ຄະນະນຳ 4 ທ່ານ ຢູ່ສະຫວັນນະເຂດ ໄດ້ເຂົ້າຮັບການບຳນານ

818

ວັນທີ 25 ທັນວາ 2019, ພາຍຫຼັງ ສຳເລັດກອງປະຊຸມຄົບຄະນະບໍລິຫານງານພັກແຂວງເປີດກວ້າງຄັ້ງທີ 8 ສະໄໝທີ XIII, ໃນພິທີໄດ້ມີການປະກາດພະນັກງານການນຳຂອງແຂວງ ຈຳນວນ 4 ທ່ານ ອອກພັກການ-ຮັບອຸດໜູນບຳນານ.

ໃນນີ້, ທ່ານ ທອງທ່ຽງ ສີດາວົງ ຄະນະປະຈຳພັກແຂວງຫົວໜ້າ ຄະນະຈັດຕັ້ງແຂວງໄດ້ຜ່ານ ມະຕິຕົກລົງຂອງຄະນະເລຂາ ທິການສູນກາງພັກວ່າດ້ວຍ ການອະນຸມັດໃຫ້ພະນັກງານ ອອກພັກການ-ຮັບອຸດໜູນ ບຳນານ, ໃນນີ້ໄດ້ຜ່ານຂໍ້ຕົກລົງ ຂອງເລຂາທິການສູນກາງພັກ ສະບັບເລກທີ 209/ຄລສພ, ລົງ ວັນທີ 29 ຕຸລາ 2019 ວ່າດ້ວຍ ການອະນຸມັດໃຫ້ພະນັກງານ ອອກພັກການ-ຮັບອຸດໜູນ ບຳນານ ເຊິ່ງໄດ້ຕົກລົງໃຫ້ ສະຫາຍ ຄຳພູນ ຕຸໄພທູນ ຄະ ນະປະຈຳພັກແຂວງຮອງເຈົ້າ ແຂວງສະຫວັນນະເຂດ ອອກພັກການ-ຮັບອຸດໜູນບຳນານ ນັບແຕ່ວັນທີ 1 ມັງກອນ 2020, ລວມອາຍຸກະສຽນ 66 ປີ, ລວມອາຍຸການ 52 ປີ.

ຜ່ານມະຕິຕົກລົງຂອງຄະ ນະເລຂາທິການສູນກາງພັກສະ ບັບເລກທີ 196/ຄລສພ, ລົງ ວັນທີ 4 ຕຸລາ 2019 ເຊິ່ງ ໄດ້ອະນຸມັດໃຫ້ທ່ານປອ ກົງຈັກ ໜໍ່ ແກ້ວ ຄະນະປະຈຳພັກແຂວງ ຫົວໜ້າພະແນກການເງິນປະ ຈຳແຂວງອອກພັກການ-ຮັບອຸດໜູນບຳນານນັບແຕ່ ວັນທີ 1 ມັງກອນ 2020, ກະ ສຽນອາຍຸ 63 ປີ, ອາຍຸການ 47 ປີ.

ຜ່ານມະຕິຕົກລົງຂອງ ຄະນະເລຂາທິການສູນກາງພັກ 178/ຄລສພ, ລົງວັນທີ 30 ກັນຍາ 2019 ວ່າດ້ວຍການ ອະນຸມັດໃຫ້ທ່ານ ບຸນຍູ້ ທຳ ມະວົງ ກຳມະການພັກແຂວງ ເລຂາພັກນະຄອນ ເຈົ້ານະ ຄອນໄກສອນ ພົມວິຫານ ອອກພັກການ-ຮັບອຸດໜູນ ບຳນານ ນັບແຕ່ວັນທີ 1 ມັງ ກອນ 2020 ເປັນຕົ້ນໄປ, ອາ ຍຸກະສຽນ 60 ປີ,ອາຍຸການ 39 ປີ.

ຜ່ານຂໍ້ຕົກລົງຂອງ ເລຂາທິການສູນກາງພັກ ສະບັບເລກທີ 209/ຄລສພ ລົງວັນທີ 29 ຕຸລາ 2019 ວ່າດ້ວຍການອະນຸມັດໃຫ້ພະ ນັກງານອອກພັກການ-ຮັບ ອຸດໜູນບຳນານ ເຊິ່ງໄດ້ອອກ ມະຕິຕົກລົງໃຫ້ສະຫາຍ ສີທົນ ນັນທະລາດ ກຳມະການພັກ ແຂວງຫົວໜ້າພະແນກ ອຸດສາ ຫະກຳ ແລະການຄ້າແຂວງ ອອກພັກການ-ຮັບອຸດໜູນ ບຳນານ ນັບແຕ່ວັນທີ 1 ມັງກອນ 2020, ລວມອາຍຸ ກະສຽນ 62 ປີ, ລວມອາຍຸການ 36 ປີ.

ຈາກນັ້ນ, ທ່ານ ສັນຕິພາບ ພົມວິຫານ ກຳມະ ການສູນກາງພັກ ເລຂາພັກ ແຂວງ ເຈົ້າແຂວງສະຫວັນນະ ເຂດກໍ່ໄດ້ຂຶ້ນມອບຊໍ່ດອກໄມ້ ແລະຂອງຂວັນໃຫ້ກັບ 4 ສະ ຫາຍຢ່າງສົມກຽດ.

ທີ່ມາ: ສະຫວັນພັດທະນາ ຂ່າວ / Savanhphathana News