ດ່ວນ! ຖວ​ທ ແຈ້ງ​ໃຫ້​ໂຈະ​ການ​ນຳ​ເຂົ້າ​ນັກ​ທ່ອງ​ທ່ຽວ​ປະ​ເທດ​ກຸ່ມ​ສ່ຽງ, ໂຈະ​ງານດອງ, ງານ​ປະ​ເພ​ນີ​ຕ່າງໆ

2253

​ຂ່າວ​ດ່ວນ ຖວ​ທ ແຈ້ງໂຈະຊົ່ວຄາວການນໍາເຂົ້ານັກທ່ອງທ່ຽວຈາກປະເທດກຸ່ມສ່ຽງຕິດເຊື້ອໄວຣັສ COVID-19 ແລະ ໂຈະຊົ່ວຄາວກ່ຽວກັບການຈັດງານປະເພນີ, ງານດອງ ແລະ ງານລ້ຽງສ້າງສັນທີ່ມີຄົນຈໍານວນຫຼາຍ

ຫ້ອງການ, ກະຊວງຖະແຫຼງຂ່າວ, ວັດທະນາທຳ ແລະ ທ່ອງທ່ຽວ ອອກແຈ້ງການເລກທີ 107/ຫກ, ນະຄອນຫຼວງວຽງຈັນ ວັນທີ 10 ມີນາ 2020 ເຖິງຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ນະຄອນຫຼວງ, ແຂວງໃນຂອບເຂດທົ່ວປະເທດ, ສະມາຄົມໂຮງແຮມ ແລະ ຮ້ານອາຫານ, ສະມາຄົມທຸລະກິດທ່ອງທ່ຽວລາວ ເລື່ອງການໃຫ້ໂຈະ ຫຼື ເລື່ອນຊົ່ວຄາວກ່ຽວກັບການສົ່ງນັກທ່ອງທ່ຽວໄປບັນດາປະເທດໃນກຸ່ມສ່ຽງໃນການຕິດເຊື້ອໄວຣັສ COVID-19 ແລະ ການນໍາເຂົ້ານັກທ່ອງທ່ຽວຈາກປະເທດດັ່ງກ່າວ ແລະ ການໂຈະຊົ່ວຄາວກ່ຽວກັບ ການຈັດງານປະເພນີ, ງານດອງ ແລະ ງານລ້ຽງສ້າງສັນທີ່ມີຄົນຈໍານວນຫຼາຍເຂົ້າຮ່ວມ