ທ່ານ ນາຍົກ ລົງຢ້ຽມຢາມຊຸກຍູ້ການຜະລິດຢູ່ເມືອງສັງທອງ

485

ຂປລ. ໃນຕອນເຊົ້າວັນທີ 7 ກຸມພາ 2020, ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍຄະນະ ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ເມືອງສັງທອງ ໂດຍມີຈຸດປະສົງເພື່ອຢ້ຽມຢາມພື້ນຖານການຜະລິດ ເປັນຕົ້ນແມ່ນກຸ່ມການຜະລິດຕະພັນໄມ້ປ່ອງ ບ້ານນາປໍ, ທັງນີ້ກໍເພື່ອເປັນການຊຸກຍູ້ສົ່ງເສີມການຜະລິດພາຍໃນໃຫ້ກາຍເປັນສິນຄ້າ.

ໂອກາດນີ້ ທ່ານນາຍົກລັດຖະມົນຕີ ກໍໄດ້ຍ້ອງຍໍຊົມເຊີຍປະຊາຊົນທີ່ມີຫົວຄິດປະດິດສ້າງ ໃນການໝູນວັດຖຸດິບທີ່ມີຢູ່ເພື່ອສ້າງມູນຄ່າເພີ່ມ ໂດຍຜະລິດເປັນສິນຄ້າທີ່ມີເອກະລັກ ແລະ ງົດງາມ ເພື່ອຂາຍເປັນສິນຄ້າ ນຳພາຄອບຄົວຫລຸດພົ້ນອອກຈາກຄວາມທຸກຍາກເທື່ອລະກ້າວ.

ທີ່ມາ: ຂ່າວສານປະເທດລາວ