ຊົມເຊີຍ! ກຸ່ມປູກຜັກອິນຊີ ເມືອງໄຊ ມີລາຍຮັບ 1ຕື້ກ່ວາກີບ ຕໍ່ປີ

489

ຂ່າວປະຈໍາວັນ Daily News Oudomxay ໃຫ້ຮູ້ວ່າ: ກຸ່ມປູກຜັກອິນຊີບ້ານ ຫລັກ10 ເມືອງໄຊ ແຂວງອຸດົມໄຊ ມີລາຍຮັບ 1 ຕື້ 200 ລ້ານກວ່າກີບ ຕໍ່ປີ.

ສະເລ່ຍໃສ່ຄອບຄົວຫນຶ່ງມີລາຍຮັບ 30 ລ້ານກວ່າກີບ. ປັດຈຸບັນມີທັງຫມົດ 40 ຄອບຄົວ, ມີເຮືອນຮົ່ມທັງຫມົດ 80 ຫລັງ ນັບແຕ່ປີ 2017 ເປັນຕົ້ນມາ.

ກຸ່ມປູກຜັກບ້ານຫລັກ10 ໄດ້ຮັບການສະຫນັບສະຫນູນທຶນກູ້ຢືມຈາກສະຖາບັນການເງິນຈຸລະພາກທີ່ຮັບເງິນຝາກ ພັດທະນາອຸດົມໄຊເພື່ອພັດທະນາກະສິກຳແບບຍືນຍົງ ແລະ ໃຫ້ຄຳປຶກສາທາງດ້ານເຕັກນິກວິຊາການເຊັ່ນ ຝຶກອົບຮົມເຕັກນິກການປູກ, ວາງແຜນການຕະຫລາດ,ຈັດຕະຫລາດນັດຂາຍທຸກອາທິດ, ການຜະລິດຝຸ່ນຊີວະພາບ ແລະ ອື່ນໆ.