ຂະບວນນາງສາວລາວ ປະຈຳປີ 2019 ຢ້ຽມຢາມບໍ່ແກ້ວ

576

ບັນດາຜູ້ເຂົ້າປະກວດນາງສາວລາວ ປະຈຳປີ 2019 ຈຳນວນ 40 ນ້ອງ ທີ່ມາຈາກ 18 ແຂວງທົ່ວປະເທດ ໄດ້ເດີນ ທາງຢ້ຽມຢາມສະຖານທີ່ທ່ອງທ່ຽວຢູ່ແຂວງບໍ່ແກ້ວ ເຊິ່ງໃຫ້ກຽດຕ້ອນຮັບຢ່າງອົບອຸ່ນຈາກ ທ່ານ ອິນແປງ ໃຈຍະສັກ ເຈົ້າເມືອງຫ້ວຍຊາຍ, ພ້ອມພ້ອມດ້ວຍການນຳແຂວງ, ເມືອງ ແລະ ພາກສ່ວນກ່ຽວຂ້ອງເຂົ້າຮ່ວມ.

ຈຸດປະສົງໃນການມາເຄື່ອນໄຫວໃນຄັ້ງນີ້ແມ່ນມາເກັບຕົວຝຶກແອບ ກະກຽມຄວາມພ້ອມກ່ອນຂຶ້ນເວທີປະກວດ ແລະ ທັງເປັນການທັດສະນະສຶກແຫຼງທ່ອງທ່ຽວທາງດ້ານທຳມະຊາດ, ປະຫວັດສາດ ແລະ ວັດທະນະທຳອື່ນໆພາຍໃນແຂວງ.

        

ໂອກາດນີ້, ທ່ານ ຄຳແປງ ໃຈຍະສັກ ເຈົ້າເມືອງຫ້ວຍຊາຍ ແຂວງບໍ່ແກ້ວ ໄດ້ລາຍງານກ່ຽວກັບສະພາບລວມແຫຼ່ງທ່ອງທ່ຽວພາຍໃນແຂວງ ເຊິ່ງມີສະຖານທີ່ທອ່ງທ່ຽວທາງດ້ານທຳມະຊາດ, ປະຫວັດສາດ ແລະ ວັດທະນະທຳຫຼາກຫຼາຍ ໂດຍສະເພາະແມ່ນບໍ່​ນ້ຳຮ້ອນບ້ານນ້ຳ​ເກິ່ງ ເຊື່ອມ​ຕໍ່ກັບ​ຕາດ​ນ້ຳຢອງ; ດອນ​ປຸ່ງ; ປ່າ​ສະຫງວນ​​ແຫ່ງ​ຊາດນ້ຳກ່ານ;

ເມືອງ​ເກົ່າ​ສຸວັນນະ​ໂຄມ​ຄຳ; ຄ້າຍ​ເກົ່າ​ທະ ຫານ​ຝຣັ່ງ; ພູຜາ​ຮຸ້ງ – ພູຜາ​ແດງຕິດ​ພັນ​ກັບ​ຕາດ​ນ້ຳຍອນ; ນ້ຳລອດພູຊ້າງ; ດອນຊາວ (ງານເທດສະການດອກງິ້ວບານ); ຜາພຣະ; ວັດຈອມເຂົາມະນີຣັດ; ວັດທາດສຸວັນະຜ້າຄຳ; ພູ​ຊີ້​ຟ້າ; ປ່າ​ຫວາຍ​ຫຼວງໃຫຍ່; ບໍ່​ນ້ຳຮ້ອນບ້ານ​ປຸ່ງ​ເລາະ; ພູ​ຫຍ້າ​ຄາ; ຄຸກ 24 ຫ້ອງສະ​ໄໝອາ​ເມ​ຣິກາ; ຖ້ຳ​ນ້ຳລອດຫ້ວຍ​ກູດ; ຖ້ຳຜາແກ່ ແລະ ນ້ຳຕົກຕາ​ດຂຸນ​ລູ – ນາງ​ອົ້ວ.

ສໍາລັບສະຖານທີ່ທ່ອງທ່ຽວທາງທຳມະຊາດ ປະກອບມີ: ມີປ່າ​ສະຫງວນ​​ແຫ່ງ​ຊາດນ້ຳກ່ານ ທີ່ຕັ້ງຢູ່ ບ້ານຕູບ ເມືອງຫ້ວຍຊາຍ ແຂວງບໍ່ແກ້ວ ຫ່າງຈາກເທດສະບານແຂວງໄປທາງທິດໃຕ້ປະມານ 84 ກິໂລແມັດ ມີເສັ້ນທາງແຍກຈາກເສັ້ນທາງ R3 ປະມານ 14 ກິ​ໂລ​ແມັດ ໃນເນື້ອທີ່ 136.000 ເຮັກຕາ ເປັນເຂດປ່າສະຫງວນທີ່ມີນັກທ່ອງທ່ຽວມາຢ້ຽມຢາມຫຼາຍທີ່ສຸດ.

ສ່ວນສະຖານທີ່ທາງປະຫວັດສາດ ໄດ້ແກ່: ເມືອງ​ເກົ່າ​ສຸວັນນະ​ໂຄມ​ຄຳຕັ້ງຢູ່ຈຸດຕາເວັນຕົກສຸດຂອງປະເທດລາວ ຫ່າງຈາກເມືອງຫ້ວຍຊາຍໄປທາງທິດຕາເວັນຕົກປະມານ 40 ກິໂລແມັດ ທີ່​ນອນຢູ່ໃນ​ຂອບ​ເຂດບ້ານ​ດອນ​ທາດ ​ເມືອງຕົ້ນ​ເຜິ້ງ, ຫ່າງ​ຈາກ​ເທດສະບານ​ເມືອງ​ຕົ້ນ​ເຜິ້ງປະມານ 5 ກິ​​ໂລ​ແມັດ.

ອິງຕາມ​ການ​ສຳ​ຫຼວດ​ໃນ​ເບື້ອງ​ຕົ້ນພົບ​ວ່າ​ມີ 44 ບູຮານ​ສະຖານທີ່ເປັນ​ພຸດທະ​ສິມມາ, ພະທາດ, ພະພຸດທະ​ຮູບ, ນ້ຳສ້າງ ​ແລະ ອື່ນໆ.

ໃນເວລາດຽວກັນນັ້ນ ນ້ອງນາງສາວງາມທັງ 40 ຄົນ ຍັງໄດ້ລົງຍັງໄດ້ໄປຢ້ຽມຢາມຊິມອາຫານພື້ນເມືອງ ເປັນຕົ້ນແມ່ນ: ເຂົ້າປຸ້ນຫົວໂລງ ແລະ ມອບເຄື່ອງອຸປະກອບຮັບໃຊ້ໃຫ້ແກ່ນ້ອງນັກຮຽນຂອງໂຮງຮຽນຊົນເຜົ່າກິນນອນ ແລະ ເດີນທາງໄປຢຽມຢາມສະຖານວັດຈອມເຂົ້າມະນີຣັດ ອີກດ້ວຍ ເຊິ່ງກິດຈະກຳດັ່ງກ່າວໄດ້ຈັດຂຶ້ນໃນຂອງວັນທີ 25 ພະຈິກ ຜ່ານມາ ທີ່ແຂວງບໍ່ແກ້ວ.