ໂຈະການເຂົ້າ-ອອກ ເຂດເສດຖະກິດພິເສດສາມຫຼ່ຽມຄຳ ໄປອີກ 15 ວັນ ປ້ອງກັນເຊື້ອ COVID-19

612

ເຂດເສດຖະກິດພິເສດສາມຫຼ່ຽມຄຳ ແຂວງບໍ່ແກ້ວ ຈະສືບຕໍ່ໂຈະການ ເຂົ້າ-ອອກຊົ່ວຄາວເພີ່ມອີກ 15 ວັນ ເລີ່ມແຕ່ວັນທີ 11 ມີນາ ຫາ 25 ມີນາ 2020​ ເພື່ອປ້ອງກັນການລະບາດຂອງເຊື້ອ COVID-19

ໃນ​ວັນ​ທີ 10 ມີ​ນາ 2020 ​ຄະນະຄຸ້ມຄອງເຂດເສດຖະກິດພິເສດ ແຂວງບໍ່ແກ້ວ (ຄຂສພ.ບກ) ຂໍແຈ້ງມາຍັງທ່ານຊາບວ່າ: ເຂດເສດຖະກິດພິເສດ ສາມຫຼ່ຽມຄຳ (ຂສພຄ) ຈະສືບຕໍ່ຈັດຕັ້ງປະຕິບັດໂຈະຊົ່ວຄາວການເຂົ້າ ຂສພຄ ຕື່ມອີກ 15 ວັນ ເຊິ່ງເລີ່ມຕັ້ງແຕ່ວັນທີ 11 ມີນາ 2020 ຫາ ວັນທີ 25 ມີນາ 2020 ເພື່ອປ້ອງກັນ ພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ (ໂດວິດ-19 = COVID-19) ບໍ່ໃຫ້ເຂົ້າມາໃນ ຂສພຄ ໄດ້. ສະນັ້ນ, ໃນຊ່ວງໃນຍະເວລາໂຈະຊົ່ວຄາວຄັ້ງນີ້ ແມ່ນບໍ່ອະນຸຍາດໃຫ້ຄົນຢູ່ນອກ ຂສພດ ເຂົ້າມາໃນເຂດ

ສ່ວນຜູ້ໃດຢູ່ໃນເຂດແລ້ວມີຈຸດປະສົງຢາກອອກໄປນອກເຂດ ແມ່ນເຫັນດີໃຫ້ອອກ ແຕ່ບໍ່ອະນຸຍາດໃຫ້ກັບຄືນເຂົ້າມາໃນເຂດໃນຊ່ວງເວລາ 15 ວັນນີ້. ໃນຊ່ວງເວລາ 15 ວັນດັ່ງກ່າວມາຂ້າງເທິງນີ້ແມ່ນສະເໜີໃຫ້ພະນັກງານ ສຸຂສພ.ບກ ແລະ ຂະແຫນງການປິ່ນອ້ອມ, ເຈົ້າໜ້າທີ່ພາສີ, ເຈົ້າໜ້າທີ່ ປກສ, ປກຊ, ລປພ, ພະນັກງານທະນາຄານ ເຈດີບີ ແລະ ເຈົ້າໜ້າທີ່ຮັບຜິດຊອບທຸກພາກສ່ວນ ຈົ່ງມາປະຈຳການປົກກະຕິ ເພື່ອແກ້ໄຂວຽກງານວິຊາສະເພາະຕາມພາລະບົດບາດສິດໜ້າທີ່ຂອງຕົນ

ຂໍໃຫ້ທຸກພາກສ່ວນທີ່ກ່ຽວຂ້ອງ ຈົ່ງພ້ອມກັນຮ່ວມມືປະຕິບັດຕາມມາດຕະການປ້ອງກັນ ພະຍາດຂອງ ຂສພດ ຢ່າງເຄັ່ງຄັດ. ດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ຈັດຕັ້ງປະຕິບັດຢ່າງເຂັ້ມງວດ