເພຶ່ອໃຫ້ມີຄວາມພ້ອມ ດ້ານບຸກຄາລາກອນ ແລະ ດ້ານອຸປະກອນການແພດ.

"/

ໂອກາດນີ້ຍັງໄດ້ມີພາກປະຕິບັດຕົວຈິງ, ການສາທິດ ເຊີ່ງເລີ່ມຕົ້ນຈາກຈຸດຄັດກອງ ວັດແທກອຸນຫະພູມ ຖ້າພົບກໍລະນີຜູ້ສົງໄສມີໄຂ້ 38 ອົງສາ ທ່ານໝໍຜູ້ວັດແທກຈະໄດ້ແນະນໍາໃຫ້ພົບແພດຈຸດຄັດກອງຄົນເຈັບໄຂ້ຫວັດ, ຈາກນັ້ນ ໄດ້ສອບຖາມຂໍ້ມູນ ແລະ ປະຫວັດຂອງຜູ້ກ່ຽວ, ອາການໃນໄລຍະຜ່ານມາ, ນໍາສົ່ງໄປຫ້ອງແຍກປ່ຽວ ແລະ ຫ້ອງແລບ, ໄດ້ນໍາເອົາຜົນກວດໄປວິໄຈ. ເພຶ່ອເຮັດໃຫ້ໂຮງໝໍແຂວງຫຼວງນໍ້າທາ ມີຄວາມພ້ອມຮັບມືກັບສະພາບການດັ່ງກ່າວ.

/

ທີ່ມາ: ຂ່າວສານຫຼວງນໍ້າທາ