ດ່ານສາກົນບໍ່ເຕ່ນທຳລາຍສີນຄ້ານໍາເຂົ້າທີ່ບໍ່ຖືກຕ້ອງ

418

ວັນທີ່ 17 ມັງກອນ 2020 ຢູ່ທີ່ເດີນສະໜາມຂີ້ເຫື້ຍອບ້ານນາເຕີຍເມືອງ ແລະ ແຂວງຫຼວງນໍ້າທາ, ໄດ້ຈັດພິທີທຳລາຍສີນຄ້ານໍາເຂົ້າທີ່ບໍ່ຖືກຕ້ອງ ແລະ ໝົດອາຍຸ ປະເພດເບຍຈີນທີ່ຖືກຍຶດຈາກເຈົ້າໜ້າທີ່ ດ່ານສາກົນບໍ່ເຕ່ນ ແລະ ໄດ້ອາຍັດໄວ້, ສີນຄ້າດັ່ງກ່າວແມ່ນໄດ້ນຳເຂົ້າມາຈາກປະເທດຈີນ, ເປັນປະເພດເບຍຈີນ, ຈຳນວນ 50 ແພັກ , ມີ 384 ລິດ, ເປັນມູນຄ່າ 5 ລ້ານ 8 ແສນ ກວ່າກີບ.

ພາຍຫຼັງທີ່ຍຶດສີນຄ້າໄດ້ແລ້ວ ທາງເຈົ້າໜ້າທີ່ກໍ່ໄດ້ອອກແຈ້ງການປະກາດຫາເຈົ້າຂອງສິນຄ້າ ແຕ່ບໍ່ມີໃຜເຂົ້າມາພົວພັນເອົາເປັນເວລາ 3 ປີກ່ວາ, ຈີ່ງເຮັດໃຫ້ສີນຄ້າດັ່ງກ່າວໄດ້ໝົດອາຍຸ ,ບໍ່ສາມາດບໍລິໂພກໄດ້, ເພື່ອເຮັດໃຫ້ການແກ້ໄຂຄະດີດັ່ງກ່າວສິ້ນສຸດລົງ ແລະ ເຮັດໃຫ້ຖືກຕ້ອງສອດຄ່ອງກັບລະບຽບການທີ່ໄດ້ກໍານົດໄວ້ຈິ່ງໄດ້ຈັດພິທີທໍາລາຍສີນຄ້ານັ້ນຢ່າງເປັນທາງການ.

ທັງນີ້ກໍ່ເພື່ອເປັນການປະຕິບັດຕາມຂໍ້ຕົກລົງຂອງທ່ານຫົວໜ້າດ່ານສາກົນບໍ່ເຕ່ນສະບັບເລກທີ່ 0083/ດພສ.ບຕ ລົງວັນທີ່ 16 ມັງກອນ 2020 ວ່າດ້ວຍການ ຈັດພິທິທໍາລາຍ, ສີນຄ້າທີ່ເຈົ້າໜ້າທີ່ພາສີຍຶດໄດ້ ຕາມບົດບັນທຶກເລກທີ່ 0108/ດສພ.ບຕ ລົງວັນທີ່ 7 ກັນຍາ 2017.

ເຂົ້າຮ່ວມທໍາລາຍສີນຄ້າດັ່ງກ່າວນໍາພາ ໂດຍ ທ່ານ ດາວ ກາລີຄຳ ຮອງຫົວໜ້າດ່ານສາກົນບໍ່ເຕ່ນ, ມີບັນດາທ່ານ ຜູ້ຕ່າງໜ້າຈາກຄະນະຄຸ້ມຄອງດ່ານສາກົນບໍ່ເຕ່ນ, ກົມອາຫານ ແລະ ຢາປະຈຳດ່ານສາກົນບໍ່ເຕ່ນ,ຂະແໜງສືບສວນສອບສວນ ແລະ ປາບປາມການຄ້າຂາຍເຖື່ອນກອງຄຸ້ມຂອງພາສີ 1, ມີກຸ່ມບ້ານ, ນາຍບ້ານໆນາເຕີຍ ແລະ ພະນັກງານວິຊາການທີ່ກ່ຽວຂ້ອງກໍ່ໄດ້ຮ່ວມກັນທໍາລາຍສີນຄ້າທີ່ນໍາເຂົ້າບໍ່ຖືກຕ້ອງ ແລະ ໝົດອາຍຸ.

ຂ່າວ: ມຸນຕີ<