ຄະນະບໍລິຫານງານຊາວໜຸ່ມກະຊວງການເງິນ ທາບທາມຄະນະຊຸດໃໝ່ ຮອບທີ 3

580

ໃນວັນທີ 6 ມັງກອນ 2020 ຜ່ານມາທີ່ສະໂມສອນສະຖາບັນເສດຖະກິດ-ການເງິນ (ສສງ), ຄະນະບໍລິ ຫານງານຊາວໜຸ່ມການກະຊວງການເງິນ, ໄດ້ເປີດກອງປະຊຸມທາບທາມບຸກຄະລາກອນຮອບທີ 3 ເພື່ອປະກອບເຂົ້າໃນຄະນະບໍລິຫານງານຊາວໜຸ່ມກະຊວງການເງິນຊຸດໃໝ່.

ໂດຍການເປັນປະທານຂອງທ່ານ ພູເຂົາຄໍາ ວັນນະວົງໄຊ ກຳມະການຄະນະພັກກະຊວງ ເລຂາຄະນະບໍລິຫານງານຊາວໝຸ່ມກະຊວງການເງິນ, ມີຄະນະບໍລິຫານງານ, ເລຂາໜ່ວຍຊາວໜຸ່ມບັນດາກົມ, ສະຖາບັນ, ວິສາ ຫະກິດອ້ອມຂ້າງກະຊວງ, ດ້ວຍສະມາຊິກຊາວໜຸ່ມທົົ່ວກະຊວງການເງິນເຂົ້າຮ່ວມ.

ທ່ານ ພູເຂົາຄຳ ວັນນະວົງໄຊ ເລຂາຄະນະບໍລິຫານງານຊາວໝຸ່ມກະຊວງການເງິນ ໄດ້ມີຄຳເຫັນວ່າ: ກອງປະຊຸມທາບທາມບຸກຄະລາກອນຮອບທີ 3 ເປັນການທາບທາມເອົາບຸກຄະລາກອນປະກອບເຂົ້າໃນຄະນະບໍລິຫານງານຊາວໜຸ່ມການກະຊວງການເງິນ, ຊຶ່ງຈະໄດ້ນຳໄປຜ່ານໃນກອງປະຊຸມໃຫຍ່ຜູ້ແທນຊາວໜຸ່ມກະຊວງການເງິນ ຄັ້ງທີ IV ຈະໄດ້ຈັດຂຶ້ນໃນມໍ່ໆນີ້.

ໃນກອງປະຊຸມໄດ້ທາບທາມເອົາຄະນະຊຸດໃໝ່ໂດຍມີຜູ້ສະໝັກທັງໝົດ 26 ສະຫາຍ, ຂີດອອກ 7 ສະ ຫາຍ, ຮັກສາໄວ້ 19 ສະຫາຍ, ເພື່ອສືບຕໍ່ຊີ້ນໍາ-ນໍາພາວຽກງານຊາວໜຸ່ມກະຊວງການເງິນໃຫ້ສໍາເລັດ ແລະ ມີການພັດທະນາດີຂຶ້ນເປັນກ້າວໆ.