ສາຍບຸນບໍ່ຄຄວນພາດ ຮ່ວມສູດມົນຕ້ອນຮັບປີໃໝ່ ທີ່ວັດທາດຫຼວງເໜືອ

391

ເຊີນຊວນ ທ່ານສາທຸຊົນ ຜູ້ໃຝ່ບຸນກຸສົນທັງຫຼາຍ ໄດ້ຮ່ວມສູດມົນຕ້ອນຮັບປີໃໝ່ສາກົນ 2020 ເຊິ່ງຈັດຂຶ້ນ ທີ່ ຫໍທັມມະສະພາ ວັດພຣະທາດຫຼວງເໜືອ ເມືອງໄຊເຊດຖາ ນະຄອນຫຼວງວຽງຈັນ. ໃນຕອນແລງ ຄໍ່າຄືນ ຂອງ ວັນອັງຄານ ວັນທີ 31 ທັນວາ 2019 ເຊິ່ງມີລາຍລະອຽດດັ່ງນີ້:

ในภาพอาจจะมี อาหาร

ຕອນເຊົ້າ ວັນອັງຄານ ວັນທີ 31 ທັນວາ 2019 ນັບຕັ້ງແຕ່ ເວລາ 08:00 ນາທີ ເປັນຕົ້ນໄປ ເປັນມື້ຕັ້ງບຸນ ເພື່ອໃຫ້ ສັດທາອອກຕົນຍາດໂຍມທັງຫຼາຍ ໄດ້ມາຈອງບ່ອນນັ່ງ ສະຖານທີ່ສູດມົນ ແລະ ໄດ້ຮ່ວມໂມທະນາບຸນ ປັດໄຈໄທຍະທານ ສ້າງບຸນໄວ້ ສົ່ງທ້າຍປີເກົ່າ ຕ້ອນຮັບປີໃໝ່.

ในภาพอาจจะมี หนึ่งคนขึ้นไป และ ข้อความ

ເວລາ 17:30 ນາທີ ເຕົ້າໂຮມ ພຣະສົງສາມະເນນ ອອກຕົນຍາດໂຍມທັງຫຼາຍ ທີ່ຫໍທັມມະສະພາ ແລະ ເດີ່ນພຣະທາດຫຼວງ. ເວລາ 19:00 ນາທີ ເຂົ້າສູ່ພິທີ ນຸ່ງຂາວ ຫົ່ມຂາວ ໄຫວ້ພຣະສະມາທານສີນ ຟັງສູດປະຣິດຕະມຸງຄຸນ ແລະ ຟັງທັມມະເທສະໜາ. ເວລາ 21:00 ນາທີ ເຂົ້າສູ່ພິທີ ສູດສົ່ງທ້າຍປີເກົ່າ ເພື່ອໃຫ້ສິ່ງທີ່ບໍ່ດີ ອັບປະມຸງຄຸນທັງຫຼາຍ ໝົດໄປ ເໝືອນກັບການຊຳຮະລ້າງຮ່າງກາຍ ອາບນຳ້ ເພື່ອເຮັດໃຫ້ຮ່າງກາຍສະອາດ ສະບາຍຕົວ ຊື່ນໃຈ.

ເວລາ 23:30 ນາທີ ເຂົ້າສູ່ພິທີ ສູດມົນຕ້ອນຮັບປີໃໝ່ ສາກົນ ເພື່ອຮັບເອົາໂຊກໄຊ ສິຣິມຸງຄຸນ ເຂົ້າມາໃນຊີວິດຕົນ ເໝືອນດັ່ງພວກເຮົາໄດ້ຮັບອາບນຳ້ ເຮັດຮ່າງກາຍສະອາດ ເບົາກາຍຊື່ນໃຈແລ້ວ ກໍພ້ອມທີ່ຈະປະດັບປະດາຕົກແຕ່ງຮ່າງກາຍໃຫ້ງົດງາມ ດ້ວຍເຄື່ອງຫອມ ເຄື່ອງປະດັບຕ່າງໆ.

ในภาพอาจจะมี 1 คน, ฝูงชน

ໃນເຊົ້າເດິກຂອງ ວັນພຸດ ເວລາ 01:00 ນາທີ ລາສີນ ຄາຣະວະ ຮັບພອນ ຢາດນຳ້ ແລະ ໄດ້ຕັກບາດມະຫາໄຊ 7 ໜ່ວຍ ໝາຍເຖິງໃຫ້ສຳເລັດທຸກຢ່າງ ເປັນອັນສຳເລັດພິທີ ສູດມົນສົ່ງທ້າຍປີເກົ່າ ຕ້ອນຮັບປີໃໝ່ສາກົນ ກັບບ້ານເຮືອນດ້ວຍຄວາມສະຫວັດດີ ເປັນເສດຖີ ມີຄວາມສຸກ.

ວັນພຸດ ວັນທີ 01 ມັງກອນ 2020 ເວລາ 07:30 ຕັກບາດ ຖວາຍສັງຄະທານ ແດ່ພຣະສົງໝູ່ໃຫຍ່ ທີ່ ຫໍທັມມະສະພາ ວັດພຣະທາດຫຼວງເໜືອ.

ເພາະສະນັ້ນ, ຈຶ່ງເຊີນຊວນ ບັນດາທ່ານທັງຫຼາຍ ຜູ້ທີ່ຕ້ອງການສ້າງຄຸນງາມຄວາມດີ ຢາກສູດມົນຈະເຣີນພາວະນ ເຮັດບຸນກຸສົນ ສົ່ງທ້າຍປີເກົ່າ 2019 ຕ້ອນຮັບປີໃໝ່ສາກົນ 2020 ກໍຂໍເຊີນຊວນຮ່ວມບຸນນຳກັນໄດ້.