ໄທແອເວ ຊີ້ແຈງເຫດປີກເຮືອບິນເກາະກັນຢູ່ສະຫນາມບິນວັດໄຕ

555

ໃນເວລາ 21:10 ນາທີ ຂອງວັນທີ 9 ມີນາ 2020 ທີ່ສະຫນາມບິນວັດໄຕນະຄອນຫລວງວຽງຈັນ ໄດ້ເກີດອຸບັດຕິ ເຫດເຮືອບິນໂດຍສານຂອງສາຍການບິນໄທ A-330 ທະບຽນ HS-TEP ເກາະກັບປີກເບື້ອງຫາງຂອງເຮືອບິນອີກລໍາຫນຶ່ງ ຂະນະທີ່ກຳລັງແລ່ນເພື່ອກະກຽມຈະບິນຂຶ້ນສູ່ທ້ອງຟ້າ, ແຕ່ປິກຂອງຍົນການບິນໄທເກາະເອົາປີກເບື້ອງຫາງຂອງຍົນ Gulfstream G450 (GLF4) ເຊິ່ງເປັນຍົນຂອງສ່ວນບຸກຄົນທີ່ຈອດຢູ່ເດີ່ນ.

ຫຼ້າສຸດໃນວັນອັງຄານ ທີ10 ມີນາ 2020 ໄທແອເວ (Thai Airways ) ຊີ້ແຈງກ່ຽວກັບກໍລະນີຂອງຖ້ຽວບິນ TG 575 ຂອງເສັ້ນທາງການບິນວຽງຈັນ – ບາງກອກແລ່ນໄປເກາະກັບເຮືອບິນທີ່ຈອດໄວ້ ເຊິ່ງບໍລິສັດການບິນໄທຈຳກັດ ມະຫາຊົນ ໃຫ້ຄວາມກະຈ່າງແຈ້ງກ່ຽວກັບກໍລະນີການບິນທີ່ TG 575 ໃນການເສັ້ນທາງວຽງຈັນ – ບາງກອກໃນຄືນວັນທີ 9 ມີນາ 2020 ດັ່ງນີ້.

ທ່ານ ເຮືອອາກາດເອກ ປາດຖະໜາ ພັນທະນະສິລິ ອໍານວຍການໃຫ່ຍຝ່າຍມາດຕະຖານຄວາມປອດໄພ ແລະ ການບິນ Thai Airways International ໃຫ້ຮູ້ວ່າ: ຖ້ຽວບິນ TG 575 ຈາກ ວຽງຈັນ – ບາງກອກ ໃນວັນທີ 9 ມີນາ 2020 ມີກຳນົດຈະອອກຈາກສະໜາມບິນສາກົນວັດໄຕ ນະຄອນຫຼວງວຽງຈັນ ສາທາລະນະລັດ ປະຊາທິປະໄຕ ປະຊາຊົນລາວ ໃນເວລາ 20:30 ໂມງ (ຕາມເວລາທ້ອງຖິ່ນ) ແລະ ຈະມາຮອດສະໜາມບິນສຸວັນນະພູມ ໃນເວລາ 21.35 ໂມງ.

ຂະນະທີ່ ນັກບິນພວມຈະ Taxiway ນໍາເຮືອບິນຂຶ້ນບິນນັ້ນ ປາຍປີກໄດ້ຕໍາເອົາສ່ວນຫາງຂອງເຮືອບິນທີ່ຈອດຢູ່ ເຊິ່ງຝ່າຍບໍລິການພາກພື້ນດິນຂອງສະໜາມບິນສາກົນວັດໄຕໄດ້ຊ່ວຍເຫຼືອ ແລະ ນຳເອົາຜູ້ໂດຍສານ ແລະ ລູກເຮືອທັງໝົດໄປໂຮງແຮມທີ່ຈັດຕຽມໄວ້ໃຫ້ ເຊິ່ງເປັນມາດຕະຖານໃນການເບິ່ງແຍງຜູ້ໂດຍສານ ແລະ ທາງບໍລິສັດຈະຈັດແຈງໃຫ້ຜູ້ໂດຍສານກັບຄືນມາກຸງເທບມື້ນີ້ (10 ມີນາ 2020) ບໍລິສັດຈະສືບຕໍ່ສືບສອບສວນຫາສາເຫດໃນຕໍ່ໄປ.

ນອກຈາກນີ້, ຖ້ຽວບິນຈາກ TG 575 ໃນເສັ້ນທາງວຽງຈັນ – ບາງກອກ ແມ່ນດຳເນີນການບິນໂດຍເຮືອບິນ Airbus A330-300, ເຊິ່ງບັນທຸກຜູ້ໂດຍສານ 79 ຄົນ, ນັກບິນ ແລະພະນັກງານເຮືອ 13 ຄົນ.

    

ຂໍ້ມູນໂດຍ:ການບິນໄທ ThaiAirway
ແປ ແລະ ຮຽບຮຽງໂດຍ AeroLaos |ເພຈຂ່າວການບິນ