ນາຍົກສົ່ງໂທລະເລກສະແດງຄວາມເຫັນໃຈຕໍ່ ສປ ຈີນ ກໍລະນີເຊື້ອໄວຣັສໂຄໂຣນາລະບາດໜັກ

539

ໃນວັນທີ 29 ມັງກອນ 2020 ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ສົ່ງໂທລະເລກສະແດງຄວາມເຫັນໃຈ ເຖິງ ສະຫາຍ ຫຼີ ເຄີສຽງ ນາຍົກລັດຖະມົນຕີແຫ່ງ ສາທາລະນະລັດ ປະຊາຊົນຈີນ ຕໍ່ກັບເຫດການລະບາດເຊື້ອພະຍາດໄວຣັສໂຄໂຣນາ ສາຍພັນໃໝ່ ຢູ່ນະຄອນອູຫັ້ນ ແຂວງຫູເປີຍ ພ້ອມສົ່ງກໍາລັງໃຈໃຫ້ສາມາດຕໍ່ສູ້ກັບພະຍາດດັ່ງກ່າວ ແລະ ຟື້ນຟູໃຫ້ກັບຄືນສູ່ສະພາບປົກກະຕິໂດຍໄວ.

ເນື້ອໃນຂອງສານດັ່ງກ່າວ ທ່ານນາຍົກແມ່ນໄດ້ສະແດງຄວາມເສຍໃຈ ແລະ ເປັນຫ່ວງເປັນໃຍຕໍ່ສະພາບການທີ່ເກີດຂຶ້ນ ອັນໄດ້ສ້າງຄວາມສູນເສຍດ້ານຊີວິດແກ່ປະຊາຊົນຈີນຈໍານວນຫຼວງຫຼາຍ, ພ້ອມຂໍແບ່ງປັນຄວາມທຸກໂສກ ແລະ ຂໍເປັນກໍາລັງໃຈໃຫ້ພັກ, ລັດຖະບານ ພ້ອມດ້ວຍປະຊາຊົນຈີນເພື່ອປ້ອງກັນ ແລະ ຕໍ່ສູ້ກັບການລະບາດຂອງເຊື້ອພະຍາດດັ່ງກ່າວ ຮ່ວມກັບວົງສາຄະນາຍາດໃຫ້ມີຜົນສໍາເລັດສູງສຸດ ແລະ ເຊື່ອໝັ້ນວ່າ ສປ ຈີນ ຈະສາມາດຜ່ານຜ່າຄວາມທຸກຍາກໃນຄັ້ງນີ້ ແລະ ຟື້ນຟູສະພາບດັ່ງກ່າວໃຫ້ກັບຄືນສູ່ສະພາບປົກກະຕິໂດຍໄວ.