ພັນໂທ ບຸນມີ ພາມີໄຊ ເປັນຫົວໜ້າການເມືອງ ກອງບັນຊາການທະຫານແຂວງບໍ່ແກ້ວ ຜູ້ໃໝ່

666

ໃນວັນທີ 23 ທັນວາ 2019 ນີ້, ຢູ່ກອງບັນຊາການທະຫານ ແຂວງບໍ່ແກ້ວ ໄດ້ຈັດພິທີປະກາດການແຕ່ງຕັ້ງຫົວໜ້າການ ເມືອງ ກອງບັນຊາການທະຫານ ແຂວງບໍ່ແກ້ວຜູ້ໃໝ່ ປ່ຽນແທນ ຜູ້ເກົ່າທີ່ໄດ້ພັກການກຽມຮັບເບ້ຍ ບຳນານ ແລະ ບາງຕຳແໜ່ງງານ ຈຳນວນໜຶ່ງ ໂດຍການເປັນປະທານຂອງ ສະຫາຍ ພົນໂທ ທອງລອຍ ສີລິວົງ ກຳມະການ ສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມ ໃຫຍ່ການເມືອງກອງທັບ, ເຂົ້າ ຮ່ວມມີ ສະຫາຍ ພັນເອກ ບຸນປັນ ຂຸນພູມີ ຮອງຫົວໜ້າກົມພະນັກງານກົມໃຫຍ່ການເມືອງກອງ ທັບ, ສະຫາຍ ຄຳກິ່ງ ເອື່ອຍມະ ນີຮັກ ຮອງເລຂາພັກແຂວງ, ຮອງ ເຈົ້າແຂວງໆບໍ່ແກ້ວ, ມີຄະນະພັກ-ຄະນະບັນຊາ ພ້ອມພາກສ່ວນກ່ຽວຂ້ອງເຂົ້າຮ່ວມ.

ສະຫາຍ ພັນເອກ ບຸນປັນ ຂຸນພູມີ ໄດ້ຜ່ານຂໍ້ຕົກລົງຂອງ ກະຊວງປ້ອງກັນປະເທດ ວ່າດ້ວຍ ການອະນຸຍາດໃຫ້ນາຍທະຫານ ພັກການເພື່ອລໍຖ້າເຂົ້າຮັບເບ້ຍ ບຳນານ ສະບັບເລກທີ 3711/ກປທ, ນະຄອນຫຼວງວຽງຈັນ ລົງວັນທີ 5/9/2019 ເຊິ່ງໃນ ນີ້ໄດ້ຕົກລົງອະນຸຍາດໃຫ້ ສະຫາຍ ພົນຈັດຕະວາ ມະລີສານ ແສງ ຈັນທາ ຫົວໜ້າການເມືອງກອງ ບັນຊາການທະຫານແຂວງ ບໍ່ແກ້ວ ພັກການເພື່ອກະກຽມຮັບ ເບ້ຍບຳນານ ແລະ ຜ່ານຂໍ້ຕົກລົງ ວ່າດ້ວຍການແຕ່ງຕັ້ງຫົວໜ້າ ການເມືອງ ກອງບັນຊາການທະຫານແຂວງບໍ່ແກ້ວຜູ້ໃໝ່ ໂດຍອີງ ຕາມກົດໝາຍກອງທັບປະຊາຊົນລາວ ສະບັບເລກທີ 43/ສພຊ, ລົງວັນທີ 14 ມິຖຸນາ 2018, ມາດຕາ 26, ອີງຕາມໜັງສືສະເໜີ ຂອງຄະນະຈັດຕັ້ງສູນກາງພັກ ສະບັບເລກທີ 278/ຄຈສພ, ລົງ ວັນທີ 06 ພະຈິກ 2019, ອີງ ຕາມທິດທາງກ່ຽວກັບການປັບປຸງບູລະນະກົງຈັກການຈັດຕັ້ງນໍາພາ-ບັນຊາໃນກຳລັງປະກອບ ອາວຸດໃຫ້ເຂັ້ມແຂງ, ໜັກແໜ້ນຮອບດ້ານເພື່ອເຮັດສຳເລັດໜ້າທີ່ໃນການປົກປັກຮັກສາ ແລະ ສ້າງສາພັດທະນາປະເທດຊາດ.

