ອັດຕະປື ສະຫຼອງງານບຸນນະມັດສະການພະເຈົ້າໄຊຍະເສດຖາທິລາດ

490

ວັນທີ 14 ທັນວາ ຄສ 2019 ກົງກັບມື້້ ແຮມ 3 ຄໍ່າເດືອນ 1 ປີ ພສ 2562 ໄດ້ມີພິທີຕັກບາດຖວາຍສັງຂະທານ ມີພະສົງ 17 ອົງ ເຊິ່ງໄດ້ມີ ພະນັກງານການນຳຂັ້ນແຂວງ, ການນຳຂັ້ນເມືອງ, ພະນັກງານ-ລັດຖະກອນ, ພໍ່ແມ່ປະຊາຊົນ ແລະ ອອກຕົນຍາດໂຍມເຂົ້າຮ່ວມຢ່າງຫຼວງຫຼາຍ.

ໃນເວລາດຽວກັນມີງານປະກວດເທສະການເຂົ້າປຸ້ນພື້ນເມືອງ ສົ່ງເສີມເອກະລັກ ແລະ ຮັກສາວັດທະນະທຳໃຫ້ຍື້ນຍົງ ໂດຍໄດ້ມີບັນດາພາກສ່ວນເຂົ້າຮ່ວມປະກວດທັງໝົດ 8 ພາກສ່ວນ ແລະ ຜ່ານການປະກວດໄດ້ຮັບລາງວັນສະເລີດ ແມ່ນ ໂຮງຮຽນ ມສ ເຊດຖາ ມີຂອງຂວັນລາງວັນ 600.000 ກີບ: ລາງວັນຮອງອັນດັບສອງແມ່ນ ບ້ານ ຟັ່ງແດງ ມີຂອງຂວັນລາງວັນ 500.000 ກີບ ແລະ ລາງວັນຮອງອັນດັບ 3 ແມ່ນ ບ້ານ ຊ້າຍ ມີຂອງຂວັນລາງວັນ 400.000 ກີບ.

ໃນງານບຸນນະມັດສະການປີນີ້ ຍັງໄດ້ມີການຈັດກິດຈະກຳແຂ່ງຂັນກິລາເຮືອຊ່ວງຕາມຮອຍຕຳນານພະເຈົ້າໄຊຍະເສດຖາທິລາດ ທີ່ໄດ້ສືບສານວັດທະນະທຳຮີດຄອງປະເພນີອັນດີງາມນັ້ນ ແລະ ໄດ້ມີບັນດານັກສີພາຍເຂົ້າຮ່ວມແຂ່ງຂັນທັງໝົດ 43 ພາກສ່ວນ, ຜົນການແຂ່ງຂັນ ລາງວັນຊະນະເລີດແມ່ນ ເຮືອເຕຊິນ 88 ມີຂອງຂວັນລາງວັນ 1.000.000 ກີບ ພ້ອມຂັນໜຶ່ງໜ່ວຍ

ຮອງຊະນະເລີດແມ່ນ ເຮືອກຳມະບານ ເມືອງ ໄຊເຊດຖາ ມີຂອງຂວັນລາງວັນ 700.000 ກີບ ແລະ ຮອງອັນດັບ3 ແມ່ນເຮືອຫວຍໂຊກໄຊ ມີຂອງຂວັນລາງວັນ 500.000 ກີບ.

ທີ່ມາ: Attapeu Media