ສະພາການຄ້າຈີນມອບເຂົ້າ 40ໂຕນ ຊ່ວຍເຫຼືອໄພແຫ້ງແລ້ງ ແຂວງອຸດົມໄຊ

551

ຕອນເຊົ້າວັນທີ 9 ທັນວາ 2019 ທີ່ຫ້ອງວ່າການແຂວງ ອຸດົມໄຊ ສະພາການຄ້າຈີນ ປະຈຳ ສປປ ລາວ ໂດຍຜ່ານກະຊວງແຮງງານ ແລະ ສະຫັວດດີການສັງຄົມ ໄດ້ນຳເອົາເຂົ້າສານໜຽວ ແລະ ເຂົ້າສານຈ້າວ ມາມອບໃຫ້ແກ່ແຂວງ ອຸດົມໄຊ ເພື່ອປະກອບສ່ວນໃນການຊ່ວຍເຫຼືອຜູ້ປະສົບໄພຢູ່ແຂວງ ອຸດົມໄຊ (ໄພແລ້ງ)

ມອບໂດຍທ່ານ ຊູກາວວູ່ ຄະນະບໍລິຫານງານສະພາການຄ້າຈີນ ປະຈຳ ສປປ ລາວ ຮັບໂດຍ ທ່ານ ປອ ຄຳພັນ ເຜີຍຍະວົງ ເຈົ້າແຂວງ ແຂວງ ອຸດົມໄຊ ໂດຍມີພະແນກການ ຂະແໜງການທີ່ກ່ຽວຂ້ອງເຂົ້າຮ່ວມ.

ເຂົ້າສານທີ່ນຳມາມອບໃນຄັ້ງນີ້ມີທັງໝົດ 40 ໂຕນ ໃນນັ້ນມີເຂົ້າສານໜຽວຈຳນວນ 20 ໂຕນ ແລະ ເຂົ້າສານຈ້າວຈຳນວນ 20 ໂຕນ ລວມມູນຄ່າທັງໝົດ 342.580.000 ກີບ. ໂອກາດນີ້ທ່ານເຈົ້າແຂວງ ອຸດົມໄຊກໍໄດ້ສະແດງຄວາມຂອບອົກຂອບໃຈ ພ້ອມທັງຈະນຳເອົາເຂົ້າທີ່ໄດ້ຮັບຄັ້ງນີ້ໄປແຈກຢາຍໃຫ້ປະຊາຊົນຕາມເປົ້າໝາຍ.

ເປັນພຽງພາບປະກອບ