ໜ່ວຍພັກກວດກາພາຍໃນ ແລະ ນິຕິກຳ ເປີດກອງປະຊຸມໃຫຍ່ ຄັ້ງທີ III

555

ໜ່ວຍພັກກວດກາພາຍໃນ ແລະ ນິຕິກຳ ກົມສ່ວຍສາອາກອນ ກະຊວງການເງິນ ໄດ້ເປີດກອງປະຊຸມໃຫຍ່ ຄັ້ງທີ III ຂຶ້ນ, ໂດຍການເຂົ້າຮ່ວມເປັນປະທານຂອງ ທ່ານ ພູທະນູເພັດ ໄຊສົມບັດ ເລຂາຄະນະພັກຮາກຖານ ກົມສ່ວຍສາອາກອນ, ມີເລຂາໜ່ວຍພັກ, ຮອງເລຂາໜ່ວຍພັກ, ມີສະມາຊິກພັກສົມບູນ, ສຳຮອງພາຍໃນໜ່ວຍພັກເຂົ້າຮ່ວມ.

ໃນກອງປະຊຸມໄດ້ຜ່ານບົດລາຍງານການເມືອງໄດ້ສັງເກດຕີລາຄາຢ່າງຖືກຕ້ອງ ແລະ ຜົນງານຕ່າງໆທີ່ຍາດມາໄດ້ແມ່ນໝາກຜົນລວມຍອດແຫ່ງຄວາມສາມັກຄີເປັນໜ່ວຍພັກ, ພ້ອມທັງໄດ້ຮັບຟັງການຜ່ານບົດລາຍງານການ ເມືອງບົດສຳຫຼວດຂອງຮອງເລຂາໜ່ວຍພັກກວດກາພາຍໃນ ແລະ ນິຕິກຳ, ຍົກໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງສາເຫດ ແລະ ບາງຂໍ້ສະຫຼຸບ, ຊຶ່ງຄະນະໜ່ວຍພັກຍາມໃດກໍໄດ້ເຊີດຊູຄວາມຮັບຜິດຊອບດ້ານການເມືອງຂອງຕົນທີ່ຂັ້ນເທິງໄດ້ມອບໝາຍໃຫ້ຢ່າງມີຜົນສຳເລັດ, ເສີມຂະຫຍາຍໄດ້ສະຕິປັນຍາ ແລະ ຄວາມຮັບຜິດຊອບຂອງຄະນະ ໜ່ວຍພັກ, ສະມາຊິກ ແລະ ມະຫາຊົນໄດ້ຢ່າງກວ້າງຂວາງ, ເຮັດໃຫ້ວຽກງານໃນແຕ່ລະຈຸດມີການຫັນປ່ຽນໃນທິດທາງທີ່ຕັ້ງໜ້າຂຶ້ນເທື່ອລະກ້າວ.

ໃນກອງປະຊຸມ; ຍັງໄດ້ເຫັນດີເປັນເອກະພາບເລືອກເອົາສະຫາຍ ບຸນຈັນ ວໍນະລາດ ເປັນເລຂາໜ່ວຍພັກ ກວດກາພາຍໃນ ແລະ ນິຕິກຳ, ສະຫາຍ ນາງ ວຽງຄອນ ຈິນດາວົງ ຮອງເລຂາໜ່ວຍພັກກວດກາພາຍໃນ ແລະ ນິຕິກຳ, ສະຫາຍ ວາງເຢຍ ໄຊນາລໍ່ ເປັນກຳມະການໜ່ວຍພັກກວດກາພາຍໃນ ແລະ ນິຕິກຳ, ເພື່ອສືບຊີ້ນໍາໆພາການປະຕິບັດໜ້າທີ່ການເມືອງໃຫ້ບັນລຸຕາມລະດັບຄາດໝາຍຂອງແຜນການທີ່ວາງໄວ້.

ໂອກາດນີ້, ສະຫາຍ ພູທະນູເພັດ ໄຊສົມບັດ ໄດ້ໃຫ້ການໂອ້ລົມເພື່ອເປັນທິດຊິ້ນໍາໃຫ້ຄະນະໜ່ວຍພັກ ແລະ ບັນດາສະມາຊິກພັກໃນການເຄື່ອນໄຫວປະຕິບັດໜ້າທີ່ການເມືອງໃນຕໍ່ໜ້າໃຫ້ຖືກຕ້ອງສອດຄ່ອງ,ສະມາຊິກພັກທຸກສະຫາຍຕ້ອງເພີ່ມທະວີສຶກສາອົບຮົມການເມືອງ-ແນວຄິດ, ໃຫ້ເຊື່ອມຊຶມ ແລະ ກໍາແໜ້ນແນວທາງປ່ຽນແປງໃໝ່ຂອງພັກ, ຄົ້ນຄວ້າຮໍ້າຮຽນບັນດາມະຕິຕ່າງໆຂອງສູນການພັກ, ລະບຽບກົດໝາຍຂອງລັດໃຫ້ເລິກເຊິ່ງ, ເຊີດຊູນໍ້າໃຈຮັບຜິດຊອບໃນໜ້າທີ່ການເມືອງທີ່ໄດ້ຮັບມອບໝາຍ, ເສີມຂະຫຍາຍສິດເປັນເຈົ້າຂອງມະຫາຊົນປະຕິບັດຫຼັກ ການລວມສູນປະຊາທິປະໄຕ, ມີຄວາມເປັນເອກະພາບໃນໝູ່ຄະນະ, ເອົາໃຈໃສ່ປັບປຸງກໍ່ສ້າງໜ່ວຍພັກ ແລະ ສະມາ ຊິກພັກ, ໃນການປັບປຸງວຽກງານການນຳພາ,ຊີ້ນຳຂອງຄະນະໜ່ວຍພັກ, ຈະສຸມທຸກກຳລັງເຫື່ອແຮງ, ສະຕິປັນຍາ, ມີຄວາມເປັນເອກະພາບ ພ້ອມກັນປະຕິບັດໜ້າທີ່ການເມືອງຂອງຕົນໃຫ້ມີຜົນສຳເລັດຕາມລະດັບຄາດໝາຍທີ່ວາງໄວ້, ເພື່ອຮັກສານາມມະຍົດສ້າງໜ່ວຍພັກໃຫ້ກາຍເປັນໜ່ວຍພັກປອດໃສ່, ເຂັ້ມແຂງ, ໜັກແໜ້ນຕະຫຼອດໄປ.

ພາບ-ຂ່າວ: ປ່ຽນນິສາ