ຫຼວງ​ພະ​ບາງ​ສະ​ເໜີ​ໂຈະ 4 ກິດ​ຈະ​ກຳ​ໃຫຍ່ ງານ​ບຸນ​ໃໝ່​ລາວທີ່ມ​ີ​ມວນ​ຊົນ​ເຂົ້າ​ຫຼາຍ

689

ດ່ວນ! ເຈົ້າແຂວງຫຼວງພະບາງ ອອກ​ໜັງ​ສື​ແຈ້ງ​ການ ເລກ​ທີ 03/ຈ​ຂ,ຫຼບ, ຫຼວ​ງ​ພະ​ບາງ, ວັນ​ທີ 11 ມີ​ນາ 2020 ຂໍທິດຊີ້ນຳຈາກສູງກາງຈັດງານບຸນປີໃໝ່ລາວ ສະເໜີຂໍໂຈະ 4 ກິດຈະກຳໃຫຍ່ຄື

1. ໂຈະການຈັດງານປະກວດນາງສັງຂານ ໃນວັນທີ 10-11 ເມສາ; 2. ໂຈະການຈັດຕະຫຼາດນັດມວນຊົນ ຕາມເສັ້ນທາງກາງເມືອງ ໃນວັນທີ 19 ເມສາ; 3. ໂຈະການລົງຕົບພະທາດຊາຍ ທີ່ດອນຊາຍມຸງຄຸນ ໃນວັນທີ 13 ເມສາ ແລະ 4. ໂຈະໃນການແຫ່ວໍ່ທີ່ເປັນຂະບວນມວນຊົນເຂົ້າຮ່ວມຢ່າງຫຼວງຫຼາຍ ໃນວັນທີ 14-15 ເມສາ 2020. ເນື່ອງຈາກເປັນກິດຈະກຳ ມີມວນຊົນເຂົ້າຮ່ວມຢ່າງຫຼວງຫຼາຍ, ແອອັດມີທັງແຂກພາຍໃນ ແລະ ຕ່າງປະເທດ ເຊິ່ງມີຄວາມຫຍຸ້ງຍາກໃນການປ້ອງກັນ, ຄວບຄຸມ, ກວດກາພະຍາດ COVID-2019

ສ່ວນກິດຈະກຳທີ່ກ່ຽວພັນເຖິງຮີດຄອງປະເພນີຂອງຫຼວງພະບາງມາແຕ່ດຶກດໍາບັນ ທີ່ຈະຕ້ອງໄດ້ສືບຕໍ່ປະຕິບັດເຊັ່ນ: ພິທີອັງເຊີນພະບາງລົງສົງ ແຕ່ວັນທີ 17-20 ເມສາ 2020, ການແຫ່ວໍ (ແຫ່ ແລະ ສົ່ງນ້ຳໃຫ້ຄູບາ, ພະສົງແຕ່ລະວັດ) ເຊິ່ງບໍ່ມີມວນຊົນ, ແຂກເຂົ້າຮ່ວມຫຼາຍ ໃນວັນທີ 15 ເມສາ 2020