ທ່ານ ສົມສະຫວາດ ເລັ່ງສະຫວັດ ລົງຢ້ຽມຢາມ ແລະ ຊີ້ນຳການບູລະນະພະເຈົ້າໃຫຍ່ເມືອງເກົ່າສຸວັນນະໂຄມຄໍາ

650

ວັນທີ 28 ທັນວາ 2019 ນີ້ ການນໍາແຂວງບໍ່ແກ້ວ ແລະ ເມືອງຕົ້ນເຜິ້ງ ນໍາໂດຍ ທ່ານ ບົວຄົງ ນາມມະວົງ ເຈົ້າແຂວງໆບໍ່ແກ້ວ, ທ່ານ ເຄື່ອນເພັດ ວົງຈັນ ເຈົ້າເມືອງໆຕົ້ນເຜິ້ງ, ຝ່າຍສົງ ນໍາໂດຍ ພະຫຼັກຄໍາ ລັດຕະນະມະນີໂຊຕິກາຈານ ອາດຍາທຳຄໍາເງິນຄຳວົງ ເຈົ້າຄະນະແຂວງບໍ່ແກ້ວ ພ້ອມດ້ວຍບັນດາພະແນກການຂອງແຂວງ – ຫ້ອງການທີ່ກ່ຽວຂ້ອງຂອງເມືອງ, ສະພາບໍລິຫານເຂດເສດຖະກິດພິເສດສາມຫຼ່ຽມຄໍາ, ອຳນາດການປົກຄອງບ້ານ ແລະ ພໍ່ແມ່ປະຊາຊົນ ໄດ້ຕ້ອນຮັບການມາຢ້ຽມຢາມຂອງ ທ່ານ ສົມສະຫວາດ ເລັ່ງສະຫວັດ ອະດີດຮອງນາຍົກລັດຖະມົນຕີ ຢູ່ທີ່ແຫຼ່ງປະຫວັດສາດເມືອງເກົ່າສຸວັນນະໂຄມຄໍາ.

ໂອກາດດັ່ງກ່າວ ທ່ານ ສົມສະຫວາດ ເລັ່ງສະຫວັດ ພ້ອມດ້ວຍຄະນະສົງ, ການນໍາຂອງແຂວງ – ເມືອງ, ສະພາບໍລິຫານເຂດເສດຖະກິດສາມຫຼ່ຽມຄໍາ, ອໍານາດການປົກຄອງບ້ານ, ພໍ່ແມ່ປະຊາຊົນກຸ່ມບ້ານດອນທາດ ກໍ່ໄດ້ພ້ອມກັນໄຫວ້ສັກກາລະພະເຈົ້າໃຫຍ່ເມືອງເກົ່າສຸວັນນະໂຄມຄໍາ ເຊິ່ງເປັນພະພຸດຮູບອົງເກົ່າແກ່ທີ່ເປັນມິ່ງຂວັນຊາວເມືອງຕົ້ນເຜິ້ງ ກໍ່ຄືຊາວແຂວງບໍ່ແກ້ວ ທັງເປັນມໍລະດົກແຫ່ງຊາດທີ່ຊົງຄຸນຄ່າທາງດ້ານປະຫວັດສາດ.

ในภาพอาจจะมี ต้นไม้, ท้องฟ้า, ต้นพืช, พื้นหญ้า, สถานที่กลางแจ้ง และ ธรรมชาติ

ປັດຈຸບັນພວມມີການເທເສົາເພື່ອສ້າງວິຫານກວມພະພຸດທະຮູບອົງດັ່ງກ່າວ ເພື່ອບໍ່ໃຫ້ຊໍາລຸດຊຸດໂຊມໄປຕາມສະພາບແວດລ້ອມ, ເຊິ່ງລັກສະນະຂອງວິຫານໄດ້ຮັບການອອກແບບເປັນວິຫານໂຖງ ຫຼື ວິຫານໂລ່ງບໍ່ມີຝາຜະໜັງ ມີຂະໜາດລວງຍາວ 14 ແມັດ, ກວ້າງ 14 ແມັດ, ສູງ 8 ແມັດ.

ในภาพอาจจะมี 9 คน, ผู้คนกำลังยืน และ สถานที่กลางแจ้ง

ຈາກນັ້ນ ທ່ານ ສົມສະຫວາດ ເລັ່ງສະຫວັດ ກໍ່ໄດ້ໂອລົມໃຫ້ທິດຊີ້ນໍາຕໍ່ກັບການບູລະນະ – ປະຕິສັງຂອນ, ການອະນຸລັກປົກປັກຮັກສາ ແລະ ພັດທະນາແຫຼ່ງປະຫວັດສາດດັ່ງກ່າວໃຫ້ເປັນແຫຼ່ງທ່ອງທ່ຽວທີ່ສາມາດດຶງດູດນັກທ່ອງທ່ຽວເຂົ້າມາທ່ຽວຊົມຫຼາຍຂຶ້ນ.

ในภาพอาจจะมี หนึ่งคนขึ้นไป, ผู้คนกำลังยืน, ต้นไม้, ต้นพืช, ท้องฟ้า, สถานที่กลางแจ้ง และ ธรรมชาติ

ພ້ອມນັ້ນ ທ່ານ ພ້ອມດ້ວຍເຈົ້າຄະນະແຂວງບໍ່ແກ້ວ, ການນໍາຂອງແຂວງ – ເມືອງ, ສະພາບໍລິຫານເຂດເສດຖະກິດພິເສດສາມຫຼ່ຽມຄໍາ, ອໍານາດການປົກຄອງບ້ານ ແລະ ພໍ່ແມ່ປະຊາຊົນ ຍັງໄດ້ພ້ອມກັນປູກຕົ້ນໄມ້ມະນີໂຄດເຊິ່ງເປັນຕົ້ນໄມ້ສັກສິດຕາມຄະຕິຄວາມເຊື່ອ ຈໍານວນ 30 ຕົ້ນ ອ້ອມຮອບທັງສີ່ດ້ານຍໍລິເວນສະຖານທີ່ດັ່ງກ່າວ ພ້ອມທັງມອບໃຫ້ທາງເມືອງ ແລະ ພໍ່ແມ່ປະຊາຊົນກຸ່ມບ້ານດອນທາດເປັນຜູ້ບົວລະບັດປົກປັກຮັກສາອີກດ້ວຍ, ຈາກນັ້ນ ທ່ານພ້ອມດ້ວຍຄະນະກໍ່ໄດ້ເດີນທາງກັບໂດຍສະຫວັດດີພາບ.

ທີ່ມາ: ຖວທ ເມືອງຕົ້ນເຜິ້ງ