ພະນັກງານ ກວຕ ຊຸດທີ II ອົບຮົມພາສາຫວຽດນາມ

351

ໃນຕອນເຊົ້າຂອງວັນທີ 22 ພະຈິກ 2019 ຜ່ານມາ ຢູ່ສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ, ກະຊວງ ວິທະຍາສາດ ແລະ ເຕັກໂນໂລຊີ (ກວຕ) ໄດ້ເປິດຝຶກອົບຮົມພາສາຫວຽດນາມ ຫຼັກສູດ 6 ເດືອນຊຸດທີ II ໃຫ້ແກ່ນັກສຳມະນາກອນຈຳນວນ 16 ທ່ານ ຍິງ 6 ທ່ານ.

ການເປີດຊຸດອົບຮົມດັ່ງກ່າວ ໄດ້ຮັບກຽດການເຂົ້າຮ່ວມເປັນປະທານຮ່ວມຂອງທ່ານ ພິມພາ ອຸດທະຈັກ, ຫົວໜ້າສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ ແລະ ທ່ານ ຫງວຽນ ຫງັອກ ທັ່ງ, ເລຂາເອກ, ຮັບຜິດຊອບວຽກງານການສຶກສາສະຖານທູດ ສສ ຫວຽດນາມ ປະຈຳ ສປປ ລາວ. 

ການຍົກລະດັບພາສາຕ່າງໆປະເທດ ໂດຍສະເພາະພາສາຫວຽດນາມ ເພື່ອສ້າງຄວາມສະດວກໃນການພົວພັນ ແລະ ຮ່ວມມື ລະຫວ່າງ ປະຊາຊົນສອງຊາດເວົ້າລວມ, ເວົ້າສະເພາະ ແມ່ນລະຫວ່າງສອງກະຊວງວິທະຍາສາດ ແລະ ເຕັກໂນໂລຊີ, ສປປ ລາວ ກັບ ກະຊວງວິທະຍາສດ ແລະ ເຕັກໂນໂລຊີ, ສສ ຫວຽດນາມ ໃຫ້ນັບມື້ໄດ້ຮັບການເພີ່ມພູນຄູນສ້າງ ແລະ ເຕີບໃຫຍ່ຂະຫຍາຍຕົວຂຶ້ນຢ່າງບໍ່ຢຸດຢັ້ງ.

ໂອກາດນີ້, ທ່ານ ພິມພາ ອຸດທະຈັກ, ຫົວໜ້າສະຖາບັນການຄຸ້ມຄອງວິທະຍາສາດ ແລະ ເຕັກໂນໂລຊີ ກວຕ ກ່າວວ່າ: ການເປິດຝຶກອົບຮົມ ພາສາຫວຽດນາມ ຊຸດທີ II ໃຫ້ແກ່ພະນັກງານພາຍໃນ ກວຕ ມີຄວາມຈຳເປັນສຳລັບພະນັກງານ-ລັດຖະກອນ ຂະແໜງວິທະຍາສາດ ແລະ ເຕັກໂນໂລຊີ ຂອງພວກເຮົາ.ການເຂົ້າໃຈພາສາ ຈະຊ່ວຍໃຫ້ການພົວພັນ ແລະ ປະສານງານທາງດ້ານວຽກງານ ສະດວກຂຶ້ນ.