ຫລວງນ້ຳທາເປິດງານວາງສະແດງສີນຄ້າມິນິໄທແລນວີກ

539

ວັນທີ 5 ກຸມພາ 2020 ແຂວງຫລວງນ້ຳທາເປິດງານວາງສະແດງສີນຄ້າມິນິໄທແລນວີກ ໂດຍການເປັນປະ ທານທ່ານ ດໍາຣົງ ໄຄຣ້ຄຣວນ ເອກອັກຄະລັດຖະທູດ ປະຈໍາ ສປປ ລາວ, ເຂົ້າຮ່ວມທ່ານ ຄໍາໄຫລ ສີປະເສີດ ຮອງເຈົ້າແຂວງໆ ຫລວງນ້ຳທາ, ທ່ານ ນ ປະວິຕາ ມ່ວງສະກຸນ ທີ່ປຶກສາຝ່າຍການຄ້າ ສຳນັກງານສົ່ງເສີມການຄ້າຕ່າງ ປະ ເທດ ປະຈໍາຢູ່ນະຄອນຫລວງວຽງຈັນ, ມີຜູ້ຕາງໜ້າຈາກສະພາການຄ້າແຫ່ງຊາດ, ນາຍົກສະມາຄົມນັກທຸລະກິດໄທປະຈຳຢູ່ ສປປລາວ ແລະ ຜູ້ຕາງໜ້າຈາກພະແນກການຂອງແຂວງ, ເມືອງ ພ້ອມດ້ວຍມວນຊົນຊາວຫລວງນ້ຳທາເຂົ້າຮ່ວມ.

ທ່ານ ນາງ ປະວິຕາ ມ່ວງສະກຸນ ທີ່ປຶກສາຝ່າຍການຄ້າສຳນັກງານສົ່ງເສີມການຄ້າຕ່າງປະເທດ ປະຈຳຢູ່ນະຄອນຫຼວງວຽງຈັນ ໄດ້ລາຍງານກ່ຽວກັບງານວາງສະແດງສີນຄ້າມິນິໄທແລນວີກ ເປັນງານປະຈຳປີຂອງການວາງສະແດງສິນຄ້າ ທີ່ມີຄຸນນະພາບຈາກປະເທດໄທ ແລະ ທີ່ເຄີຍຈັດມາບັນດາແຂວງຕ່າງໆໃນປະເທດລາວ ໄດ້ຈັດຂຶ້ນທີ່ແຂວງຫລວງນ້ຳທາ ໂດຍມີ 38 ບໍລິສັດຊັ້ນນຳ ທີ່ໄດ້ນຳເອົາສິນຄ້າມີຄຸນນະພາບມາວາງສະແດງ ແລະ ຈຳໜ່າຍເປັນຕົ້ນແມ່ນ: ອາຫານ, ເຄື່ອງດື່ມ, ເຄື່ອງແຟຊັນ, ສຸຂະພາບ, ຄວາມງາມ, ການສຶກສາ ແລະ ລວມໄປເຖິງອຸປະກອນເຄື່ອງໃຊ້ໃນຄົວເຮືອນຕ່າງໆ ລວມທັງໝົດມີ 51 ຮ້ານ ທ່ານສາມາດເຂົ້າມາຜ່ອນຄາຍ ແລະ ອີ່ມສະບາຍ ກັບອາຫານ ແລະ ສິນຄ້າດ້ວຍລາຄາປະຢັດພ້ອມກັບກິດຈະກຳອື່ນໆ ເຊີ່ງເລີ່ມວາງສະແດງ ແລະ ຈຳໜ່າຍແຕ່ວັນທີ 5 – 9 ກຸມພາ 2020 ຈາກນັ້ນ ການນຳທັງສອງຝ່າຍລາວ-ໄທກໍ່ໄດ້ມອບຂອງຂັວນທີ່ລະນຶກ ພ້ອມທັງກ່າວເປິດງານວາງສະແດງສີນຄ້າມິນິໄທແລນວີກ ຢ່າງເປັນທາງການ.

ຂ່າວ:ມູນຕີ