ໄຟໄໝ້ຕູບຮ້ານອາຫານແຄມຂອງເມືອງສັງທອງໝົດ 47 ຕູບ ແລະ ຍັງບໍ່ຮູ້ສາເຫດ

579

ເຈົ້າໜ້າທີ່ເມືອງສັງທອງ ລາຍງານໃນຕອນ ເຊົ້າຂອງວັນທີ 4 ພະຈິກ 2019 ວ່າ ສາເຫດໄຟໄໝ້ຕູບແຄມຂອງຢູ່ ບ້ານສຳພັນນາ, ເມືອງສັງທອງ ນະຄອນຫຼວງວຽງຈັນ ນັ້ນຍັງບໍ່ສາມາດ ສະຫຼຸບສາເຫດໄດ້ວ່າເກີດຂຶ້ນມາຈາກໃສ ເພາະເຈົ້າໜ້າທີ່ທີ່ກ່ຽວຂ້ອງພ້ອມທັງກຳລັງ ປ້ອງກັນຄວາມສະຫງົບກຳລັງດຳເນີນການ ສືບສວນສອບສວນ.

ຕາມການລາຍງານເບື້ອງຕົ້ນຂອງເຫດການ ດັ່ງກ່າວ ໃຫ້ຮູ້ວ່າ ເຫດໄຟໄໝ້ນັ້ນເກີດຂຶ້ນ ເວລາ ປະມານ 11 ໂມງຂອງມື້ວານນີ້ ວັນທີ 3 ທັນວາ ທີ່ ຮ້ານຂາຍເຄື່ອງເຂດກັນເຈື່ອນຄ້ອຍແລນ ມາແຕ່ບ້ານສຳພັນນາ. ພຽງແຕ່ 30 ນາທີ ເທົ່ານັ້ນໄຟໄດ້ທຳລາຍຕູບນັ່ງຫຼິ້ນຢູ່ແຄມ ຂອງນັ້ນຖືກໄຟໄໝ້ທັງໝົດ 47 ຕູບ ແລະ ຕູບເຮັດຂອງກິນອີກ 8 ຕູບ.

ພາຍຫຼັງເຫດການດັ່ງກ່າວ ເຈົ້າໜ້າທີ່ເມືອງ ສັງທອງ ໄດ້ຕັ້ງໜ່ວຍສະເພາະກິດໂດຍມີ ການສົມທົບກັນກັບພາກສ່ວນທີ່ກ່ຽວຂ້ອງ ແລະ ເຈົ້າໜ້າທີ່ປກສ-ປກຊ ລົງກຳເກັບຂໍ້ ມູນ, ກວດກາສະຖານທີ່ເກີດເຫດ ແລະ ດຳເນີນການສືບສວນສອບສວນ ຈົນມາເຖິງປະຈຸບັນກໍ່ຍັງບໍ່ສາມາດລາຍງານ ສາເຫດ ແລະ ມູນຄາເສຍຫາຍທັງໝົດໄດ້.

ຂ່າວ: ສຸກນີລັນດອນ, ພາບ: ເມືອງສັງທອງ. ຈາກ ໜັງສືພິມວຽງຈັນທາຍ