ກະຊວງປ້ອງກັນປະເທດ ຕົກລົງ ແຕ່ງຕັ້ງ ສະຫາຍ ພັນໂທ ບຸນມີ ພາມີໄຊ ເປັນຫົວໜ້າການເມືອງ ກອງບັນຊາການທະຫານແຂວງ ບໍ່ແກ້ວ ແລະ ໄດ້ຜ່ານຂໍ້ຕົກລົງ ແຕ່ງຕັ້ງຊັບຊ້ອນ, ຕໍາແໜ່ງງານ ຂັ້ນກອງບັນຊາການທະຫານ ແຂວງບໍ່ແກ້ວຄື: ສະຫາຍ ພັນໂທ ທອງໄຂ ສີຍາລາດ ເປັນຮອງຫົວໜ້າການເມືອງກອງບັນຊາການ ທະຫານແຂວງ ທັງເປັນຫົວໜ້າຫ້ອງການເມືອງ, ສະຫາຍ ພັນໂທ ຈຸລາຍ ຈຸລະຈິດ ເປັນຫົວໜ້າຫ້ອງເຕັກນິກ, ສະຫາຍ ພັນໂທ ສົມຫຼ້າ ວໍລະເດດ ເປັນຮອງຫົວ ໜ້າຫ້ອງການເມືອງ, ສະຫາຍ ພັນໂທ ຄຳໄພ ທິບບົວວັນ ເປັນ ຮອງຫົວໜ້າຫ້ອງເຕັກນິກ.

ໂອກາດດັ່ງກ່າວ ສະຫາຍ ພົນໂທ ທອງລອຍ ສີລິວົງ ໄດ້ໂອ້ລົມຕໍ່ນາຍທະຫານທີ່ໄດ້ຮັບການແຕ່ງຕັ້ງມອບໝາຍໜ້າທີ່ໃໝ່ ໃນຄັ້ງນີ້ວ່າ: ການປະກາດການປັບປຸງການຈັດຕັ້ງ ແມ່ນຄວາມຮຽກຮ້ອງຕ້ອງການ ຂອງໜ້າທີ່ວຽກງານໃນໄລຍະ ໃໝ່ ແລະ ເປັນການມອບໝາຍ ໜ້າທີ່ອັນສຳຄັນຂອງຄະນະນຳ ກະຊວງປ້ອງກັນປະເທດທີ່ໃຫ້ ຄວາມໄວ້ເນື້ອເຊື່ອໃຈ ດັ່ງນັ້ນຈົ່ງ ສືບຕໍ່ຈັດຕັ້ງປະຕິບັດໜ້າທີ່ການ ເມືອງນຳພາ-ແນວຄິດ, ທີ່ຂັ້ນເທິງ ມອບໝາຍໃຫ້ດ້ວຍຄວາມຮັບຜິດ ຊອບສູງ ໂດຍການເພີ່ມທະວີບົດ ບາດຂອງຕົນຢ່າງຕັ້ງໜ້າ ແລະ ເປັນແບບຢ່າງທີ່ດີຊີ້ນໍາ-ນໍາພາ ສຶກສາອົບຮົມໃຫ້ພະນັກງານ-ນັກ ຮົບໃນກົມກອງໃຫ້ມີຄວາມອຸ່ນ ອຽນທຸ່ນທ່ຽງ ເພື່ອສືບຕໍ່ພັດທະ ນາກົມກອງໃຫ້ມີຄວາມຈະເລີນ ກ້າວໜ້າ ແລະ ຂະຫຍາຍຕົວຂຶ້ນເລື້ອຍໆ.

ທີ່ມາ: lao people’s army news