ປີ 2019 ອາກອນສະຫວັນນະເຂດ ປະຕິບັດໄດ້ 638,39 ຕື້ກີບ.

379

ໃນວັນທີ 9-10 ມັງກອນ 2020, ທີ່ຫ້ອງປະຊຸມຂອງສ່ວຍສາອາກອນປະຈໍາແຂວງສະຫວັນນະເຂດ ໄດ້ເປີດກອງປະຊຸມສະຫລຸບຜົນການຈັດຕັ້ງປະຕິບັດຈັດເກັບລາຍຮັບສ່ວຍສາອາກອນ ປະຈໍາປີ 2019 ແລະ ກໍານົດແຜນການທິດທາງປີ 2020 ຂື້ນ.

 

ໂດຍພາຍໃຕ້ການເປັນປະທານຂອງ ທ່ານ ເພັດດາລາ ແກ້ວສາລີ ຄະນະພັກຮາກຖານພະແນກການເງິນ ຫົວຫນ້າສ່ວຍສາອາກອນປະຈໍາແຂວງ ແລະ ປະກອບມີບັນດາແຂກຖືກເຊີນຈາກຂະແຫນງການປິ່ນອ້ອມກ່ຽວຂ້ອງ ພ້ອມດ້ວຍພະນັກງານຫລັກແຫລ່ງ ແລະ ວິຊາການ ຂອງຂະແຫນງສ່ວຍສາອາກອນ ທັງຂັ້ນແຂວງ, ນະຄອນ ແລະ ບັນດາ 14 ເມືອງ ເຂົ້າຮ່ວມ  190 ກ່ວາທ່ານ.

ໃນກອງປະຊຸມໄດ້ຮັບຟັງການລາຍງານຜົນການຈັດຕັ້ງ ປະຕິບັດຈັດເກັບລາຍຮັບໃນປີ 2019 ເຊິ່ງສາມາດ ປະຕິບັດໄດ້ 638,39 ຕື້ກີບ ເທົ່າກັບ 93,50% ຂອງ ແຜນການປີ, ທຽບໄລຍະດຽວກັນແມ່ນເພີ້ມຂື້ນ 2,48% ຫລື 15,43 ຕື້ກີບ.