ຍົກ​ເລີກ​ງານ​ໂຮ​ມ​ຊຸມ​ນຸມ ສະ​ຫຼອງວັນ​ສຳ​ຄັນ​ຂອງ​ຊາດ ນັບ​ແຕ່​ສູນ​ກາງຮອດ​ທ້ອງ​ຖິ່ນ ປ້ອງ​ກັນ​ພ​ະ​ຍາດ​ໂຄວິດ-19

756

ການ​ລະ​ບາດ​ຂອງ​ເຊື້ອ​ໄວ​ຣັ​ສ​ໂຄວິດ-19 ໃນ​ທົ່ວ​ໂລກ​ແມ່ນ​ກຳ​ລັງ​ລະ​ບາດ​ໜັກ, ລ່າ​ສຸດ​ອົງ​ການ​ອະ​ນາ​ໄມ​ໂລກ ປ​ະ​ກາດ​ເປັນ​ການ​ລະ​ບາ​ດ​ຮ້າຍ​ແຮງ, ຂະ​ນະ​ທີ່ ສປປ ລາວ ຍົກເລີກງານໂຮມຊຸມນຸມ ສະຫລອງວັນສໍາຄັນຂອງພັກ-ຂອງຊາດ ປ້ອງກັນພະຍາດໂຄວິດ-19 ເຖິງ​ແມ່ນ​ວ່າ​ປັດ​ຈຸ​ບັນ​ຍັງ​ບໍ່​ພົບ​ຜູ້​ຕິດ​ເຊື້ອ​ໄວ​ຣັ​ສ​ດັ່ງ​ກ່າວ

ໃນວັນທີ 12 ມີນາ 2020 ຢູ່ຫ້ອງວ່າການສູນກາງພັກ, ​ທ່ານ ພັນຄໍາ ວິພາວັນ ຜູ້ປະຈໍາການ ຄະນະເລຂາທິການສູນກາງພັກ, ຮອງປະທານປະເທດ ແຫ່ງ ສປປ ລາວ ໄດ້ຖະແຫລງຢ່າງເປັນທາງການ ວ່າ: ນັບແຕ່ເກີດການລະບາດຂອງພະຍາດອັກເສບປອດ ຈາກເຊື່ອຈຸລະໂຣກສາຍພັນໃໝ່ COVID-19 ໃນທ້າຍປີ 2019 ເປັນຕົ້ນມາ ໄດ້ເພີ່ມທະວີຄວາມຮຸນແຮງຂອງການລະບາດ ແລະ ໄດ້ສ້າງຄວາມເສຍ ຫາຍຕໍ່ຊີວິດຂອງຄົນ ແລະ ກະທົບຕໍ່ເສດຖະກິດ, ການທ່ອງ ທ່ຽວຢ່າງໃຫຍ່ຫລວງໃນຫລາຍປະເທດ; ຂະນະທີ່ອົງການອະນາໄມໂລກ ກໍໄດ້ແຈ້ງເຕືອນໄພອັນຕະລາຍ ຂອງພະຍາດດັ່ງກ່າວຂັ້ນສູງສຸດ

ຮູບ​ປະ​ກອບ

ຮຽກຮ້ອງໃຫ້ທຸກປະເທດ ມີມາດ ຕາການປ້ອງກັນສະກັດກັ້ນຢ່າງເຂັ້ມງວດ ໂດຍໃຫ້ຈໍາກັດການເຕົ້າໂຮມຄົນເປັນຈຳນວນຫລາຍ ຄຽງຄູ່ກັບການໃຊ້ມາດຕະການອື່ນໆ ທີ່ຈຳເປັນ ເພື່ອປ້ອງກັນການລະບາດຂອງພະຍາດນີ້ ແລະ ມາຮອດປັດຈຸບັນ ເຖິງວ່າ ສປປ ລາວ ເຮົາຍັງບໍ່ທັນມີກໍລະນີຜູ້ຕິດ ເຊື້ອພະຍາດດັ່ງກ່າວກໍຕາມ ແຕ່ກໍມີຄວາມສ່ຽງສູງທີ່ອາດເກີດການລະບາດ, ຍ້ອນຫລາຍປະເທດອ້ອມຂ້າງໄດ້ມີການລະບາດຂອງພະຍາດດັ່ງກ່າວແລ້ວ

ຮູບ​ປະ​ກອບ

ໃນນາມຕາງໜ້າໃຫ້ຄະນະຊີ້ນຳລະດັບຊາດ ກ່ຽວກັບການສະເຫລີມສະຫລອງວັນສຳຄັນຂອງພັກ-ຂອງຊາດປະຈຳ ປີ 2020 ຄື: ວັນຊາດທີ 2 ທັນວາ ຄົບຮອບ 45 ປີ, ວັນຄ້າຍວັນວັນເກີດປະທານ ໄກສອນ ພົມວິຫານ ຄົບຮອບ 100 ປີ, ວັນສ້າງຕັ້ງສູນກາງແນວລາວສ້າງຊາດ ຄົບຮອບ 70 ປີ, ວັນສ້າງຕັ້ງກຳລັງປ້ອງກັນຄວາມສະຫງົບ ຄົບຮອບ 60 ປີ ແລະ ວັນສໍາຄັນອື່ນໆ ຈຶ່ງຂໍປະກາດຍົກເລີກແຜນການຈັດໂຮມຊຸມນຸມໃຫຍ່ຢູ່ນະຄອນຫລວງວຽງຈັນ, ພ້ອມທັງໃຫ້ຄະນະ ພັກ, ອຳນາດການປົກຄອງຂັ້ນຕ່າງໆ ນັບແຕ່ສູນກາງ ແລະ ທ້ອງຖິ່ນ ຍົກເລີກທຸກແຜນການ ທີ່ພົວພັນເຖິງການຈັດກິດຈະກຳ ທີ່ມີການເຕົ້າໂຮມຄົນຈຳນວນຫລາຍ

ຮູບ​ປະ​ກອບ

ຂ່າວ: ສະພະສະຫວັນ ຮູບ: ຂັນໄຊ, ທັນ​ຂ່າວ: ຮຽບ​ຮຽງ​