ຄໍາມ່ວນທຳລາຍສິນຄ້າໝົດອາຍຸ ມູນຄ່າ 22ລ້ານກວ່າກີບ

428

ໃນວັນທີ 9 ມັງກອນ 2020 ທີ່ສຳນັກງານປົກຄອງເມືອງຍົມມະລາດ ໄດ້ຈັດພິທີທຳລາຍສິນຄ້າໝົດອາຍຸ ແລະ ສິນຄ້ານຳເຂົ້າບໍ່ຖືກຕ້ອງ  220 ລາຍການ ມູນຄ່າ 22.387.000 ກີບ ທ່ານ ແພງສະຫັວດ ເລືອງຄຳມາ ຫົວໜ້າຫ້ອງການອຸດສາຫະກຳ ແລະ ການຄ້າເມືອງໄດ້ຂື້ນ ຜ່ານບົດລາຍງານການຈັດຕັ້ງປະຕິບັດຜົນການກວດກາສິນຄ້າໝົດອາຍຸ ແລະ ສິນຄ້ານຳເຂົ້າບໍ່ຖືກຕ້ອງ ໃນ 6 ເດືອນທ້າຍປີ 2019

ພາຍໃນເມືອງທີ່ຜ່ານມາເຊີ່ງໃນວັນທີ 16 – 25 ທັນວາ 2019 ທີ່ຜ່ານມາຫ້ອງການອຸດສາຫະກຳ ແລະ ການຄ້າເມືອງ ແລະ ຫ້ອງການວິທະຍາສາດ ແລະ ເຕັກໂນໂລຢີເມືອງໄດ້ລົງກວດກວດກາຫ່າງຮ້ານພາຍໃນເມືອງທີ່ຄາດໝາຍວ່າຈະມີການຊື້ຂາຍສິນຄ້າໝົດອາຍຸການນຳໃຊ້ໃນການຈັດຕັ້ງປະຕິບັດຕົວຈິງ ພື້ນຖານແມ່ນອີງໃສ່ກົດໝາຍວ່າດ້ວຍການປົກປ້ອງຜູ້ຊົມໃຊ້, ບົດບັນທຶກຄັ້ງຜ່ານມາ

ໂດຍສົມທົບກັບການຈັດຕັ້ງ, ອຳນາດການປົກຄອງບ້ານ ແລະ ຫົວໜ່ວຍທຸລະກິດເຊີ່ງສາມາດກວດ ໄດ້ທັງໝົດ 42 ຫົວໜ່ວຍ ໃນນ້ັນຮ້ານຄົນລາວ 17 ຫົວໜ່ວຍ, ຮ້ານຄົນຫວຽດນາມ 25 ຫົວໜ່ວຍ. ກວດພົບສິນຄ້າໝົດອາຍຸການນຳໃຊ້ທັງໝົດ 35 ຮ້ານ, ມີ 220 ລາຍການ ມູນຄ່າ 22.387.000 ກີບ

ໃນນັ້ນຮ້ານຂາຍເຄື່ອງຄົນລາວ ມີ 13 ຫົວໜ່ວຍ ມີ 85 ລາຍການ ລວມມູນຄ່າ 5.838.000 ກີບ, ຮ້ານຂາຍເຄື່ອງຄົນຫວຽດນາມມີ 22 ຫົວໜ່ວຍມີ 135 ລາຍການ ມູນຄ່າ 16.540.000 ກີບ ເຊີ່ງສິນຄ້າທີ່ກວດພົບວ່າໝົດອາຍຸສ່ວນໃຫຍ່ແມ່ນປະເພດເຄື່ອງສຳອາງ ແລະ ເຄື່ອງບໍລິໂພກເຊັ່ນ: ໝີ່, ເຂົ້າໜົມ, ນ້ຳຫວານ, ອາຫານເສີມ, ປາປ໋ອງ, ແລະ ເຄື່ອງປຸງແຕ່ງອາ ຫານຕ່າງໆ.

ໃນຕອນທ້າຍຂອງພິທີດັ່ງກ່າວທ່ານ ບຸນທັນ ສຸວັນນະລາດ ເຈົ້າເມືອງໆຍົມມະລາດ ໄດ້ໂອ້ລົມຕໍ່ພິທີດັ່ງກ່າວທ່ານຍັງໄດ້ເນັ້ນໝັກໃຫ້ພະນັກງານຂະແໜງການທີ່ກ່ຽວຂ້ອງໃຫ້ອົາໃຈໃສ່ລົງຕິດຕາມກວດກາບັນດາຫົວໜ່ວຍທຸລະກິດ ແລະ ພໍ່ຄ້າຊາວຂາຍຕ່າງໆຢ່າງຕໍ່ເນື່ອງເພື່ອບໍ່ໃຫ້ກຸ່ມຄົນບໍ່ ຫັວງດີລັກລອບນຳເອົາສິນຄ້າທີ່ໝົດອາຍຸ ແລະ ສິນຄ້າທີ່ນຳເຂົ້າບໍ່ຖືກຕ້ອງມາຈຳໜ່າຍໃຫ້ແກ່ປະຊາ ຊົນ. ນອກຈາກນີ້ທ່ານຍັງໄດ້ຮຽກຮ້ອງເຖິງປະຊາຊົນໃຫ້ມີສະຕິໃນການຊົມໃຊ້ເຄື່ອງອຸປະໂພກ ແລກ ບໍລິໂພກຕ່າງໆ ກ່ອນຊື້ຕ້ອງກວດກາເບີ່ງວັນເດືອນປີຜະລິດ ແລະ ວັນເດືອນປີໝົດອາຍຸກ່ອນຖ້າພົບເຫັນຫົວໜ່ວຍທຸລະກິດໃດຫາກຈຳໜ່າຍ ຫຼື ຄອບຄອງສິນຄ້າທີ່ໝົດອາຍຸ ແລະ ສິນຄ້າ ທີ່ນຳເຂົ້າບໍ່ຖືກຕ້ອງໃຫ້ແຈ້ງເຈົ້າໜ້າທີ່ໆກ່ຽວຂ້ອງລົງຕິດຕາ ແລະ ກວດກາ.

ພາບ – ຂ່າວ: ຄຳພູວາ