ຄະນະສະເພາະກິດແຈ້ງການຍົກລະດັບມາດຕະການຄວບຄຸມ COVID-19​ ສຳລັບຜູ້ເດີນທາງເຂົ້າມາລາວ

641

ຄະນະສະເພາະກິດ ແຈ້ງການຍົກລະດັບມາດຕະການຄວບຄຸມການລະບາດຂອງພະຍາດ COVID-19​ ສຳລັບຜູ້ເດີນທາງເຂົ້າມາ ສປປ ລາວ ທຸກຄົນທີ່ເຂົ້ມາທີ່ມີອາການ ໄຂ້,​ ໄອ ຫລື ຫາຍໃຈຍາກ ແລະ ມີປະຫວັດການເດີນມາຈາກເຂດທີ່ມີການລະບາດຂອງ covid-19 ແລະມີປະຫວັດສຳຜັດກັບຜູ້ທີ່ມີການຢັ້ງຢືນການຕິດເຊຶ້ອ covid19 ຕ້ອງປະຕິບັດການແຍກປ່ຽວ

ວັນທີ 16 ມີນາ 2020​ ນີ້ ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງ COVID-19 ແຈ້ງການສະເໜີຍົກລະດັບມາດຕະການຄວບຄຸມການລະບາດຂອງພະຍາດ COVID-19 ສຳລັບຜູ້ເດີນທາງເຂົ້າມາ ສປປ ລາວ ເນື່ອງຈາກປະຈຸບັນ ສະພາບການລະບາດຂອງ COVID-19 ໃນຫຼາຍປະເທດໄດ້ຂະຫຍາຍເປັນວົງກວ້າງ, ສືບຕໍ່ມີກໍລະນີຜູ້ຕິດເຊື້ອ ແລະ ເສຍຊີວິດເພີ່ມຂຶ້ນໃນແຕ່ລະວັນ, ອົງການອະນາໄມໂລກໄດ້ປະເມີນວ່າ COVID-19 ແມ່ນມີຄວາມສ່ຽງສູງສຸດ ແລະ ປະກາດເປັນການລະບາດໃນທົ່ວໂລກ, ຮຽກຮ້ອງໃຫ້ທຸກປະເທດຍົກລະດັບມາດຕະການເຝົ້າລະວັງ ແລະ ໂຕ້ຕອບ ເຖິງວ່າປະຈຸບັນຢູ່ ສປປ ລາວ ບໍ່ມີກໍລະນີຕິດເຊື້ອ COVID-19 ກໍ່ຕາມ ແຕ່ຖືວ່າຍັງມີຄວາມສ່ຽງສູງຍ້ອນວ່າ ປະເທດໃກ້ຄຽງຂອງພວກເຮົານີ້ໄດ້ມີການລະບາດແລ້ວ ແລະ ຍັງມີຜູ້ເດີນທາງມາຈາກປະເທດມີການລະບາດເຂົ້າ-ອອກ ສປປ ລາວ ເປັນຕົ້ນ: ນັກລົງທຶນ, ພະນັກງານຊ່ຽວຊານ, ກໍາມະກອນໂຄງການກໍ່ສ້າງ, ນັກຮຽນນັກສຶກສາ, ຊາວຄ້າຂາຍອື່ນໆ

ສະນັ້ນ, ເພື່ອເປັນການຫຼຸດຜ່ອນຄວາມສ່ຽງທີ່ອາດຈະເກີດການຕິດເຊື້ອ ແລະ ແຜ່ລະບາດຂອງ COVID-19
ມາສູ່ ສປປ ລາວ, ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງ COVID-19 ຈຶ່ງແຈ້ງມາ
ຍັງທ່ານເພື່ອຍົກລະດັບມາດຕະການ ກັນ ແລະ ຄວບຄຸມການລະບາດຂອງ COVID=19 ເຊິ່ງມີມາດຕະການຕ່າງໆ
ດັ່ງລຸ່ມນີ້: