ປາກລາຍ ສະຫລຸບແຂ່ງຂັນຮັກຊາດ ແລະ ພັດທະນາ

495

ເພື່ອຜັນຂະຫຍາຍແນວທາງນະໂຍບາຍຂອງພັກ – ລັດໃຫ້ເຂົ້າສູ່ຊີວິດຕົວຈິງ, ໂດຍສະເພາະແມ່ນເພື່ອບັນລຸຕົວເລກຄາດໝາຍມະຕິກອງປະຊຸມໃຫຍ່ຄັ້ງທີ X ຂອງພັກ,ຄັ້ງທີ VI ຂອງອົງຄະນະພັກແຂວງ,ຄັ້ງທີ VII ຂອງອົງຄະນະພັກເມືອງແລະແຜນພັດທະນາເສດຖະກິດ-ສັງຄົມວາງອອກ.

ເພື່ອຮັບປະກັນໃຫ້ເມືອງມີສະຖຽນລະພາບທາງດ້ານການເມືອງໜັກແໜ້ນ, ສັງຄົມມີຄວາມສະຫງົບປອດໄພ. ກົງຈັກການຈັດຕັ້ງທຸກຂັ້ນໄດ້ຮັບການປັບປຸງໃຫ້ມີຄວາມເຂັ້ມແຂງ,ພົນລະເມືອງໄດ້ຮັບການຄຸ້ມຄອງດ້ວຍລະບຽບກົດໝາຍ, ເສດຖະກິດມີການຂະຫຍາຍຕົວຢ່າງຕໍ່ເນື່ອງ;ປະຊາຊົນບັນດາເຜົ່າມີຄວາມສາມັກຄີເປັນປຶກແຜ່ນ ແລະ ໄດ້ຮັບເງື່ອນໄຂການພັດທະນາຕົນເອງດີຂື້ນ ແລະ ສ້າງຂະບວນການຮອບດ້ານກະກຽມໃຫ້ແກ່ການດຳເນີນກອງປະຊຸມໃຫຍ່ຄັ້ງທີ VIII ຂອງອົງຄະນະພັກເມືອງ,ໃຫ້ມີເນື້ອໃນອຸດົມສົມບູນ ແລະ ຄົບຖ້ວນ.

ດັ່ງນັ້ນ,ຕອນເຊົ້າ ຂອງວັນທີ 5 ທັນວາ 2019 ທີ່ຫ້ອງປະຊຸມໃຫຍ່ສຳນັກງານປົກຄອງເມືອງປາກລາຍ ແຂວງໄຊຍະບູລີ ອົງຄະນະພັກເມືອງຈື່ງໄດ້ເປີດຂະບວນການແຂ່ງຂັນຮັກຊາດ ແລະ ພັດທະນາຢູ່ພາຍໃນເມືອງເປັນຂະບວນກວ້າງຂວາງ ແລະ ວາງແຜນເພີ່ມເຕີມຂະບວນການແຂ່ງຂັນ “ຮັກຊາດ ແລະ ພັດທະນາ ໂດຍການເປັນປະທານ ຂອງທ່ານ ສົມຈິດ ຈັນທະວົງ ກຳມະການພັກແຂວງ ເລຂາຄະນະບໍລິຫານງານພັກເມືອງເຈົ້າເມືອງໆປາກລາຍເປັນກຽດ ເຂົ້າຮ່ວມໃນພິທີຂອງທ່ານ ພົງສະຫັວນ ສິດທະວົງ ເຈົ້າເເຂວງໆໄຊຍະບູລີ ມີບັນດາພະນັກງານ,ສະມາຊິກພັກ ຈາກພາກສ່ວນສໍານັກງານຫ້ອງການ,ເລຂາຄະນະພັກນາຍບ້ານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ກອງປະຊຸມດັ່ງກ່າວ ທ່ານ ນາງພີມປະໄພ ສຸຂະລາດ,ຮອງເຈົ້າເມືອງໆປາກລາຍ ຜູ້ຊີນໍາວຽກງານວັດຖະນະທໍາ-ສັງຄົມຂັ້ນເມືອງໄດ້ຂື້ນຜ່ານບົດສະຫລຸບ ແລະ ທົບທວນຄືນຜົນຂອງການຈັດຕັ້ງປະຕິບັດ ແລະ ວາງແຜນເພີ່ມເຕີມຂະບວນການແຂ່ງຂັນ “ຮັກຊາດ ແລະ ພັດທະນາທ່ານໄດ້ກ່າວວ່າ:ຜ່ານການຈັດຕັ້ງປະຕິບັດຂໍ້ແຂ່ງຂັນ ຮັກຊາດ ແລະ ພັດທະນາ ຕິດພັນກັບການຈັດຕັ້ງປະຕິບັດມະຕິເລກທີ 03 /ກມສພ ວ່າດ້ວຍການສ້າງແຂວງເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ, ສ້າງບ້ານເປັນຫົວໜ່ວຍພັດທະນາ.

ເມືອງພວກເຮົາໄດ້ເປີດຂະບວນການແຂ່ງຂັນ ເລີ່ມແຕ່ຂັ້ນຄອບຄົວ, ໜ່ວຍ, ຈຸງານ, ໜ່ວຍງານ ແລະ ບຸກຄົນ ຂັ້ນບ້ານ, ສຳນັກງານອົງການອ້ອມຂ້າງເມືອງ ໂດຍຖືເອົາຂໍ້ແຂ່ງຂັນຂອງແຕ່ລະພາກສ່ວນເປັນໄມ້ຫລາວັດແທກ ແລະເປັນບ່ອນອີງໃນການສຳຫລວດກວດກາການປະຕິບັດວຽກງານຂອງບຸກຄົນ ແລະ ອົງການຈັດຕັ້ງແຕ່ລະຂັ້ນ ເຊິ່ງສະແດງອອກປະຕິບັດຕາມແຜນພັດທະນາເສດຖະກິດ – ສັງຄົມຂອງເມືອງ ກໍ່ຄືວິໄສທັດຂອງເມືອງປາກລາຍວາງອອກກ່ຽວກັບການແກ້ໄຂຄວາມທຸກຍາກ

ສູ້ຊົນໃຫ້ທົ່ວເມືືອງມີລາຍຮັບທັງໝົດ 1.783,73 ຕື້ກີບ, ສະເລ່ຍໃສ່ຫົວຄົນໜຶ່ງໃຫ້ບັນລຸ2.965ໂດລາຕໍ່ຄົນຕໍ່ປີ. ອົງການປົກຄອງແລະປະຊາຊົນບັນດາເຜົ່າໄດ້ພ້ອມກັນແຂ່ງຂັນຫຼຸດພົ້ນອອກຈາກຄວາມທຸກຍາກ,ມີການຜະລິດເປັນສິນຄ້າໃຫ້ຫຼາຍຂື້ນ, ມີຕະຫຼາດຮອງຮັບ,ມີພື້ນຖານອຸດສາຫະກໍາປຸງແຕ່ງເປັນໜໍ່ແໜ່ງໃໝ່ເກີດຂື້ນ, ມີໄພຟ້າຊົມໃຊ້ທົ່ວເຖິງ ແລະ ອື່ນໆ.ຜ່ານການຈັດຕັ້ງປະຕິບັດໄດ້ເຮັດໃຫ້ເສດຖະກິດຂອງເມືອງມີການຂະຫຍາຍຕົວຕໍ່ເນື່ອງ, ສາມາດສ້າງລາຍຮັບໄດ້ 1.695,24ຕື້ກີບ ເທົ່າກັບ 2766 ໂດລາຕໍ່ຄົນຕໍ່ປີ,

ພື້ນຖາການຜະລິດໄດ້ຮັບການຊຸກຍູ້ສົ່ງເສີມ,ຂະບວນການຜະລິດເປັນສິນຄ້າຂະຫຍາຍຕົວດ້ານປະລິມານ ແລະ ຄຸນນະພາບສູງຂື້ນ ສາມາດສົ່ງຂາຍຕະຫຼາດທັງພາຍໃນ ແລະ ຕ່າງປະເທດ,ປະຊາຊົນມີອາຊີບໝັ້ນທ່ຽງ, ຊີວິດການເປັນຢູ່ຂອງປະຊາຊົນໄດ້ຮັບການພັດທະນາ ສາມາດລຶບລ້າງຄອບຄົວທຸກຍາກໄດ້ 100%. ທົ່ວເມືອງມີໂຮງງານອຸດສາຫະກໍາແລະຫັດຖະກໍາທັງໝົດ 355ແຫ່ງ, ມີທະບຽນວິສາຫະກິດທັງໝົດ 2.003 ທະບຽນໃນນີ້:

ມີໂຮງງານແປ້ງມັນຕົ້ນສຳເລັດຮູບ 1 ແຫ່ງ, ໂຮງງານອົບແຫ້ງສາລີ 1 ແຫ່ງ, ໂຮງງານດິນຈີ່ທັນສະໄໝ 1 ແຫ່ງ,ມີຕະຫຼາດທັງໝົດ 11 ແຫ່ງ, ສົ່ງເສີມຜະລິດຕະພັນ ທີ່ເປັນສິນຄ້າ 1 ເມືອງ 1 ຜະລິດຕະພັນໄດ້ທັງໝົດ 10 ລາຍການ.ພື້ນຖານໂຄງລ່າງໄດ້ຮັບການພັດທະນາ, ແຕ່ລະບ້ານໄດ້ມີເສັ້ນທາງເຂົ້າເຖິງແລະທຽວໄດ້ສະດວກສະບາຍ,ໄດ້ຊົມໃຊ້ໄຟຟ້າກວມເອົາ 100% ຂອງບ້ານທັງໝົດ

ໃນວາລະດຳເນີນກອງປະຊຸມໄດ້ຮັບຟັງການປະກອບຄຳເຫັນຕົວແບບຂອງເມືອງໃນການສ້າງເສດຖະກິດຄອບຄົວຜະລິດເປັນສິນຄ້າມີ 7 ຕົວແບບ

