ເດັກນ້ອຍອາຍຸ 11ປີ ຮ່າງກາຍພິການແຖມຕ້ອງພົບເຈີຄວາມສູນເສຍຂະໜາດນີ້ພຸ້ນຫວາ!

370

ສັງຄົມປັດຈຸບັນມີຫຼາຍເລື່ອງລາວເກີດຂຶ້ນ ມີທັງເລື່ອງດີ, ບໍ່ດີ ຫຼື ປາກົດການແປກປະຫຼາດ ບວກກັບເຫດການຕ່າງໆທີ່ເກີດຂຶ້ນໃນສັງຄົມ ລວມທັງເລື່ອງຂອງເດັກນ້ອຍຄົນນີ້ທີ່ແອັດກໍາລັງຈະເວົ້າເຖິງ ເປັນເດັກນ້ອຍພິການຕັ້ງແຕ່ເກີດອາຍຸພຽງ 11ປີ ທີ່ຕ້ອງພົບເຈີກັບໂຊກຮ້າຍຕ່າງໆ ທັງຮ່າງກາຍບໍ່ປົກກະຕິ ແລະ ໂຊກຮ້າຍອີກຢ່າງໜຶ່ງທີ່ແອັດສະເທືອນໃຈເຫຼືອເກີນແມ່ນການສູນເສຍຄອບຄົວທີ່ຮັກໄປພ້ອມກັນເຖິງ 4ຄົນ ຈາກເຫດການດິນຖະຫຼົ່ມຢູ່ ບ້ານຫ້ວຍຈິກ ເມືອງໃໝ່ ແຂວງຜົ້ງສາລີ ເມື່ອປີຜ່ານມາ ເຮັດໃຫ້ຕ້ອງໄດ້ໃຊ້ຊີວິດຢູ່ກັບ ແມ່ເຖົ້າ ແລະ ນ້າສາວ.

ຈາກທີ່ສື່ສັງຄົມອອນລາຍແຊກັນເປັນຈໍານວນຫຼາຍຈາກການໂພສເລື່ອງລາວຂອງເດັກນ້ອຍຄົນນີ້ຜ່ານເຟສບຸກຊື່ Phoyphoy Nishanunh ໃຫ້ຮູ້ວ່າ: ເດືອນແລ້ວນີ້ຂ້ອຍໄດ້ໄປຜົ້ງສາລີມາ ແລະໄດ້ເດີນທາງໄປເມືອງໃໝ່ໄດ້ໄປພົບເຈີກັບເລື່ອງລາວທີ່ໜ້າຫົດຫູ່ໃຈຂອງທ້າວນ້ອຍໆນີ້ທີ່ອາໄສຢູ່ບ້ານຫ້ວຍຈິກ ເມືອງໃໝ່ ແຂວງຜົ້ງສາລີ, ລາວພິການມາແຕ່ກຳເນີດຕີນລາວຈະບິດໄປທາງດ້ານຫຼັງ ແລະ ປາກລາວຈະນ້ອຍແຫຼມຜິດປົກກະຕິເຮັດໃຫ້ກິນເຂົ້າກິນເຂົ້າກິນນໍ້າຍາກ

ແຕ່ທີ່ສອບຖາມມາລາວເປັນເດັກນ້ອຍຄົນໜື່ງທີ່ຮຽນເກັ່ງຫຼາຍອາຍຸໄດ້11ປີດຽວນີ້ລາວອາໃສຢູ່ກັບແມ່ເຖົ້າ ແລະນ້າສາວຍ້ອນເຄາະຊໍ້າກຳຊັດພໍ່ແມ່ ແລະ ນ້ອງຝາແຝດອີກສອງຄົນກະມາດ່ວນຈາກໄປຍ້ອນເຫດດິນທະລົ່ມປີກາຍລາວລອດມາໄດ້ຍ້ອນລາວກິ້ງໄປຕົກລົງຮ່ອງ ແລະ ຜ້າເສື່ອປົກເທິງເຮັດໃຫ້ມີຊ່ອງຫວ່າງ ແລະ ມີອາກາດຫາຍໃຈສ່ວນພໍ່ແມ່  ແລະ ນ້ອງອີກສອງຄົນເສຍຊີວິດຄາທີ່.

ເປັນແນວໃດແຟນເພຈທັນຂ່າວ ຫຼັງຮັບຮູ້ເລື່ອງລາວຊີວິດຂອງເດັກນ້ອຍຄົນນີ້ແລ້ວ ຄິດເຫັນແນວໃດແນ່, ສໍາລັບແອັດເອງເບິ່ງບັນຫາໃນຊີວິດຂອງຕົນເອງເປັນສິ່ງນ້ອຍໆເປັນເລີຍ ຖ້າທຽບກັບສິ່ງທີ່ເດັກນ້ອຍອາຍຸພຽງ 11ປີ ຕ້ອງພົບເຈີຜ່ານມາ ແລະ ຫວັງວ່າລາວຈະສາມາດຜ່ານຜ່າອຸປະສັກທຸກຢ່າງ ແລະ ເຕີບໂຕເປັນຄົນດີຂອງສັງຄົມໄດ້.