ຊົມເຊີຍ! ປະຊາຊົນສາມັກຄີຮ່ວມກັນເທເປຕົງທາງຄອນກີດ ເສັ້ນທາງເຂົ້າປ່າຊ້າ

379

ປະຊາຊົນບ້ານທາດອີງຮັງ ນະຄອນໄກສອນ ພົມວິຫານ ແຂວງສະຫວັນນະເຂດ ສ້າງຂະບວບການສາມັກຄີເທເປຕົງທາງຄອນກີດເສັ້ນທາງເຂົ້າປ່າຊ້າຂອງບ້ານຢ່າງເປັນຂະບວນຟົດຟື້ນ.

ວັນທີ 22 ທັນວາ 2019ນີ້ ປະຊາຊົນ ບ້ານ ທາດອີງຮັງ ນະຄອນ ໄກສອນ ພົມວິຫານ ໄດ້ພ້ອມໃຈກັນສ້າງຂະບວບການສາມັກຄີກັນເທເປຕົງທາງຄອນກີດເສັ້ນທາງເຂົ້າປ່າຊ້າຂອງບ້ານຂອງຕົນຢ່າງເປັນຂະບວນການທີ່ຟົດຟື້ນພາຍໃຕ້ການຊີ້ນໍາ-ນໍາພາຂອງທ່ານ ຄໍໍາພັນ ເພັງໜອກສະຫັວນ ເລຂາພັກບ້ານ-ນາຍບ້ານທາດອີງຮັງ ພ້ອມດ້ວຍພໍ່ແມ່ປະຊາຊົນ ໄດ້ຮ່ວມແຮງຮ່ວມໃຈກັນອອກແຮງງານຢ່າງເປັນຂະບວນການ.

ທ່ານ ຄໍາພັນ ເພັງໜອກສະຫັວນ ນາຍບ້ານ, ບ້ານທາດອີງຮັງ ໄດ້ ໃຫ້ຮູ້ວ່າໃນສ້າງການເທເປຕົງາທງຄອນກີດເສັ້ນທາງເຂົ້າປ່າຊ້າຄັ້ງນີ້ ເພື່ອເປັນການສ້າງຂະບວນການ ແລະ ຜົນງານຂອງບ້ານໄວ້ ເພື່ອຄໍານັບຮັບຕ້ອນວັນສໍາຄັນຕ່າງໆຂອງຊາດກໍ່ຄືພ້ອມກັນສ້າງຜົນງານໃຫ້ເປັນຂະບວນການຟົດຟື້ນຕ້ອນຮັບກອງປະຊຸມໃຫຍ່ອົງຄະນະພັກ 3ຂັ້ນ ທັງເປັນຫ້າງຫາກະກຽມໃຫ້ແກ່ກອງປະຊຸມໃຫຍ່ຂອງອົງຄະນະພັກນະຄອນຄັ້ງທີ 8 ໃນຕົ້ນປີ2020ນີ້.

ເພື່ອໃຫ້ມີຂະບວນການຟົດຟື້ນ.ເຊິ່ງ ສ່ວນໜ້າວຽກທີ່ພໍ່ແມ່ປະຊາຊົນ ໄດ້ຮ່ວມແຮງຮ່ວມໃຈກັນສ້າງຂະບວນການໃນຄັ້ງນີ້ ແມ່ນເທເປຕົງຄອນກີດ ຊຶ່ງໄລຍະທາງຍາວ 350 ແມັດ,ກ້ວາງ 4ແມັດ ເຊິ່ງມູນຄ່າການກໍ່ສ້າງທັງໜົດ 120 ລ້ານກີບ,ສ່ວນແຫຼ່ງທຶນແມ່ນໄດ້ມາຈາກການລະດົມທຶນຈາກປະຊາຊົນໃນບ້ານ,ນັກທຸລະກິດ ແລະ ຕ່າງປະເທດ.

ທັງນີ້,ກໍ່ເພື່ອເປັນການສ້າງຂະບວນການສາມັກຄີກັນຂອງປະຊາຊົນໃນບ້ານ ໃຫ້ມີຄວາມສາມັກຄີກັນພ້ອມພຽງກັນຢ່າງເປັນປຶກແຜນແໜ້ນໜ້າ ແລະ ຮັດກຸມຂື້ນກວ່າເກົ່າ ແລະ ທັງເຮັດໃຫ້ເສັ້ນທາງດັ່ງກ່າວສາມາດສັນຈອນ ທ່ຽວໄປມາໄດ້ສະດວກ ສະບາຍຂື້ນກ່ວາເກົ່າ.

ທີ່ມາ: ວິທະຍຸກະຈາຍສຽງສະຫວັນນະເຂດ