ທ່ານ ພົງສະຫັວນ ສິດທະວົງ ເຈົ້າເເຂວງໆໄຊຍະບູລີ ໄດ້ມີຄຳເຫັນຕໍ່ກອງປະຊຸມເຊີ່ງມີເນື້ອໃນບາງຕອນວ່າ: ໃນການຈັດຕັ້ງປະຕິບັດບັ້ນແຂ່ງຂັນຜ່ານມາພວກເຮົາໄດ້ມີຜົນງານພົ້ນດັ່ນຫຼາຍດ້ານ ໃນນັ້ນແມ່ນ:ລະບົບການເມືອງຢູ່ຂັ້ນຮາກຖານໄດ້ຮັບການປັບປຸງຢ່າງເປັນລະບົບ, ວຽກງານ ປກຊ-ປກສໄດ້ຮັບການຈັດຕັ້ງຜັນຂະຫຍາຍ,ປະກົດການຫຍໍ້ທໍ້ໃນສັງຄົມໄດ້ຮັບການແກ້ໄຂຢ່າງຕັ້ງໜ້າ,ການຈັດສັນຄວາມເປັນລະບຽບຮຽບຮ້ອຍໃນຕົວເມືອງໄດ້ຮັບໝົກຜົນດີພໍຄວນ, ການຈັດເກັບລາຍຮັບໄດ້ລືນແຜນ ແລະ ອື່ນໆ…ຄຽງຄູ່ກັບຜົນສໍາເລັດກໍຍັງມີຂໍ້ຄົງຄ້າງທີ່ພວກເຮົາຍັງຕ້ອງໄດ້ເອົາໃຈໃສ່ ປັບປຸງແກ້ໄຂສືບຕໍ່ແຂ່ງຂັນບຸກບືນກ້າວຂື້ນ – ເພື່ອການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນ ຂອງ ແຂວງ ກໍຄື ກອງປະຊຸມໃຫຍ່ຄັ້ງທີ VIII ຂອງ ເມືອງປາກລາຍແລະກອງປະຊຸມໃຫຍ່ຄັ້ງທີXIຂອງພັກໃຫ້ສຳເລັດຜົນ.


ດັ່ງນັ້ນ,ຢາກຍາດໄດ້ຜົນສຳເລັດໃນຂໍ້ແຂ່ງຂັນດັ່ງກ່າວ ພວກເຮົາການຈັດຕັ້ງທຸກພາກສ່ວນລວມທັງຊາວເມືອງປາກລາຍຕ້ອງຮ່ວມໃຈກັນຈັດຕ້ງປະຕິບັດເຊີ່ງການປະຕິບັດແມ່ນວ່າ:

1. ເພື່ອຍົກລະດັບ, ຫັນປ່ຽນໂສມໜ້າໃໝ່ຂອງເມືອງປາກລາຍອີກບາດກ້າວໜື່ງ.

2.ຕ້ອງຄຸ້ມຄອງ,ປົກປັກຮັກສາໝາກຜົນຂອງການແຂ່ງຂັນທີ່ຜ່ານມາເພື່ອສ້າງເມືອງປາກລາຍໃຫ້ພັດທະນາຂື້ນເປັນກ້າວໆ.

3.ພ້ອມກັນແກ້ໄຂບັນດາປະກົດການຫຍໍ້ທໍ້ຕ່າງໆໃນສັງຄົມ.

4. ຕ້ອງມີຄວາມພ້ອມພຽງກັນ ບົນຄວາມສະເໝີພາບ, ຄວາມສາມັກຄີປອງດອງ ພ້ອມກັນຈັດຕັ້ງຜັນຂະຫຍາຍຕາມນະໂຍບາຍຂອງພັກ ແລະ ກົດໝາຍຂອງລັດ,ເພື່ອເຮັດໃຫ້ເມືອງປາກລາຍ ພັດທະນາ ເປັນເມືອງທີ່ໜ້າຢູ່ ແລະ ຍືນຍົງ ແລະ ຫ້າຫັນເອົາພະນັກງານ “ແຂ່ງຂັນ-ຍ້ອງຍໍ” ແລະ ການສ້າງຂະບວນການ “ແຂ່ງຂັນຮັກຊາດ ແລະ ພັດທະນາ” ເປັນແຜນການເຄື່ອນໄຫວລະອຽດ ຂອງຄະນະພັກແຕ່ລະຂັ້ນ;

ພ້ອມກັນນັ້ນ ກໍໃຫ້ເອົາໃຈໃສ່ຕິດຕາມ, ກວດກາ ແລະ ເກັບກຳຂໍ້ມູນຜົນງານຂອງບຸກຄົນ, ກົມກອງລວມໝູ່ ແລະ ຄົ້ນຄ້ວາສະເໜີຍ້ອງຍໍໃຫ້ຊັດເຈນ, ຖືກຕ້ອງທົ່ວທຸກເປົ້າໝາຍ ແລະ ເໝາະສົມກັບຜົນງານຕົວຈິງ ຕາມການແຂ່ງຂັນປົກກະຕິ ແລະ ການແຂ່ງຂັນຕາມແຕ່ລະບ້ານ